Issue 43

Grace of Art ၏ ဈေးကွက်မန်နေဂျာ Thanyaporn Chiewhatpong မှ Horizon Thailand အား အပြည်ပြည်ဆိုင်ရာ ဈေးကွက်သို့ ဝင်ရောက်နိုင်ရန် သူမ၏မိသားစုပိုင် စီးပွားရေးကို မည်ကဲ့သို့ ငွေဖြင့်ပြုလုပ်ထားသည့် လက်ဝတ်ရတနာများ အား ထုတ်လုပ်သည့် လုပ်ငန်းအဖြစ် ပြောင်းလဲလိုက်ပုံကို ပြောပြထားပါသည်။

ကျေးဇူးပြုပြီး ကျွန်တော်တို့ ကို Grace of Art ဘယ်လိုဘယ်ပုံ ပေါ်ပေါက်လာလဲဆိုတဲ့ အကြောင်းကို ပြောပြပေးပါ။
အမှန်က ကျွန်မတို့  မိသားစုရဲ့ စီးပွားရေးလုပ်ငန်းက ငွေထည်ပစ္စည်းတွေကို ထုတ်လုပ်တာပါ။ ကျွန်မတို့ က ၀ယ်သူတွေ ပြောတဲ့ လိုချင်တဲ့ပုံစံတွေအတိုင်း ပစ္စည်းတွေကို လုပ်ပေးတာပါ။ ဒါပေမယ့်၊ နောက်ပိုင်းမှာ ဈေးကွက်ကပြောင်းလာတယ်။ တရုတ်တွေက ကျွန်မတို့ ရဲ့ အဓိက ပြိုင်ဘက်တွေဖြစ်လာတယ်။ ကျွန်မတို့ ရဲ့ ဖောက်သည်တွေကို ပိုမိုချိုသာတဲ့ ဈေးနှုန်း တွေနဲ့ ဆွဲဆောင်လာကြတယ်။ ဒီဟာက လုပ်ငန်းသစ်ကို လုပ်ဆောင်ရတဲ့ အကြောင်းရင်းခံပါပဲ။ ဒါကြောင့် ကျွန်မက ဖြန့်  ဖြူးရောင်းချနိုင်မဲ့ ဈေးကွက်သစ်ကို ရှာဖွေဖို့ အတွက် ဖက်ရှင် ကျတဲ့လက်ဝတ်ရတနာ ဒီဇိုင်းတွေကို စတင်ပုံဖော် ပြုလုပ် ခဲ့တာပါ။

ဒီဇိုင်းပုံဖော်ပြီး ထုတ်လုပ်ရတဲ့ စီးပွားရေးလုပ်ငန်းမှာ ဘယ်အရာက တွန်းအားဖြစ်စေတာပါလဲ။
ကျွန်မမှာ ကျွန်မတို့ ဝန်းကျင်မှာရှိတဲ့ လူကတုပဖန်တီးထားတဲ့ ကျောက်မျက်တွေ၊ သုံးမြှောင့်ပုံဂေါ်မိတ်ကျောက်တွေ၊ ခရုခွံ ကမာခွံ စတဲ့ သဘာဝပစ္စည်းတွေလို အဖိုးနှုန်းချိုသာတဲ့ပစ္စည်းတွေနဲ့  တန်ဖိုးတက်လာနိုင်တဲ့ ထုတ်ကုန်သစ်တွေကို ဖန်တီးဖို့  အကြံရှိတယ်။ ကျွန်မတို့ ရဲ့ လက်ဝတ်ရတနာတွေက တခြား ငွေထည်နဲ့ လုပ်ထားတဲ့ ဖက်ရှင် လက်ဝတ်ရတနာ တွေနဲ ကွဲပြားတယ်။ ဆန်းသစ်တယ်။ ဒီဇိုင်းကောင်းကောင်းတွေကို လိုချင်တဲ့ ဖောက်သည်တွေအတွက် ရွေးချယ်စရာ တစ်ခုတိုးလာစေတယ်။

Grace of Art ရဲ့ ထူးခြားတဲ့ လက္ခဏာက ဘာပါလဲ။
Grace of Art က သဘာဝကျတဲ့ဒီဇိုင်းတွေနဲ့ ငွေထည်လက်ဝတ်ရတနာတွေကို ထုတ်လုပ်ထားတာပါ။ ကျွန်မတို့ ရဲ့ ဒီဇိုင်း အတွက် Ploi Thai Award 2011၊ Asian Fashion Jewelry & Accessories Design Competition 2006၊ Prism Award 2005 နဲ့  International Jewelry Design Competition 2002 ဆုတွေကို လက်ခံရရှိထားပြီးဖြစ်ပါတယ်။

ဝယ်ယူသူတွေက ဘယ်လိုတုံ့ ပြန်ပါသလဲ။
ကျွန်မတို့ အရမ်းကို အပြုသဘောဆောင်တဲ့ တုံ့ ပြန်မှုတွေကို ရရှိပါတယ်။ ဖောက်သည်တွေက ကျွန်မတို့ ရဲ့ ပစ္စည်းတွေ ကို အရမ်းသဘောကျကြတယ်။ အတော်တော်များများက နောက်ထပ်နောက်ထပ် အော်ဒါတွေကို လာပြီးမှာကြတယ်။

အောင်မြင်မှုရဲ့ နောက်ကွယ်ကအဓိကကျတဲ့ အကြောင်းချင်းရာက ဘာဖြစ်မယ်ထင်ပါသလဲ။
ကွဲပြားခြားနားတဲ့ ဒီဇိုင်း၊ အရည်အသွေးမြင့်တဲ့ငွေထည် အပြင် နောက်ထပ်အောင်မြင်ရတဲ့အကြောင်းကတော့ ကျွန်မတို့ ရဲ့  အသင်း အဖွဲ့ နဲ့ လုပ်ဆောင်တဲ့အရာပဲဖြစ်ပါတယ်။ ကျွန်မနဲ့ ကျွန်မရဲ့ ဒီဇိုင်းအဖွဲ့ က ဈေးကွက်အတွက် အကြံဥာဏ်သစ်တွေ ရဖို့ ၊ ပစ္စည်းသစ်တွေထုတ်လုပ်နိုင်ဖို့ အတွက် ကမ္ဘာအနှံ့ မှာ ပြုလုပ်ကျင်းပတဲ့ လက်ဝတ်ရတနာပြပွဲတွေမှာ အမြဲ ပါဝင်ပြသ ခဲ့တယ်။ ဒါ့အပြင်၊ ဖောက်သည်တွေရဲ့ လိုအပ်ချက်တွေကို ပြည့်ပြည့်၀၀နားလည်သဘောပေါက်ဖို့ ၊ သူတို့ မျှော်လင့် ထားတဲ့ အတိုင်း လိုချင်တဲ့အတိုင်းပစ္စည်းတွေကို ထုတ်လုပ်ပေးနိုင်ဖို့ အတွက် သူတို့ တွေနဲ့ ရင်းနှီးဖော်ရွေစွာ ပြောဆိုဆက်ဆံပါ တယ်။

ထိုင်းနိုင်ငံရဲ့ ငွေထည်လက်ဝတ်ရတနာ လုပ်ငန်းအပေါ် ဘယ်လိုထင်ပါသလဲ။
ကောင်းပါတယ်။ ထိုင်းငွေထည်နဲ့ ငွေနဲ့ လုပ်ထားတဲ့လက်ဝတ်ရတနာတွေက အရမ်းကို နာမည်ကြီးပါတယ်။ ထိုင်းနိုင်ငံက လှပတဲ့၊ အရည်အသွေးမြင့်မားတဲ့ ဒီဇိုင်းနဲ့ ငွေထည်လက်ဝတ်ရတနာတွေကို ချိုသာသင့်လျော်တဲ့ဈေးနှုန်းနဲ့ ဝယ်ယူနိုင်တဲ့ အချက်အချာကျတဲ့ နေရာတစ်ခုပဲဖြစ်ပါတယ်။

အနာဂတ်အတွက် ဘယ်လို ရည်ရွယ်ပြင်ဆင်ထားပါသလဲ။
ကျွန်မက လက်ရှိ ဈေးကွက် အချိုးအစားဖြစ်တဲ့ အပြည်ပြည်ဆိုင်ရာဈေးကွက် 70% နဲ့ ဒေသတွင်းဈေးကွက် 30% ကို 50% နဲ့ 50% အဖြစ် သာတူညီမျှပြောင်းလဲချင်ပါတယ်။ ကျွန်မတို့ မှာ အခု ငယ်ရွယ်တဲ့ ပညာရှင်တွေကို ဆွဲဆောင်ဖို့  အတွက် 'GLINTZ' လို့ ခေါ်တဲ့ အမှတ်တံဆိပ်ခွဲ ရှိနေပါပြီ။ ဒါပေမယ့်၊ ကျွန်မတို့ ရဲ့ တံဆိပ်က သေးနေတုန်းပါပဲ။ ဒီ့ထက် ပိုပြီး တိုးတက်ဖို့ လိုနေပါသေးတယ်။

ပိုမိုသိရှိလိုပါက www.graceofart.com အားဝင်ရောက်လေ့လာဖတ်ရှုနိုင်ပါသည်။
Grace of Art ၏ခွင့်ပြုချက်ဖြင့် ဓာတ်ပုံများအား ရယူပါသည်။

Issue 41

Carletta လက်ဝတ်ရတနာ၏ တည်ထောင်သူနှင့် ဖန်တီးမှုဒါရိုက်တာတစ်ဦးဖြစ်သည့် Surasak Maneesathianrattana မှ ၄င်း၏အမှတ်တံဆိပ်၊ သဘောထားနှင့် စီးပွားရေး ဆက်လက်ကြီးထွားလာစေရန်အတွက် လမ်းကြောင်းသစ် အပေါ်တွင်မည်ကဲ့သို့ ဦးတည်လုပ်ဆောင်နေသည်များကို ပြောပြပါသည်။

Carletta ကိုဘယ်လိုစပြီး တည်ထောင်ဖြစ်ခဲ့ပါသလဲ။

အမှတ်တံဆိပ်ကို 2011 ခုနှစ်မှာ စတင်တည်ထောင်ခဲ့တာပါ။ လက်ဝတ်ရတနာရောင်းဝယ်တဲ့ မိသားစုကနေ ပေါက်ဖွားလာတဲ့အတွက် ရွှေပန်းထိမ်နဲ့ ပတ်သက်တဲ့ ပစ္စည်းတွေ၊ ကိရိယာတွေနဲ့ ရင်နှီးကျွမ်းဝင်ပြီးဖြစ်တယ်။ အဲဒါက ဒီစီးပွားရေးလောကထဲကို ၀င်ရောက်ဖို့ အတွက် အားတွေထဲကတစ်ခုဖြစ်ပါတယ်။ Carletta ပစ္စည်းတိုင်းရဲ့ ဒီဇိုင်းကို ကျွန်တော်/မက သေသေချာချာဆွဲထားပြီး၊ တစ်ခုစီတိုင်းရဲ့  နောက်မှာ သူနဲ့ ပတ်သက်တဲ့ ပုံပြင်တစ်ပုဒ်စီ ရှိတယ်။ ပထမဦးဆုံးစတင်ခဲ့တုန်းက၊ အမျိုးသမီးတွေအတွက် အဓိကရည်ရွယ်ထုတ်လုပ်ခဲ့ပေမဲ့၊ မကြာခင်ကပဲ အမျိုးသား အမျိုးသမီးမရွေး အသုံးပြုဝတ်ဆင်နိုင်မဲ့ လက်ဝတ်ရတနာအမျိုးအစားတွေကို ထုတ်လုပ်ခဲ့ပါတယ်။

Read more ...

Issue 42

ထိုင်းနိုင်ငံတွင်ထုတ်လုပ်ထားသည့်မင်္ဂလာဆောင်ဆိုင်ရာပစ္စည်းများကို ဂျပန်နိုင်ငံတွင် ရောင်းအားတိုးတက်လာ စေရန် အတွက် အကြံဥာဏ်များပေးအပ်လျက်ရှိသော DITP ၏အကြံပေး ပုဂ္ဂိုလ်တစ်ဦးဖြစ်သကဲ့သို့ ၊ ဂျပန်ပန်းအလှဆင် ပညာရှင် နှင့် ဒီဇိုင်နာတစ်ဦးလည်း ဖြစ်သည့် Yuchi Maetani အား Horizon Thailand မှတွေ့ ဆုံမေးမြန်းထားခြင်းဖြစ်ပါ သည်။

DITP နဲ့ ဘယ်လိုစပြီး အလုပ်လုပ်ဖြစ်တာလဲဆိုတာကို ပြောပြပေးပါ။
လွန်ခဲ့တဲ့ သုံးနှစ်တုန်းက ထိုင်းနိုင်ငံမှာကျင်းပတဲ့ BIG/BIH ပွဲကို ကျွန်မလာခဲ့တယ်။ အဲဒီမှာ ထိုင်းကုန်ပစ္စည်းတွေရဲ့  အရည်အသွေးကို သိရှိခဲ့ရပါတယ်။ ဒီလိုနဲ့ ထိုင်းထုတ်ကုန်တွေကို ဂျပန်မှာ မင်္ဂလာဆောင်ပက်ကေ့ခ်ျအနေနဲ့ ပေးနိုင်မယ် ဆိုရင် ဂျပန်လူမျိုးတွေပိုပြီး စိတ်ဝင်စားမှုရှိကြမယ်လို့ တွေးမိတယ်။ 2014 ခုနှစ်မှာ ကျွန်မ ဂျပန်မှာရှိတဲ့ ဟိုတယ်တွေရဲ့  အတွင်းပိုင်းအပြင်အဆင် နဲ့ မင်္ဂလာဆောင်တွေမှာ ထိုင်းထုတ်ကုန်တွေအသုံးပြုနိုင်ဖို့ အတွက် DITP စပြီးအလုပ် လုပ်ခဲ့ တယ်။ ဒါပေမဲ့၊ 2015 ခုနှစ်မှာ မင်္ဂလာဆောင်ပက်ကေ့ခ်ျအပေါ်မှာပဲ ပိုပြီးအာရုံစိုက်ထားလိုက်တော့တယ်။

ဘာကြောင့် DITP က ဟိုတယ်တွေနဲ့ မင်္ဂလာဆောင်တွေမှာ ထိုင်းထုတ်ကုန်ကို ကြော်ငြာတာပါလဲ။
ဂျပန်မှာရှိတဲ့ ဟိုတယ်တွေရဲ့ ဝင်ငွေ 40% က မင်္ဂလာဆောင်တွေကနေရတာဖြစ်ပါတယ်။ ဂျပန်လူမျိုးအတော်များများက ဟိုတယ်တွေမှာ မင်္ဂလာပွဲကျင်းပကြတာမို့ ပါ။ ဟိုတယ်တွေက all-in-one မင်္ဂလာဆောင်ပက်ကေ့ခ်ျတွေကို ထုံးစံအတိုင်း ရောင်းလေ့ရှိကြတယ်။ ဒါကြောင့် မင်္ဂလာဆောင်မယ့် သတို့ သားနဲ့ သတို့ သမီးက ဟိုတယ်တွေမှာရောင်းတဲ့ မင်္ဂလာဆောင် ပက်ကေ့ခ်ျတွေကို နှိုင်းယှဉ်ရွေးချယ်ကြရော။ အဲဒါကြောင့်ပဲ ဟိုတယ်တွေဘက်ကလည်း ကွဲပြားတဲ့ မင်္ဂလာဆောင် theme တွေကိုပြနိုင်ဖို့ အတွက် ပြင်ထားရတာပေါ့။ မင်္ဂလာဆောင်ရဲ့ ခေတ်ရေစီး ကြောင်းကလည်း နှစ်နှစ်ကိုတစ်ကြိမ်ပြောင်းတော့ ဟိုတယ်တွေကလည်း သတို့ သားနဲ့ သတို့ သမီးတွေအကြိုက်တွေ့ မယ့်အရာတွေကို ပြင်ဆင်ထားရတာဖြစ်ပါတယ်။ ဟိုတယ်ကြီးတွေမှာ (မင်္ဂလာဆောင်) theme အမျိုးမျိုးရှိထားဖို့ လိုတယ်။ အဲဒါကြောင့် သူတို့ တွေလည်း အရမ်းကိုကြိုးကြိုးစားစားပြင်ဆင်ကြရတယ်။ ယှဉ်ပြိုင်မှုကလည်း အလွန့် အလွန်ကို မြင့်မားတယ်။ ပြီးတော့ ကျွန်မတို့ က ဟိုတယ်ရဲ့ အ၀ယ်မန်နေဂျာတွေကို ကျွန်မတို့ ရဲ့  ပစ္စည်းတွေကို တစ်ခုချင်းစီပြမယ်ဆိုရင် သူတို့  တွေနားလည်ကြမှာ မဟုတ်ဘူး။ ဒါကြောင့် ကျွန်မတို့ က ကွဲပြားတဲ့ မင်္ဂလာဆောင် theme တွေကို ပြရတယ်။ ဒါမှ သူတို့  တွေလည်း ထိုင်းနိုင်ငံထုတ်ကုန်ရဲ့ အရည်အသွေးကို သိနိုင်မှာ။

ထိုင်းစီးပွားရေးလုပ်ငန်းတွေရဲ့ အားသာချက်တွေက ဘာတွေဖြစ်မယ်လို့ ထင်ပါသလဲ။
ထိုင်းစီးပွားရေးလုပ်ငန်းတွေမှာ အရည်အသွေးကောင်းမွန်တဲ့ ကုန်ပစ္စည်းတွေ ကို ထုတ်လုပ်နိုင်ကြတဲ့ မြင့်မားတဲ့ကျွမ်းကျင် မှုတွေရှိတယ်။ လွန်ခဲ့တဲ့အချိန်တွေတုန်းကတော့ ဈေးကွက်ကို သိပ်ပြီးအာရုံစိုက်ချင်မှ စိုက်ခဲ့ကြမှာပေါ့။ ဒါပေမယ့်၊ ထိုင်း SME မှာ ဦးတည်ဈေးကွက် လိုချင်တဲ့အရာနဲ့ ပတ်သက်ပြီး သတင်းအချက်အလက်တွေရှိထားမယ်ဆိုရင်၊ သူတို့ တွေ ကလည်း ဦးတည်ဈေးကွက်လိုချင်တဲ့အရာနဲ့ ကိုက်ညီတဲ့ ပစ္စည်းတွေကို ထုတ်လုပ်နိုင်ကြတာပါပဲ။

အလုပ်တွဲလုပ်တဲ့ ဟိုတယ်အချို့ ရဲ့ နာမည်တွေကို ပြောပြနိုင်ပါသလား။
ကျွန်မ ထိုင်းထုတ်ကုန်တွေကို တိုကျိုမှာရှိတဲ့ Sheraton Maihama ကို ယူသွားတယ်။ အဲဒီ ဟိုတယ်က ဂျပန်မှာ ရှိတဲ့ မင်္ဂလာပွဲအတော်တော်များများကျင်းပဖို့ လက်ခံဆောင်ရွက်ပေးရတာဖြစ်ပါတယ်။ တစ်နှစ်မှာ မင်္ဂလာပွဲ 3,000 လောက် လက်ခံကျင်းပပေးရတယ်။ ဂျပန်ဈေးကွက်ရဲ့ သဘောသဘာဝက အရမ်းကို ယှဉ်ပြိုင်မှုပြင်းထန်တယ်။ ဒီဟိုတယ်မှာ ထိုင်း ရဲ့ ထုတ်ကုန်ကဈေးကွက်ရသွားပြီဆိုရင်၊ နောက်ဆုံးပေါ်ခေတ်ရေစီးကြောင်းအပေါ်ကို အမြဲဂရုစိုက် နေတဲ့ အခြား ဟိုတယ် တွေကလည်း ထိုင်းနိုင်ငံရဲ့ မင်္ဂလာဆောင်နဲ့ ဆိုင်တဲ့ ပစ္စည်း တွေအပေါ်ကို စိတ်ဝင်စားလာကြမှာပါပဲ။

အပြည်ပြည်ဆိုင်ရာဈေးကွက် ယှဉ်ပြိုင်မှုအတွင်းမှာ ထိုင်းစီးပွားရေးလုပ်ငန်းရှင်တွေအနေနဲ့ ဘယ်လိုစိတ်ချယုံကြည်မှု ရရှိနိုင်ပါ သလဲ။
အခုအခါမှာဆိုရင် ၀က်ဘ်ဆိုက်တွေကို အခွင့်အလမ်းအနေနဲ့ အသုံးချပြီး မိမိရှိထားတဲ့ ထုတ်ကုန်အသစ်တွေကို ကြော်ငြာ ရောင်းချနိုင်တဲ့အတွက် ၀ယ်မဲ့သူတွေကလည်း ထိုင်းနိုင်ငံကို လာဖို့ မလိုတော့ဘူး။ ဈေးကွက်ရဲ့ လိုအပ်ချက်တွေကို စီးပွားရေးလုပ်ငန်းရှင်တွေ ကလည်း အမြဲသိရှိထားဖို့ လိုအပ်ပါတယ်။

ဟော်ရီဇွန်ထိုင်းလင်းသတင်းစာစဉ်မှ ပိန်းကီလာ ယောက်ျားဝတ်ဖက်ရှင်အမှတ်တံဆိပ်တည်ထောင်သူ ဒေါ်စီရီအွန် တင်ခါပရစိအား ထိုင်းနိုင်ငံ၏ အကျော်ကြားဆုံးဒီဇိုင်နာတစ်ယောက်ဖြစ်လာစေခဲ့သည့် သူမ၏စေ့ဆော်မှုတွန်းအားနှင့် လျှောက်လှမ်းခဲ့ရသည့် ခရီးလမ်းကြောင်းကို တွေ့ဆုံမေးမြန်းထားပါသည်။

ကျွန်တော်တို့ကို ပိန်းကီလာရဲ့ဇာတ်လမ်းအကြောင်း ပြောပြပေးပါလား?

ဒီအမှတ်တံဆိပ်ကို 2015 ခုနှစ် ကျွန်မ အက်စမွန်ပါရီကျောင်းရဲ့နောက်ဆုံးနှစ်ရောက်ချိန်မှာ စတင်ထုတ်လုပ်လိုက်တာပါ။ ကျွန်မရဲ့ စုဆောင်းထားမှုကော်လက်ရှင်ပစ္စည်းတိုင်းမှာ သူ့ရဲ့ ဖြစ်တည်လာတဲ့ ဇာတ်လမ်းကိုယ်စီ ရှိနေပါတယ် - စာအုပ်တစ်အုပ်ကနေ ရတာ ဖြစ်ချင်ဖြစ်မယ်၊ ကျွန်မပါရီမှာ စာသင်တုန်းက ရရှိလာတဲ့တိုက်ရိုက်အတွေ့အကြုံ ဖြစ်ချင်ဖြစ်မယ်၊ခရီးသွားရာကနေ အနုပညာပစ္စည်း တစ်ခုကနေ ဒါမှမဟုတ် ယဉ်ကျေးမှုပေါင်းစုံပေါင်းစုလာရာကနေ ရလာတာ ဖြစ်ချင်ဖြစ်နိုင်ပါတယ်။

ဒီအမှတ်တံဆိပ်ရဲ့ ပင်မ၀ိသေသလက္ခဏာက ဘာလဲဆိုတာ ရှင်းပြပေးပါလား။
ပိန်းကီလာဟာ မီနီမယ်လဇင်ဆိုတဲ့ လိုအပ်သလောက်သာပစ္စည်းထည့်သုံးတဲ့အတွေးအခေါ်နှင့် ရိုမန်တစ်စတိုင်လ်ကိုအခြေခံပြီး စတိုင်လ်ကျတဲ့ဖက်ရှင်အသုံးအဆောင်ကို ကိုယ်စားပြုပါတယ်။ အမှတ်တံဆိပ်က ကျား ဒါမှမဟုတ် မ သိပ်မဆန်စေပဲ အနေတော် လိုအပ်တဲ့ဒီဇိုင်းနှင့်အသေးစိတ်များကိုသာ ထည့်သွင်းထားတာကြောင့် ငြီးငွေ့စရာမဖြစ်စေပဲ နေ့စဉ်ဝတ်ဆင်အသုံးပြုရာမှာ အထူး လိုက်ဖက်ပါတယ်။ ၎င်းဟာ ၀တ်ဆင်သူရဲ့ ခေတ်ဆန်မှုနှင့် မိမိကိုယ်ယုံကြည်စိတ်ချမှုကို တိုးပွားစေနိုင်ပါတယ်။ ပိန်းကီလာဟာ တစ်စိတ်တစ်ပိုင်း-သမားရိုးဟန်ကျအထည်တွေကို တင်ဆက်ဖြန့်ဖြူးပေးနေတာကြောင့် ကျွန်မတို့ရဲ့ ဖောက်သည်ထုအများစုဟာ အိမ်တွင်းအလှဆင်၊ ဗိသုကာနှင့် ကြော်ငြာလိုင်းစတဲ့ အနုပညာလောကထဲကသူတွေ ဖြစ်နေတာကို တွေ့ရပါတယ်။

သင်တို့ရဲ့ အဓိကကုန်ပစ္စည်းတင်ပို့တဲ့ဈေးကွက်က ဘာတွေလဲ။
နယူးယောက်ဟာ ကျွန်မတို့ ကုန်ပစ္စည်းတင်ပို့တဲ့ ပထမဦးစားပေးဈေးကွက်ပါ၊ ဒါပေမယ့် အခုလောလာလတ်လတ်အချိန်မှာတော့ ဂျပန်ဟာ ကျွန်မတို့ရဲ့ အကြီးဆုံးဈေးကွက် ဖြစ်လာပါတယ်။ အခြားဈေးကွက်တွေကတော့ စင်ကာပူနှင့်ဟောင်ကောင်မှ ကုန်ပစ္စည်း မှာကြားသူတွေ ရှိပါတယ်။ တရုတ်အ၀ယ်တော်တွေလည်း ကျွန်မတို့နှင့် ပူးပေါင်းဆောင်ရွက်ဖို့ စိတ်ဝင်စားမှုတွေ ပြနေသော်လည်း ပူးပေါင်းဖို့ဆွေးနွေးဆဲအဆင့်မှာပဲ ရှိနေပါသေးတယ်။

 
သင့်ရဲ့အောင်မြင်မှုရဲ့ သော့ချက်ဟာ ဘာလဲဆိုတာ ဝေမျှပြောကြားပေးပါလား။
ပိန်းကီလာရဲ့ အရည်အသွေးနှင့် အသေးစိတ်အချက်များအပေါ်အလေးထားမှုနှင့် စစ်မှန်မှုတွေဟာ ကျွန်မတို့ရဲ့အောင်မြင်မှုသော့ချက် ဖြစ်ပါတယ်။ လူတွေဟာ အခြားသူတွေနှင့်ကွဲပြားတဲ့ ကိုယ်ပန်ဟန်တစ်ခုခုကို ဖော်ထုတ်ရယူချင်တဲ့ဆန္ဒရှိတယ်လို့ ကျွန်မတို့ ယုံကြည်တဲ့ အတွက် ပစ္စည်းတွေကို အများအစားစုပြုံပြီး ကျွန်မတို့ မထုတ်ပါဘူး။ ဆိုင်မှာရှိတဲ့ တစ်ချို့ကော်လက်ရှင်ပစ္စည်းတွေဟာ အရေအတွက် အကန့်အသတ်ရှိ လီမိတက်အက်ဒီရှင်ထုတ်ကုန်များ ဖြစ်ပါတယ်။ ဒီဇိုင်းကောင်းကောင်းအပြင် သမားရိုးကျချုပ်လုပ်မှုနည်းပညာကိုသာ ကျွန်မတို့အသုံးပြုနေပါသေးတယ်။ ကျွန်မတို့ရဲ့ဖောက်သည်တွေဟာ အဆင့်မြင့် အရည်အသွေးရှိပစ္စည်းများကိုသာရရှိကြောင်း သေချာ စေဖို့အတွက် ကျွန်မတို့ရဲ့ အထည်ချုပ်သမားများဟာ အထည်အစိတ်အပိုင်းတိုင်းကို ခိုင်မာမြဲမြံတဲ့ချုပ်ရိုးများဖြင့် ကိုယ်တိုင်ဖြတ်တောက် ချုပ်လုပ်ပါတယ်။
    
ယခုလက်ရှိအချိန်အထိ သင့်ရဲ့ဂုဏ်အယူဆုံးအလုပ်က ဘာလဲ။
2011 ခုနှစ်မှာ စတင်ထုတ်လုပ်မိတ်ဆက်လိုက်တဲ့ ‘ရောင်းရင်း(Best Friend)’ဆိုတဲ့ ကော်လက်ရှင်ပစ္စည်းပါ။ တော်ဝင်နန်းဆက်ဝင် ခုရိ ပရာမို့ခ်ျရဲ့ မွမ် လို့အမည်ရတဲ့ဝတ္ထုလေးကနေ ရလာတဲ့စေ့ဆော်မှုလေးဖြစ်ပြီး ဒီကော်လက်ရှင်ဟာ တိုင်းပြည်ခေတ်မီတိုးတက်အောင် တံခါးဖွင့်ခေတ်ကာလရှိ ထိုင်းယောက်ျားသားတွေရဲ့ပုံရိပ်ကို ဖော်ဆောင်ပါတယ်။ ဒီကော်လက်ရှင်ဟာ သမားရိုးကျ အောက်စဖို့ရှပ် အပေါ်မှာ ဘလေဇာကတ်ပုံစံအုပ်ပြီး သစ်လွင်အရောင်စုံတဲ့ဘောင်းဘီတွဲထားတဲ့ ထိုင်းခေတ်ပြိုင်အရောအနှောလက်ရာ ဖြစ်ပါတယ်။ ကျွန်မအတွက်တော့ ဒီကော်လက်ရှင်ဟာ ၎င်းရဲ့အမှတ်တံဆိပ်ကနေ ထိုင်းဆိုတာကို ဖော်ဆောင်ပေးနိုင်တဲ့ အများနှင့်မတူ လုံးဝကွဲပြား အထက်တန်းကျတဲ့ ဂန္တ၀င်ပစ္စည်းတစ်ခု ဖြစ်ပါတယ်။

ထိုင်းဖက်ရှင်လုပ်ငန်းရဲ့ အားသာချက်တွေက ဘာလဲ။
လုပ်ငန်းဂဏ္ဌဆိုင်ရာ အရင်းအမြစ်အပြင် ကျွန်မတို့မှာ ပါရမီရှိပြီး ကျွမ်းကျင်တဲ့စွမ်းရည်ရှိသူတွေ ရှိနေပါတယ်။ ထိုင်းဒီဇိုင်နာ အထူးသဖြင့် ဒီလောကထဲအသစ်ဝင်ရောက်လာတဲ့သူတွေဟာ သူတို့ရဲ့အိုင်ဒီယာနှင့် ဖန်တီးမှုစွမ်းရည်တွေကိုပြသဖို့ ရှက်ရွံ့မှု မရှိပါဖူး။ ဒါတွေဟာ ဒီလုပ်ငန်းဂဏ္ဌကို ကြီးထွားလာစေတဲ့ တွန်းအားတစ်ရပ်ဖြစ်ပါတယ်။

2015-2016 အတွက် ဘာတွေအစီအစဉ် ချထားသလဲ။
မကြာသေးခင်ကပဲ ပိုပြီးရင့်ကျက်တဲ့ဖောက်သည်တွေအတွက် ကျွန်မတို့ တံဆိပ်အသစ်တစ်ခု ထပ်ထုတ်လိုက်ပါတယ်။ ဒါကြောင့် လတ်တလောအစီအစဉ်ကတော့ ဒီတံဆိပ်အတွက် ဖောက်သည်အသစ်တွေကို ရှာဖွေသွားဖို့ပါ။ ဂျပန်ဖောက်သည်အ၀ယ်များကို ပိုမိုရရှိဖို့ ကျွန်မတို့ ကြိုးစားသွားမှာဖြစ်ပြီး၊ တရုတ်မိတ်ဖက်တွေနှင့်လည်း လုပ်ငန်းတွဲဖက်လုပ်ဆောင်နိုင်ဖို့ မျှော်လင့်ထားပါတယ်။

အသေးစိတ်အချက်များအတွက် https://painkillerbkk.com ၌ ၀င်ရောက်လေ့လာနိုင်ပါသည်။