Issue 51
ខួបទី 13 នៃ THAIFEX-ពិភពស្បៀងស៊ីចាប់ពីថ្ងៃទី 25 ដល់ 29 ខែឧសភា បានបង្ហាញនវានុវត្តន៍ផលិតផល ចុងភៅល្បីៗនិងទិន្ននាការស្បៀងអាហារនិងភេសជ្ជៈចុងក្រោយបង្អស់។
កម្មវិធី THAIFEX-ពិភពស្បៀងអាស៊ីត្រូវបានសហការរៀបចំដោយ DITP, សភាពាណិជ្ជកម្មថៃ និង Koelnmesse GmbH គឺជាការបង្ហាញវិស័យស្បៀងអាហារនិងភេសជ្ជៈធំបំផុតមួយរបស់អាស៊ី ដោយមានផលិតផលមកពីជុំវិញពិភពលោក។
ស្បៀងអាហារនិងភេសជ្ជៈគឺជាឧស្សហកម្មចម្បងមួយរបស់ប្រទេសថៃដែលមានការនាំចេញចំនួនរហូតដល់ 24.4 ពាន់លានដុល្លារក្នុងឆ្នាំ 2015។
ឯកឧត្តម Somkid Jatusripitak ឧបនាយករដ្ឋមន្ត្រីមានប្រសាសន៍ថា "ឧស្សាហកម្មស្បៀងអាហារគឺជាឧស្សាហកម្មសំខាន់បំផុតមួយរបស់ប្រទេសជាតិ"។ "រដ្ឋាភិបាលថៃបានអនុវត្តគោលនយោបាយដើម្បីបង្កើត 'ភាពផ្តាច់មុខលើស្បៀងអាហារ' ក្នុងការស្រាវជ្រាវនិងអភិវឌ្ឍស្បៀងអាហារក្នុងលក្ខខណ្ឌគុណភាពនិងការវេចខ្ចប់ដើម្បីបង្កើតស្បៀងអាហារនៅអនាគត។"
បើទោះបីជារដ្ឋាភិបាលរំពឹងថាការនាំនចេញស្បៀងអាហារនឹងកើតចំនួន 10% ក្នុងមួយឆ្នាំនៅប៉ុន្មានឆ្នាំបន្ទាប់ក្តី រដ្ឋមន្ត្រីក្រសួងពាណិជ្ជកម្មបានកំណត់គោលដៅការកើនឡើងចំនួន 3% សម្រាប់ឆ្នាំ 2016។
លោក Jatusripitak លើកឡើងថា "ក្រសួងក៏មានបំណងដាក់គោលដៅក្រុមអតិថិជនថ្មី ដូចជាអតិថិជនទទួលទានហាឡា អតិថិជនអាមេរិកនិយាយភាសាអេស្បាញក្នុងសហរដ្ឋអាមេរិក និងទីផ្សារថ្មីៗនៅមជ្ឈិមបូព៌ា អាមេរិកឡាទិន អាហ្វ្រិក និងរុស្ស៊ី។"
បច្ចុប្បន្ននេះ ប្រទេសថៃនាំចេញស្បៀងអាហារទៅកាន់ប្រទេសជាង 200 ប្រទេសទូទាំងពិភពលោក។
លោកជំទាវ Apiradi Tantraporn រដ្ឋមន្ត្រីក្រសួងពាណិជ្ជកម្មបានថ្លែងថា "ឧស្សាហកម្មស្បៀងអាហារមិនត្រឹមតែជួយពង្រឹងស្ថេរភាពស្បៀងអាហារប៉ុណ្ណោះទេ ប៉ុន្តែថែទាំងភ្ជាប់ជាប្រទេសមូលដ្ឋានផលិតស្បៀងអាហារនៅតំបន់អាស៊ាន។"
THAIFEX organiser Koelnmesse មានជំនឿថា ប្រទេសថៃមានសក្កតានុពលក្លាយជាប្រទេសសំខាន់ក្នុងឧស្សាហកម្មស្បៀងនិងភេសជ្ជៈនៅអាស៊ី។
លោក Michael Dreyer នាយកគ្រប់គ្រងនិងជាអនុប្រធាន Koelnmesse ប្រចាំអាស៊ីប៉ាស៊ីហ្វិក លើកឡើងថា "THAIFEX-ពិភពស្បៀងអាស៊ី រក្សានូវតួនាទីរបស់ខ្លួនជាក្រុមហ៊ុនសកលក្នុងវិស័យស្បៀងអាហារនិងភេសជ្ជៈដោយភ្ជាប់អាស៊ីទៅកាន់ពិភពលោក។" "ប្រទេសថៃគឺជាក្លឹបគំនិតសម្រាប់ឧស្សាហកម្មស្បៀងនិងភេសជ្ជៈនិងក្រុមហ៊ុនប្រណិតសម្រាប់ THAIFEX។"
THAIFEX 2016 ផ្តល់លក្ខខណៈដល់តំបន់ហាឡា Halal តំបន់ឱសថបុរាណថៃ ផ្សារទំនើបសរីរាង្គ និងគម្រោងជាង 60+ ៖ Viva Tearoom ប្រធានប្រកួតប្រជែងនិងការបង្ហាញនៅតំបន់ហាងកាហ្វេល្បីៗ ក៏ដូចជាសិក្ខាសាលានិងសន្និសីតពិសេស។ វាត្រូវបានមើលឃើញថាជាទីតាំងសំខាន់សម្រាប់ការតាំងពិរពណ៌ដើម្បីភ្ជាប់ទំនាក់ទំនងជាមួយអតិថិជនថ្មិៗនិងផ្សព្វផ្សាយផលិតផលរបស់ពួកគេ។
លោក Amnart Ussavachaiyakul នាយកគ្រប់គ្រងទូទៅនៃក្រុមហ៊ុន Thai Tanya ដែលជាក្រុមហ៊ុននាំចេញអាហារសម្រន់និងផ្លែឈើទៅកាន់ប្រទេសជាង 10 បាននិយាយថា "ខ្ញុំជឿថាប្រទេសថៃអាចក្លាយជាផ្ទះបាយមួយនៃពិភពលោក" "THAIFEX ភ្ជាប់ពួកយើងដើម្បីផ្សព្វផ្សាយនូវផលិតផលថ្មីជារៀងរាល់ឆ្នាំ។"
ក្នុងឆ្នាំនេះ ការតាំងពិរពណ៌មានអ្នកចូលរួមតាំងពិរពណ៌ចំនួន 1,919 មកពីប្រទេសជាង 40។ តាមការប៉ាន់ប្រាមាណ អ្នកចូលរួមក្នុងការតាំងពិរពណ៌នឹងមានចំនួន 38,000 នាក់។
អគ្គនាយក DITP លោកជំទាវ Malee Choklumerd មានប្រសាសន៍ថា "ព្រឹត្តិការណ៍នេះបង្កើតប្រាក់ចំណូលច្រើនជាង $270 លានដុល្លារ (9.64 ពាន់លានបាត) ដែលចំនួនជាង 268 លានដុល្លារ (9.55 ពាន់លាន) បានមកពីរយៈពេលបីថ្ងៃនៃការចរចារអាជីវកម្ម។" តាមការប៉ាន់ប្រមាណចំណូលចំនួន 43 លានដុល្លារ (1.55 ពាន់លានបាត) ត្រូវបានចុះបញ្ជីជាមួយទឹកប្រាកចំនួន 224 លានដុល្លារថែមទៀត (7.99 ពាន់លានបាត) ជាអ្នកលក់មានសក្កដានុពលជាងប៉ុន្មានឆ្នាំនេះ។ បន្ថែមទៅនឹងអ្នកលក់រាយទទួលបានប្រាក់ច្រើនជាង 2.3 លានដុល្លារ (83 លានបាត)។
លោកជំទាវ Choklumlerd បានបន្ថែមថា "គេហទំព័រ Thaitrade.com ក៏បានគាំទ្រការផ្គូរផ្គងពាណិជ្ជកម្មក្នុងការតាំងពិរពណ៌នោះផងដែរ ដែលនាំមុខការចរចារអាជីវកម្មចំនួន 326។"
អគ្គនាយកដ្ឋាន DITP នឹងរៀបចំការតាំងពិរពណ៌ THAIFEX-World of Food Asia ឆ្នាំ 2017 ចាប់ពីថ្ងៃទី 31 ខែឧសភា ដល់ថ្ងៃទី 4 ខែមិថុនា ឆ្នាំ 2017 នៅ IMPACT, Muang Thong Thani ទីក្រុងបាងកក។
ក្រុមហ៊ុនដែលមានចំណាប់អារម្មណ៍ក្នុងការចូលរួមក្នុងព្រឹត្តិការណ៍នេះអាចទទួលព័ត៌មានបន្ថែមពីគេហទំព័រ www.ditp.go.th ឬ www.thaitradefair.com
ព័ត៌មាននិងរូបភាពស្វាគមន៍របស់អគ្គនាយកដ្ឋាន DITP
អត្ថបទដោយ Pimsirinuch Borsub
Issue 50
ទីក្រុងបាងកកមានការដាក់តាំងបង្ហាញផលិតផល និងផលិតផលផ្ទះបាយមួយឆ្នាំពីរដងដែលផ្នែកជីវិតបែបផលិតផលរបស់ប្រទេសថៃមានលក្ខណៈល្អ។
"ផ្នែកជីវិតបែបផលិតផលគឺជាចក្ខុវិស័យយ៉ាងធំជាងគេមួយក្នុងវិស័យឧស្សាហកម្មប្រទេសថៃ" តាមប្រសាសន៍របស់ ម៉ាលី ឆុកលុមឡឺត នាយកចាត់ការទូទៅរបស់DITP នៅក្នុងកម្មវិធីដាក់តាំងបង្ហាញផលិតផលអន្តរជាតិទីក្រុងបាងកក និងការតាំងបង្ហាញផលិតផលផ្ទះបាយអន្តរជាតិទីក្រុងបាងកក (BIG+BIH) កាលពីថ្ងៃទី៩ ខែមេសា។
មានការរៀបចំកម្មវិធីតាំងបង្ហាញរបស់ BIG+BIHពីរឆ្នាំម្តង ដោយមានការយល់ព្រមពីឆាកជំនួញអន្តរជាតិ សំរាប់សហគ្រិនក្នុងការបង្ហាញពីការច្នៃម៉ូតរបស់ពួកគេ ការអភិវឌ្ឍផលិតផល និងតំលៃនៃភាពច្នៃប្រឌិត" តាមប្រសាសន៍របស់ ឆុកលុមឡឺត។ " ព្រឹត្តិការណ៍នេះបំរើដល់ទីផ្សារជំនាន់ថ្មី និងអតិថិជនជំនាន់ថ្មី ដែលអាចជួយជំរុញដល់ផ្នែកផលិតផល និងសេវាថៃចូលក្នុងទីផ្សារសាកលលោកឲ្យកាន់តែច្រើន។"
ក្នុងខែមេសានេះ គោលរឿងសំរាប់ BIG+BIH គឺជីវិតជាអាស៊ាន+របៀបរបបជីវិត។ ទិដ្ឋភាពនៃការតាំង បង្ហាញមានជាង៤០០ ពាណិជ្ជកម្ម ពីប្រទេសថៃ និងទូទាំងពិភពលោក ដែលរួមមានក្រុមហ៊ុនមកពីប្រទេស កូរ៉េ តៃវ៉ាន់ កាញ្ញ៉ា ម៉ាឡេស៊ី វៀតណាម ជប៉ុន មីយ៉ាន់ម៉ា ឡាវ និងកម្ពុជា។ មានចំនួនតូបតាំង ១២០២តូប និងអ្នកចូលរួមទស្សនា ៥០០០០នាក់ មកពីជុំវិញពិភពលោក ដែលទទួលបានតំលៃទឹកប្រាក់ក្នុងការរៀបចំកម្មវិធី ៤៥ លានដុល្លា (១.៦ពាន់លានបាត) ក្នុងរយៈពេល៥ថ្ងៃនៃការតាំងបង្ហាញ។
"ឆ្នាំមុន BIG+BIH ទទួលបានទឹកប្រាក់សរុប ២.៧៨ពាន់លានដុល្លា (៩៨.៦៨៤ពាន់លានបាត) លើតំលៃទឹកប្រាក់នៃការនាំចេញ" តាមប្រសាសន៍របស់ ឆុកលុមឡឺត។
នាយកចាត់ការទូទៅនេះបានបន្ថែមទៀតថា ក្នុងកំឡុង២ខែដំបូងក្នុងឆ្នាំ២០១៦ ឧស្សាហកម្មជីវិតបែបផលិតផល បានចុះបញ្ចីនៃការនាំចេញក្នុងតំលៃទឹកប្រាក់ ៤១៣.១០ លានដុល្លា (១៤.៦៨១ ពាន់លានបាត)។
រូបភាពខ្លីៗក្នុងឆ្នាំនេះបានបង្ហាញផងដែរពី: H & H ឬ គំរោង ផ្ទះ និងម្ចាស់ផ្ទះ ដែលជាផលិតផលតាមការ កុម្មង់ the60+Project ការតាំងបង្ហាញ អាស៊ានផ្លាស ថប់ អោហ្វ អូថប់ ផេត កាហ្វេថ្មី និងពានរង្វាន់នៃការច្នៃម៉ូត ពីពានរង្វាន់នាយករដ្ឋមន្រី្តនៃការនាំចេញ និង ត្រាស់ ម៉ាក ប្រទេសថៃ។
ទស្សនៈអ្នកចូលរួម ការតាំងបង្ហាញកំពុងតែបន្តទៅកាន់ចំណងកាន់តែរឹងមាំ។
"ខ្ញុំមាន BIG+BIH រយៈពេល៥ឆ្នាំមកហើយ និងការតាំងបង្ហាញសំគាល់ពីការរីកកាន់តែធំជាមួយនឹងផលិតផលផ្សេងៗ" តាមប្រសាសន៍របស់ គ្រីស្ទៀន ស្រ៊ម៉ាយើ អ្នករាយការណ៍ពី វៀនណា-បាស វ៉ូនកុលថើ អ៊ិនថឺរៀ ឌិសាញ ផាបផ្លីខេសិន។
" BIG+BIH ជាទីផ្សារយ៉ាងល្អបំផុត" តាមប្រសាសន៍ កាម៉ូនរ៉ាត អាធីផាលុងកុល មកពីPYC ញ៉ូញៀន ត្រេត ឌីង។ "វាមិនគ្រាន់ជាកន្លែងសំរាប់តែតាំងបង្ហាញ និងអភិវឌ្ឍន៍ផលិតផលតែម្យ៉ាងទេ ប៉ុន្តែវាកន្លែងសំរាប់ ជួប និងស្តាប់ ពីតំរូវការអតិថិជនរបស់យើងនូវអ្វីដែលគេចង់បាន និងអ្វីដែលពួកគេគួរតែអភិវឌ្ឍន៍។
BIG+BIH ខែមេសា ២០១៦ បានរៀបចំឡើងកាលពីថ្ងៃទី ១៩ ដល់ ២៣ ខែមេសា នៅមជ្ឈមណ្ឌលជំនួញ និងតាំងបង្ហាញអន្តរជាតិ ក្នុងទីក្រុងបាងកក។
សំរាប់ព៌័តមានបន្ថែម សូមចូលទៅកាន់ www.bigandbih.com
information courtesy of the DITP
នាំពាក្យដោយៈ ផាតឆារី ថែតដាងផេត
Issue 48
ក្រុមហ៊ុនផលិតគ្រឿងបន្លាស់រថយន្តនៅប្រទេសថៃ បានដាក់តាំងបង្ហាញផលិតផលចុងក្រោយរបស់ពួកគេ នៅ
មជ្ឈមណ្ឌលតាំងពិព័រណ៌ TAPA ឆ្នាំ 2016 ប្រកបដោយបរិយាកាសរីករាយ។
ថៃ បានបម្រើការជាមជ្ឈមណ្ឌលដ៏សំខាន់មួយ ដែលជាឧស្សាហកម្មគ្រឿងបន្លាស់រថយន្ត និងរថយន្ដជាយូរណាស់មកហើយ ។ វេទិកា រថយន្ដ និងគ្រឿងបន្លាស់របស់ថៃឆ្នាំ 2016 នឹងប្រារព្ធធ្វើឡើងនៅថ្ងៃទី 7 ដល់ទី 10 ខែមេសា នៅឯ BITEC ទីក្រុងបាំងកក ស្ដីអំពីប្រទេសថៃក្លាយជាមជ្ឈមណ្ឌលរថយន្ដ និងគ្រឿងបន្លាស់របស់ អាស៊ាន ។
"ប្រទេសថៃ គឺជាអ្នកដឹកនាំរបស់អាស៊ាន ខាងឧស្សាហកម្មរថយន្ត ហើយយើងមានជំនាញ និងស្តង់ដារខ្ពស់ខាងការផលិត នៅក្នុងឧស្សាហកម្ម រថយន្ត និងគ្រឿងបន្លាស់ ។ ឧស្សាហកម្មទាំងនេះបានដើរតួនាទីយ៉ាងសំខាន់ នៅក្នុងសេដ្ឋកិច្ចរបស់ប្រទេស ។ លោក Malee Choklumlerd អគ្គនាយក DITP និងក្រសួងពាណិជ្ជកម្ម បានឱ្យដឹងនៅក្នុងព្រឹត្តិការណ៍នោះ " ។
យោងតាមលោក Choklumlerd តម្លៃនៃការនាំចេញរថយន្តនៅឆ្នាំ 2015 មានតម្លៃ 19.2 ពាន់លានដុល្លារសហរដ្ឋអាមេរិក ជាមួយនឹងប្រទេសអូស្ត្រាលី ហ្វីលីពីន និងអារ៉ាប៊ីសាអូឌីត ដែលជាទីផ្សារនាំចេញដ៏ធំ ខណៈការនាំចេញ គ្រឿងបន្លាស់រថយន្ត និងរថយន្ដ កើនឡើងដល់ 13 ពាន់លានដុល្លារសហរដ្ឋអាមេរិក ជាមួយប្រទេសជប៉ុន ឥណ្ឌូនេស៊ី និងម៉ាឡេស៊ី ដែលឈរនៅលំដាប់កំពូលក្នុងបញ្ជីអ្នកទិញ ។
លោក Arthit Wuthikaro លេខាធិការអចិន្ត្រៃយ៍នៃក្រសួងឧស្សាហកម្មបានថ្លែងថា៖ ក្រៅពីការផលិតគ្រឿងបន្លាស់រថយន្ត សម្រាប់ក្រុមហ៊ុនរថយន្តនៅក្នុងប្រទេសថៃ ក៏អាចផលិតនូវគ្រឿងប៉ះប៉ូវថយន្ត និងគ្រឿងបន្ទាប់បន្សំរថយន្តបានផងដែរ ដែលជាកន្លែងផ្ដល់ឱកាសក្នុងការអភិវឌ្ឍផលិតផល និងរកទីផ្សារ ។
សមាគមរោងចក្រផលិតគ្រឿងបន្លាស់រថយន្តរបស់ថៃ នៅតែបន្តគាំទ្រដល់ឧស្សាហកម្មនេះ ជាពិសេសក្នុងការអភិវឌ្ឍម៉ាករបស់ប្រទេសថៃ និងផ្តល់ការបណ្តុះបណ្តាលសម្រាប់បុគ្គលិក នៅក្នុងឧស្សាហកម្មរថយន្ត និងគ្រឿងបន្លាស់ ។
លោក Anchana Limpaitoon ប្រធានសមាគមរោងចក្រផលិត គ្រឿងបន្លាស់រថយន្តរបស់ថៃបានថ្លែងថា៖ "ក្រុមហ៊ុនផលិតគ្រឿងបន្លាស់រថយន្តរបស់ថៃ គួរផ្តោតលើការផលិតគ្រឿងបន្លាស់ដែលមានគុណភាព ដែលមានផលប៉ះពាល់ដល់បរិស្ថាន នេះបើយោងតាមនិន្នាការពិភពលោក "។ "នៅឆ្នាំនេះសមាគមរំពឹងថា នឹងបង្កើនការនាំចេញពី 3% ទៅ 5% ។ "
រៀបចំរួមគ្នាដោយ DITP សមាគមរោងចក្រគ្រឿងបន្លាស់រថយន្តរបស់ថៃ សមាគមទីផ្សារប្រើប្រាស់គ្រឿងបន្លាស់រថយន្តថៃ សមាគមរួមបញ្ចូលរថយន្ត Worachak និងសមាគមលើកកម្ពស់អ្នកម៉ៅការថៃ ដែល TAPA បានផ្ដល់លក្ខណៈពិសេសដល់អ្នកតាំងពិព័រណ៍ 576 នាក់ពីប្រទេសថៃ និងពីបរទេស ។
ផលិតផល និងសេវាកម្ម ដែលបានបង្ហាញរួមបញ្ចូលទាំងគ្រឿងបន្លាស់រថយន្ត និងសមាសភាគ (OEM / REM ) ប្រេងរថយន្ត / ប្រេងរំអិល / ផលិតផលថែទាំ ឧបករណ៍ / ថ្នាំជ្រលក់ពណ៌ និងម៉ាស៊ីន រថយន្ត ការជួសជុល ការថែទាំ និងសេវាកម្ម ពត៌មានវិទ្យា និងការគ្រប់គ្រង ។
ព្រឹត្តិការណ៍នេះផងដែរក៏បានអនុញ្ញាតឱ្យក្រុមហ៊ុនធ្វើបទបង្ហាញផលិតផលថ្មី និងការបង្កើតថ្មី ហើយប្រើវាជាវេទិកាមួយ ដើម្បីពង្រីកឱកាសពាណិជ្ជកម្មនៅក្នុងតំបន់អាស៊ាន ។
ស្ថិតក្រោមប្រធានបទ "មជ្ឈមណ្ឌលស្វែងរកពិភពរថយន្ដរបស់ពិភពលោក៖ គំនិតច្នៃប្រឌិតបៃតងនៃផលិតផលដែលមានគុណភាព សម្រាប់កំណើនចីរភាព " TAPA ឆ្នាំ 2016 បានធ្វើបទបង្ហាញពីផលិតផលដែលធ្វើឱ្យបរិស្ថានស្រស់បំព្រង និងការបង្កើតថ្មី ដែលអាចកាត់បន្ថយការបំពុល សំចៃថាមពល និងកាត់បន្ថយការកើនឡើងកំដៅផែនដីជាសកល ។
ផ្នែកសំខាន់ៗ រួមទាំងការតាំងពិព័រណ៍ និងការដាក់បង្ហាញផលិតផល ពីក្រុមហ៊ុនផលិតរថយន្ត និងគ្រឿងបន្លាស់នាំមុខគេ ដែលកំពុងធ្វើបទបង្ហាញបច្ចេកវិទ្យាចុងក្រោយបង្អស់ ។ គេក៏បានធ្វើសិក្ខាសាលា លើប្រធានបទដូចជា និន្នាការនាំចេញនាពេលអនាគត ឧបសគ្គនៃការនាំចេញ និងវិធានការពាណិជ្ជកម្មសំខាន់ៗ ។
សម្រាប់ពត៌មានបន្ថែម សូមចូលទៅកាន់ www.thailandautopartsfair.com
ដំណើរការដោយ Pimsirinuch Borsub
Issue 49
ក្រុមហ៊ុនចំណីអាហារចំនួនប្រមាណជាង១,៨០០ ក្រុមហ៊ុនមកពី៤០ ប្រទេស នឹងធ្វើការបង្ហាញផលិតផលរបស់ពួកគេនៅពិព័រណ៌ពាណិជ្ជកម្មចំណីអាហារទី២ ធំជាងគេរបស់អាស៊ី។
សហការរៀបចំដោយ DITP សភាពាណិជ្ជថៃនិង Koelnmesse GmbH, THAIFEX-World of Food Asia បានលើកកម្ពស់ការនាំចេញនៃផលិតផលចំណីអាហារប្រទេសថៃក្នុងប៉ុន្មានឆ្នាំនេះ ក៏ដូចជាជួយលើកកម្ពស់សេដ្ឋកិច្ចរបស់ប្រទេសផងដែរ។
អគ្គនាយក DITP លោកស្រី Malee Choklumlerd បានមានប្រសាសន៍ថា "THAIFEX-World of Food Asia គឺជាយុទ្ធសាស្ត្រ១ របស់ពួកយើងក្នុងការលើកកម្ពស់ប្រទេសថៃ ឱ្យក្លាយជាផ្ទះបាយរបស់ពិភពលោក។ វាក៏បានជំរុញការទទួលយកផលិតផលចំណីអាហារនិងសេវាចំណីអាហារប្រទេសថៃ នៅក្នុងទីផ្សារពិភពលោកផងដែរ"។
ការនាំចេញចំណីអាហាររបស់ប្រទេសថៃមានតម្លៃ ២៤.៤ពាន់លានដុល្លារអាមេរិកនៅឆ្នាំ២០១៥។ សម្រាប់ឆ្នាំនេះ DITP មានផែនការក្នុងការបង្កើននាំចេញទៅទីផ្សារដូចជា ប្រទេសក្នុងតំបន់អាស៊ាន ប្រទេសចិន និងមជ្ឈឹមបូពា៌។ THAIFEX ដើរតួនាទីយ៉ាងសំខាន់ក្នុងយុទ្ធសាស្ត្ររបស់នាយកដ្ឋាន។
លោកស្រី Choklumlerd មានប្រសាសន៍ថា "ពិព័រណ៌ប្រចាំឆ្នាំនេះបានដើរតួនាទីយ៉ាងសំខាន់ក្នុងការអភិវឌ្ឍឧស្សាហកម្មចំណីអាហារនិងភេសជ្ជៈក្នុងប្រទេសថៃនិងក្នុងតំបន់ ព្រោះយើងអាចជួបជាមួយផលិតករដែលមកពីប្រទេសផ្សេងៗគ្នា ចូលរួមក្នុងព្រឹត្តិការណ៍ដើម្បីបង្ហាញពីផលិតផលនិងបច្ចេកវិទ្យារបស់ពួកគេ ក៏ដូចជាស្វែងរកដៃគូពាណិជ្ជកម្មថ្មី"។
ក្នុងឆ្នាំ២០១៥ ពិព័រណ៌ដែលមានរយៈពេល៥ ថ្ងៃអាចរកចំណូលបាន២៣៤ លានដុល្លារអាមេរិក (៨,១៨៩ លានបាត)។ ទឹកប្រាក់ប្រមាណ៤០ លានដុល្លារ (១,៤០៦ លានបាត) គឺបានពីប្រតិបត្តិការពាណិជ្ជកម្មភ្លាមៗ ហើយទឹកប្រាក់ចំនួន ១៩២ លានដុល្លារអាមេរិក (៦,៧០៩.២ លានបាត) ជាការលក់ដែលមានសក្តានុពលសម្រាប់រយៈពេល១ ឆ្នាំ ជាមួយគ្នានោះ ការលក់រាយបានកើនឡើងជាងមុនដល់ទៅ ២លានដុល្លារអាមេរិក (៧៣.៨ លានបាត)។
នាឆ្នាំកន្លងទៅនេះ THAIFEX បានទាក់ទាញអ្នកចូលទស្សនាជនជាតិបរទេសចំនួន ៦,៤២២ នាក់ ដែលមានការពិព័រណ៌ចំណីអាហារពីប្រទេសចិន កូរ៉េខាងត្បូង ម៉ាឡេស៊ី ជប៉ុន តៃវ៉ាន់ អាឡឺម៉ង់ អុីតាលី សឹង្ហបុរី វៀតណាម និងទួគី។
ចាប់ផ្តើមកម្មវិធីពីថ្ងៃទី២៥ ដល់ថ្ងៃទី២៩ ខែឧសភា នៅ IMPACT, Muang Thong Thani ទីក្រុងបាងកក លោកស្រី Choklumlerd រំពឹងទុកថា THAIFEX ឆ្នាំ២០១៦ ជាពិព័រណ៌ជោគជ័យដូចពិព័រណ៌ឆ្នាំមុន។
លោកស្រីបានមានប្រសាសន៍ថា "យើងរំពឹងថាប្រតិបត្តិការពាណិជ្ជកម្មភ្លាមៗនិងការលក់រាយនៅឆ្នាំនេះ នឹងមិនតិចជាងឆ្នាំមុនឡើយ ព្រោះថាសេដ្ឋកិច្ចដៃគូពាណិជ្ជកម្មរបស់ពួកយើងកំពុងតែមានភាពប្រសើរឡើង ហេតុនេះ តម្រូវការសម្រាប់ផលិតផលចំណីអាហារនឹងត្រូវកើនឡើងផងដែរ"។
DITP កំពុងលើកទឹកចិត្តសហគ្រិនថៃដែលនៅទូទាំងប្រទេសឱ្យចូលរួមក្នុងពិព័រណ៌ ហើយកំពុងរៀបចំវគ្គបណ្តុះបណ្តាលនិងសិក្ខាសាលាស្តីពីឧស្សាហកម្មចំណីអាហារនិងនិន្នាការចំណីអាហារ និងផ្តល់ដំបូន្មានដល់ក្រុមហ៊ុននាំចេញចំណីអាហារថៃផងដែរ។
THAIFEX-World of Food Asia 2016 នឹងបើកឱ្យមានប្រតិបត្តិការពាណិជ្ជកម្មចាប់ពីថ្ងៃទី២៥ ដល់ថ្ងៃទី២៩ ខែឧសភា (ម៉ោង១០ ព្រឹកដល់ម៉ោង៦ ល្ងាច) ហើយពិព៧រណ៌នឹងត្រូវបើកសម្រាប់សាធារណៈជនចាប់ពីថ្ងៃទី២៨ ដល់ថ្ងៃទី២៩ ខែឧសភា (ម៉ោង១០ ព្រឹកដល់ម៉ោង៨ យប់)។
សម្រាប់ព័ត៌មានបន្ថែម ចូលទស្សនាក្នុង www.ditp.go.th និង www.thailandfoodfair.com
ព័ត៌មាននិងរូបថតទាក់ទងនឹង DITP
អត្ថបទដោយ Somhatai Mosika
Issue 47
អ្នករចនាម៉ូដនិងរោងចក្រផលិតគ្រឿងសង្ហារឹមឈានមុខគេមកប្រមូលផ្តុំគ្នានៅពិធីតាំងពិពណ៌គ្រឿងសង្ហារឹមថៃអន្តរជាតិឆ្នាំ 2016 ដើម្បីបង្ហាញពីការរចនាចុងក្រោងបង្អស់របស់ពួកគេ។
នៅឆ្នាំ 2015 គ្រឿងសង្ហារឹមនាំចេញពីប្រទេសថៃមានតម្លៃច្រើនជាង 35 ពាន់លានបាត (ប្រមាណ1.05 ពាន់លានដុល្លារ) ទៅគោលដៅសំខាន់ៗរួមមានសហរដ្ឋអាមេរិក ជប៉ុន អូស្ត្រាលី ចិន និងចក្រភពអង់គ្លេស។
ពិធីតាំងពិពណ៌គ្រឿងសង្ហារឹមថៃអន្តរជាតិ (TIFF 2016) ដែលត្រូវបានសហការរៀបចំដោយ DITP ក្លឹបឧស្សាហកម្មគ្រឿងសង្ហារឹមថៃ និងសមាគមន៍ឧស្សាហកម្មគ្រឿងសង្ហារឹមថៃមានការចូលរួមពីក្រុមហ៊ុនគ្រឿងសង្ហារឹមឈានមុខច្រើនជាង 180 ក្រុមហ៊ុន។
លោក Malee Choklumlerd អគ្គនាយកនៃ DITP ថ្លែងថា "ក្នុងឆ្នាំនេះ ទាំងសហរដ្ឋអាមេរិកនិងប្រទេសចិនគឺជាទីផ្សារធំបំផុត ដែលយើងរំពឹងទុកថាការនាំចេញគ្រឿងសង្ហារឹមទៅកាន់ប្រទេសទាំងពីរនេះមានការកើនឡើង"។ "ដូច្នេះ DITP ជឿថាតម្លៃនៃការនាំចេញគ្រឿងសង្ហារឹមពីប្រទេសថៃនឹងកើនឡើង 10% ធៀបនឹងឆ្នាំកន្លងទៅ។"
TIFF 2016 ដែលបានរព្ធនៅ Impact, Muang Thong Thani ពីថ្ងៃទី 9 ដល់ទី 13 ខែមីនា ក្រោមប្រធានបទ 'ការរស់នៅឆ្លាតវៃនៃសមាគមន៍អាស៊ាន' មានគោលបំណងដាក់បង្ហាញនូវគ្រឿងសង្ហារឹមមានគុណភាពខ្ពស់ជាមួយគំនិតច្នៃប្រឌិតថ្មីៗ។ ចំណុចសំខាន់សង្ខេបនៃព្រឹត្តិការណ៍រួមមានការបង្ហាញភាពទាន់សម័យ I+D Style Cafe, ការចនារុក្ខជាតិ Upcycling និងអ្នករចនាម៉ូដវ័យក្មេង។
ការបង្ហាញប្រធានបទថ្មីមួយនៅ TIFF 2016 គឺគម្រោង Kagu ថៃ ដែលជាកិច្ចសហប្រតិបត្តិការរវាង DITP និងអង្គការពាណិជ្ជកម្មក្រៅស្រុកជប៉ុន (JETRO) ក្នុងការបង្កើតគ្រឿងសង្ហារឹមសម្រាប់ប្រជាជនវ័យចាស់ នៃប្រទេសជប៉ុន។
លោក Kohei Takata នាយកប្រតិបត្តិនៃ L'Epice ដែលអ្នកជំនាញនិងជាអ្នករចនាម៉ូដអភិវឌ្ឍផលិតផលគ្រឿងសង្ហារឹមនៃគម្រោង Kagu ថៃថ្លែងថា "ផ្នែកមនុស្សចាស់សកម្មគឺជាមនុស្សចាស់ដែលបានចូលនិវត្តន៍ប៉ុន្តែមានរាងកាយម៉ាំមួន ដែលជាទូទៅធំធាត់ឡើងជាមួយក្មេងដែលបានផ្លាស់ទៅឆ្ងាយ។" ការរចនានៅលើការបង្ហាញបញ្ជាក់ពីតម្រូវការជាក់លាក់របស់មនុស្សចាស់ចាប់ពីគ្រឿងសង្ហារឹមនិងតុជ្រុងទៅមូល ទៅជាសាឡុងរឹងម៉ាំតូច គ្រឿងសង្ហារឹមស្រាលដែលអាចឱ្យមនុស្សចាស់ផ្លាស់ប្តូរទីកន្លែងបានដោយមិនបាច់មានជំនួយ។
លោក Takata បានផ្តល់វគ្គបណ្តុះបណ្តាលនិងផ្តល់យោបល់ពិសេសដល់អ្នកចូលរួមអំពីគម្រោង ដែលរួមមានក្រុមហ៊ុនគ្រឿងសង្ហារឹមថៃ ដូចជា Salt and Pepper Design Studio, ឧស្សាហកម្ម Deesawat និងសមាធាតុ 26 ដែលក្រុមហ៊ុនទាំងនេះបានផលិតគម្រូនៃការរចនាម៉ូដពិសេសនៅឯ TIFF 2016។
លោក Takata មានប្រសាសន៍ថា "ក្រុមហ៊ុនផលិតគ្រឿងសង្ហារឹមក្នុងប្រទេសថៃយល់អំពីតម្រូវការនៃទីផ្សារគ្រឿងសង្ហារឹមរបស់ជប៉ុនច្រើនជាងក្រុមហ៊ុនផលិតគ្រឿងសង្ហារឹមនៅតាមបណ្តាប្រទេសផ្សេងៗទៀត"។ លក្ខខណ្ឌវិនិច្ឆ័យនៃការជ្រើសយកក្រុមហ៊ុនផលិតគ្រឿងសង្ហារឹមទាំងដប់របស់ថៃគឺអត្ថប្រយោជន៍របស់ពួកគេក្នុងការពង្រីកចូលក្នុងទីផ្សារជប៉ុន សមត្ថភាពរបស់ពួកគេក្នុងការរចនាផលិតផលមានគុណភាពខ្ពស់និងការយល់អំពីបរិបទរចនារបស់ពួកគេ។
ក្នុងចំណោមបណ្តាសកម្មភាពជាច្រើននៅនៃព្រឹត្តិការណ៍ TIFF 2016, សកម្មភាពក្រុមហ៊ុន UPCYCLE Carbon Footprint ឈ្មោះថាសិក្ខាសាលាស្តីពីយុទ្ធសាស្ត្រទីផ្សារបៃតងដោយជំនួយការសាស្ត្រាចារ្យ បណ្ឌិត Singh Intrachooto ប្រធានមជ្ឈមណ្ឌលការច្នៃប្រឌិតសម្រាប់អេកូរចនានៅសាកលវិទ្យាល័យ Kasetsart ត្រូវបានការស្វាគមន៍យ៉ាងខ្លាំងក្លាពីអ្នកចូលរួម ជាពិសេសពីនីស្សិត។ ដើម្បីបង្ហាញពីជោគជ័យរបស់ខ្លួនក្នុងកែប្រែកាកសំណល់ជាផលិតផលរចនាម៉ូដនិងគ្រឿងសង្ហារឹម ដែលជាការបង្ហាញរបស់របស់មជ្ឈមណ្ឌលលើផលិតផលកែច្នៃជាង 30 នៅក្នុងព្រឹត្តិការណ៍នោះ។
លោក Intrachooto មានប្រសាសន៍ថា "ផលិតផលផ្តោតលើបរិស្ថានថ្មីត្រូវបានបញ្ជាក់ដោយស្លាកសញ្ញា Upcycle Carbon Footprint"។ "ប្រទេសថៃត្រូវបានជ្រើសជាប្រទេសទីមួយក្នុងតំបន់អាស៊ានដែលលើកកម្ពស់នូវការបញ្ជាក់នេះ។"
សម្រាប់ព័ត៌មានបន្ថែមសូមចូលទៅកាន់គេហទំព័រ www.thailandfurniturefair.com
អត្ថបទដោយ Pimsirinuch Borsub