Issue 54
ជាស្ថាបនឹកនៃក្រុមហ៊ុន J.P. Cam Jewelry & Couture និងជាអនុប្រធាននៃសមាគមន៍រចនាម៉ូដគ្រឿងអលង្ការអន្តរជាតិទីក្រុងហុងកុង លោក Jens-Peter Cam គឺជាចៅក្រមម្នាក់ក្នុងចំណោមចៅក្រមឯទៀតនៅវិទ្យាស្ថានត្បូងពេជ្យនិងគ្រឿងអលង្ការនៃការប្រកួតប្រជែងរចនាម៉ូដគ្រឿងអលង្ការប្រចាំឆ្នាំរបស់ប្រទេសថៃ។ លោកចែករំលែកទស្សនៈផ្ទាល់របស់លោកលើនិន្នាការបច្ចុប្បន្ននិងអនាគតនៃឧស្សាហកម្មត្បូងពេជ្យនិងគ្រឿងអលង្ការអាស៊ី មុនការតាំងពិពរណ៍ត្បូងពេជ្យនិងគ្រឿងអលង្ការក្រុងបាងកកលើកទី 58 នៅខែកញ្ញាខាងមុខនេះ។
តើអ្នកនឹងពិនិត្យមើលអ្វីខ្លះចំពោះការច្នៃម៉ូដល្អទាំងដប់ ៖ ការប្រកួតប្រជែងគ្រឿងអលង្ការរចនាម៉ូដប្រសើរលេងនិងប្រណិតទាន់សម័យឬ?
ខ្ញុំបានឃើញការរចនា [គ្រឿងអលង្ការ] ថៃ ហើយខ្ញុំតែងចង់ឃើញមនុស្សនាំយកវប្បធម៌របស់គេផ្ទាល់។ ខ្ញុំពិតជារំភើបណាស់ ដែលបានឃើញអ្នករចនាម៉ូដក្មេងៗទាំងនេះ មកជាមួយនឹងការលេងកំសាន្តនិងប្រណិតទាន់សម័យ។ ជាប្រពៃណី ថៃមានការចនាម៉ូដដ៏ស្រស់ស្អាតនិងមានហត្ថាកោសល្យ ហើយខ្ញុំរងចាំមើលឥទ្ធិពលទាំងនោះក្នុងការប្រកួតនេះ។
តើលោកអាចប្រាប់ពួកយើងបានទេ អំពីការងារដែលលោកធ្វើនៅសមាគមន៍អ្នករចនាម៉ូដគ្រឿងអលង្ការអន្តរជាតិទីក្រុងហុងកុង?
ជាមួយនឹងការធ្វើអាជីវកម្មផ្ទាល់ខ្លួន ខ្ញុំបានឆ្លងកាត់ដំណាក់កាលអភិវឌ្ឍនៅពេលចាប់ផ្តើម ហើយអំពីការដោះស្រាយជាមួយពិភពពាណិជ្ជកម្ម ដែលសម្រាប់អ្នករចនាម៉ូតវ័យក្មេងគឺមានការលំបាកយល់ខ្លាំងណាស់។ វាជាការល្អដែលផ្តល់ឱ្យពួកគេនូវជំនួយនិងគំនិតអំពីរបៀបដែលពួកគេគួរធ្វើសម្រាប់អាជីវកម្មគ្រឿងអលង្ការ។ ជាងនេះទៅទៀត យើងចង់មានកាតាឡុកនៃការផ្គត់ផ្គង់ ដូច្នេះយើងអាចផ្តល់នូវប្រភពត្រឹមត្រូវសម្រាប់សមាជិក ដូចក្នុងឧស្សាហកម្មនេះ មានកត្តាជាច្រើនគឺពឹងផ្អែកលើទំនុកចិត្ត។ បច្ចុប្បន្ននេះ យើងមានសមាជិកមកពីបណ្តាប្រទេសអាស៊ីភាគអាគ្នេយ៍ និងប្រទេសចិនផងដែរ។
តើអ្វីគឺជាភាពតែមួយគត់អំពីឧស្សាហកម្មត្បូងពេជ្យនិងគ្រឿងអលង្ការនៅអាស៊ី?
នៅអឺរ៉ុបនិងភាគខាងលិច អ្នកមិនឃើញមនុស្សម្នារពាក់គ្រឿងអលង្ការពេជ្យច្រើនទេនៅពេលថ្ងៃ ប៉ុន្តែនៅអាស៊ីវិញ ស្ត្រីអាចពាក់ពេជ្យដែលមានតម្លៃរាប់លានដុល្លារនៅពេលជួបមិត្តរបស់គេនៅពេលអាហារថ្ងៃត្រង់។ សម្រាប់ខ្ញុំ ការមើលឃើញដូច្នេះគឺល្អខ្លាំងណាស។។ អាស៊ីគឺជាទម្រង់ល្អមួយសម្រាប់អាជីវកម្មគ្រឿងអលង្ការ។
ក្រៅពីប្រទេសថៃ តើមានទីផ្សារសក្តានុពលផ្សេងទៀតសម្រាប់ឧស្សាហកម្មគ្រឿងអលង្ការឬទេ?
ជាមួយនឹងការតាំងពិពរណ៍ធំៗពីរដងក្នុងមួយ និងមានទីស្នាក់ការក្រុមហ៊ុនអន្តរជាតិផងនោះ ក្រុងហុងកុងគឺជាទីផ្សារល្អមួយសម្រាប់ឧស្សាហកម្មនេះ។ ជប៉ុនក៏ជាទីផ្សារល្អផងដែរពីព្រោះជនជាតិជប៉ុនស្រលាញ់ការរចនាម៉ូដ។ ពេលនេះ ចិនកំពុងក្លាយជានសង្គមជឿនលឿន ហើយប្រជាជនវ័យក្មេងរបស់គេតែងតែស្វែងរកអ្វីដែលថ្មី ជាពិសេសការការរចនាម៉ូដបរទេស។
តើលោកមានគន្លឹះសំខាន់ៗណាឬទេសម្រាប់អ្នកដែលចាប់ផ្តើមប្រឡូកក្នុងឧស្សាហកម្មត្បូងពេជ្យនិងគ្រឿងអលង្ការ?
ប្រសិនបើអ្នកអាចចាប់ផ្តើមនៅក្នុងប្រទេសរបស់អ្នក នោះវាជាការល្អណាស់ ពីព្រោះវាជាភាសា និងវប្បធម៌របស់អ្នកផ្ទាល់ ហើយអ្នកអាចឃើញចម្លើយតបចំពោះការរចនាម៉ូដរបស់អ្នក។ ដែលសំខាន់ជាងគេ គឺថាអ្នកត្រូវស្មោះត្រង់នឹងខ្លួនអ្នក ពីព្រោះអ្វីដែលអ្នកលក់គឺជាការរចនាម៉ូដរបស់អ្នក។ អ្វីទាំងឡាយដែលកើតចេញពីបេះដូងរបស់អ្នកនឹងជោគជ័យ ឬមានឱកាសទទួលបានជោគជ័យ។ ហើយអ្នកក៏អាចមានការច្នៃប្រឌិតនិងស្មោះត្រង់ចំពោះខ្លួនអ្នក ប៉ុន្តែអ្នកត្រូវគិតអ្វីដែលអាចលក់បាន។ និងបង្កើតអ្វីមួយដែលមនុស្សម្នារអាចទិញនិងពាក់បាន។
តើអ្នកគិតថាអ្វីជាគន្លឹះនៃនិន្នាការបច្ចុប្បន្នក្នុងឧស្សាហកម្មគ្រឿងអលង្ការ?
នៅអតីតកាលមនុស្សម្នាគួរទិញគ្រឿងអលង្កាជាសិត ប៉ុន្តែបច្ចុប្បន្ននេះ ពួកគេកំពុងស្វែងរកអ្វីមួយដែលពួកគេអាចពាក់នៅពេលថ្ងៃបាន។ ខ្ញុំគិតថាក្នុងទីផ្សារបច្ចុប្បន្ននេះ យើងព្យាយាមបង្កើតគ្រឿងអលង្កាល្អៗ ដែលមើលទៅថ្លៃៗ ប៉ុន្តែអាចទទួលយកបាន។ អ្នកអាចប្រើថ្មមានតម្លៃពាក់កណ្តាលដែលបង្កើតនូវការរចនាម៉ូដល្អប្រណិត ហើយបន្ទាប់មកលក់ការរចនានេះ។
Issue 53
Horizon សម្ភាសជាមួយ Bunphot Kliaphungphit,ស្ថាបនិក និងជាអគ្គនាយកក្រុមហ៊ុន Coco Easy ស្ដីអំពីការច្នៃប្រឌិតដែលបង្កើតឲ្យមានភាពងាយស្រួលសម្រាប់អ្នកដែលចូលចិត្តពិសាទឹកដូង ក្នុងការបំបែកត្រឡោកដូងរបស់គេ។
តើអ្វីទៅជាគំនិតនៅពីក្រោយការរកឃើញរបស់ក្រុមហ៊ុន Coco Easy?
វាកើតឡើងដោយសារតែការជួបប្រទះផ្ទាល់របស់ខ្ញុំក្នុងការចង់ពិសាទឹកដូង ក៏ប៉ុន្តែមិនដឹងថាត្រូវបំបែកត្រឡោកដូងប្រើវិធីណាដែលល្អបំផុតនោះទេ។ ខ្ញុំចំណាយពេលប្រហែល ១០ឆ្នាំក្នុងការសាកល្បងដែលខុស មុននឹងសម្រេចបាននូវដំណោះស្រាយដ៏ប្រសើរបំផុតនៅក្នុងឆ្នាំ ២០១៣ ហើយខ្ញុំក៏បានចុះបញ្ជីប្រកាសនីយបត្រតក្កកម្មសម្រាប់ការរកឃើញថ្មីទៅលើ Coco Easy ក្នុងឆ្នាំដដែល។ ការបង្កើតថ្មីរបស់ខ្ញុំ អាចឲ្យអ្នកប្រើប្រាស់ទាំងអស់អាចពិសាទឹកដូងដោយផ្ទាល់ពីត្រឡោកដូងដោយស្រួល ដូចគ្នាទៅនឹងការពិសាដោយកំប៉ុង ឬដបដូច្នោះដែរ។ យើងចោះលករង្វង់ពីរ នៅលើត្រឡោក ហើយភ្ជាប់ក្រវិលសម្រាប់ទាញទៅលើលករង្វង់តូច។ ដើម្បីពិសាទឹកដូង លោកអ្នកអាចបើកត្រឡោកដូងដោយងាយស្រួល ដោយគ្រាន់តែទាញក្រវិលសម្រាប់ទាញចេញមកតែប៉ុណ្ណោះជាការស្រេច។ លោកអ្នកក៏អាចពិសាសាច់ដូងបាន ដោយគ្រាន់តែទាញលករង្វង់ធំដែលនៅលើត្រឡោក ដោយប្រើដៃរបស់លោកអ្នកជាការស្រេច។
អតិថិជនប្រភេទណាជាមុខព្រួញរបស់អ្នក?
សម្រាប់នៅក្នុងស្រុក គោលដៅរបស់ Coco Easy គឺអ្នកលេងកូនហ្គោល និងអ្នកទេសចរបរទេស។ យើងចែកចាយផលិតផលរបស់យើងទៅកាន់កន្លែងលេងវាយកូនហ្គោល សណ្ធាគារ និងផ្សារទំនើបមួយចំនួន ដូចជាផ្សារ Gourmet Market នៅឯ Siam Paragon និងសង្វាក់ផលិតកម្មរបស់ផ្សារទំនើបTops។ យើងក៏នាំចេញផលិតផល Coco Easy ទៅកាន់បណ្ដាប្រទេសមួយចំនួនដូចជា ប្រទេសចិន សហភាពអារ៉ាប់រួម ចក្រភពអង់គ្លេស ប្រទេសអាល្លឺម៉ង់ និងបណ្ដាប្រទេនានានៅក្នុងតំបន់អឺរ៉ុប។
តើអ្វីទៅជាការព្យាករណ៍របស់អ្នកទៅលើទីផ្សារទឹកដូង
ទីផ្សារគឺជាការប្រមើលទៅលើការរីកចម្រើនតាមលំដាប់លំដោយ ដោយសារតែអ្នកប្រើប្រាស់ដែលគិតពីសុខភាព ក៏ដូចជាទំនោរទៅរកផលិផលសរីរាង្គ។ តម្រូវការទៅលើទឹកដូងគឺមានការកើនឡើងនៅក្នុងបណ្ដាប្រទេសនានាដូចជា ប្រទេសចិន និងសហរដ្ឋអាមេរិក។
តើក្រុមហ៊ុន Coco Easyធ្វើយ៉ាងណាដើម្បីធ្វើឲ្យផលិតផលរបស់ខ្លួនមានភាពខុសប្លែកពីផលិតផលរបស់ដៃគូប្រកួតប្រជែងនានា?
ក្រុមហ៊ុន Coco Easy លក់ផលិតផលដែលមានគុណភាព ហើយមិនប្រកួតប្រជែងជាមួយនឹងផលិតផលយីហោដទៃតាមរយៈការទម្លាក់ថ្លៃនោះទេ។ យើងប្រើប្រាស់តែដូងខ្ចីស្រស់ពីខេត្តRatchaburiនិងខេត្តSamutSakhonដែលជាខេត្តត្រូវបានគេទទួលស្គាល់ថាជាកន្លែងដែលមានដូងមានគុណភាពល្អបំផុត។ លើសពីនេះទៅទៀត អ្នកប្រើប្រាស់អាចពិសាទឹកដូងរបស់យើងដោយងាយស្រួលគ្រប់ពេល គ្រប់ទីកន្លែងនៅលើត្រឡោក ដោយមិនចាំបាច់បារម្ភរឿងធ្វើយ៉ាងណាដើម្បីបើកត្រឡោកដូងឡើយ។
តើអ្វីខ្លះជាផែនការអនាគតរបស់លោកអ្នក?
បច្ចុប្បន្ននេះ Coco Easy មានរោងចក្រស្ថិតនៅក្នុងស្រុក Rangsit, ក្នុងខេត្ត PathumThaniដែលផលិតបានចំណុះ ៣០០០ ផ្លែក្នុងមួយថ្ងៃ។ គិតត្រឹមឆមាសទីមួយឆ្នាំ ២០១៧ ក្រុមហ៊ុន Coco Easyនឹងមានរោងចក្រមួយទៀតនៅក្នុងខេត្តRatchaburi។ តាមរយៈរោងចក្របន្ថែមនេះ វានឹងបង្កើនបរិមាណផលិតកម្មរហូតដល់ប្រហែលជា ៤០០០០- ៥០០០០ ផ្លែក្នុងមួយថ្ងៃ។ យើងក៏មានផែនការពង្រីកទីផ្សាររបស់យើងទៅកាន់តំបន់មជ្ឈឹមបូព៌ា, អឺរ៉ុប, កូរ៉េខាងត្បូង និងសហរដ្ឋអាមេរិកផងដែរ។ យើងកំពុងធ្វើការជាមួយវិទ្យាស្ថានស្រាវជ្រាវ ក្នុងការបង្កើននូវអាយុកាលរក្សាទុកទៅលើផលិតផលរបស់ក្រុមហ៊ុន Coco Easy។
សម្រាប់ព័ត៌មានបន្ថែម សូមចូលទៅកាន់ www.coconuteasy.com
Issue 51
ស្ថាបនិកនិងជាអ្នករចនាម៉ាក MAZMOIZELLE និយាយទៅកាន់ Horizon អំពីកញ្ចប់សេដ្ឋកិច្ចរបស់នាង ដែលបង្ហាញណុវជោគជ័យដ៏ធំធេងលើទីផ្សារអន្តរជាតិ។
តើអ្នកអាចប្រាប់ពួកយើងអំពីប្រវត្តិខាងក្រោយម៉ាក MAZMOIZELLE បានឬទេ?
ម៉ាកនេះត្រូវបានចាប់ផ្តើមកាលពីប្រាំមួយឆ្នាំមុន។ បន្ទាប់ពីខ្ញុំបានបញ្ចប់ការសិក្សាផ្នែកស្ថាបត្យកម្មជំនាញរចនាម៉ូតផលិតផល។ ខ្ញុំចង់រចនាផលិតផលរបស់ខ្ញុំផ្ទាល់ជាមួយនឹងសម្ភារថ្មីនិងមិនធម្មតាដែលខុសគ្នាពីសម្ភារផ្សេងទៀតនៅទីផ្សារ។ ខ្ញុំបានរកឃើញឆ្នុកធម្មជាតិ។ ខ្ញុំគិតថាវាគួរឱ្យចាប់អារម្មណ៍ណាស់។ ដូច្នេះ ខ្ញុំប្រើសម្ភារនេះដើម្បីផលិតកាបូបរបស់ខ្ញុំផ្ទាល់ជាលើកទីមួយ។ វាគឺល្អណាស់ ដូច្នេះខ្ញុំបានចាប់ផ្តើមផលិតវាសម្រាប់គោលបំណងពាណិជ្ជកម្ម។ ខ្ញុំបានទទួលមតិតបដោយវិជ្ជមានពីអតិថិជនរបស់ខ្ញុំ។ ខ្ញុំបានអភិវឌ្ឍនិងពង្រឹងផលិតផលរបស់ខ្ញុំរហូតវាបានក្លាយជាម៉ាក MAZMOIZELLE ដែលអ្នកបានឃើញនៅថ្ងៃនេះ។
តើអ្វីដែលអ្នកគិតថាធ្វើឱ្យម៉ាកនេះមានភាពខ្លាំងក្លា?
ផលិតផលរបស់យើងគឺថែរក្សាបរិស្ថាន។ សម្ភារយកមកពីសំបកខាងក្រៅនៃដើមឆ្នុក។ កាបូបទាំងនេះការពារជ្រាបទឹកនិងប្រើប្រាស់បានយូរ។ ការរចនារបស់យើងមិនមែនសម្រាប់តែទាន់សម័យប៉ុណ្ណោះទេ ប៉ុន្តែវាក៏សម្រាប់ជីវិតប្រចាំថ្ងៃផងដែរ។ បន្ថែមពីនេះ យើងផ្តល់ជូននូវផលិតផលជាច្រើនដើម្បីបំពេញតាមតម្រូវការរបស់ក្រុមអតិថិជនទាំងអស់។
តើកត្តាអ្វីបំផុសគំនិតសម្រាប់ការរចនារបស់អ្នក?
ការបំផុសគំនិតរបស់ខ្ញុំចេញពីការសង្កេត។ ខ្ញុំតែងតែកត់សម្គាល់នូវអ្វីដែលមនុស្សចាប់អារម្មណ៍និងអ្វីដែលជានិន្ននាការបច្ចុប្បន្ន។ ឧទាហរណ៍ មនុស្សចូលចិត្តប្រើទូរស័ព្ទដៃ ថែប្លេត ឬម៉ាមេរ៉ាឌីជីថល។ ដូច្នេះ ខ្ញុំបានផលិតកាបូបសម្រាប់ឧបករណ៍ទាំងនេះ ដើម្បីធ្វើឱ្យផលិតផលរបស់យើងបំពេញបែបរស់នៅរបស់អតិថិជន។
តើអ្វីគឺជាអតិថិជនគោលដៅរបស់អ្នក?
MAZMOIZELLE មានក្រុមអតិថិជនច្រើនប្រភេទ ប៉ុន្តែគោលដៅចម្បងគឺក្មេងជំនាន់ក្រោយនិងនិស្សិត។ នៅពេលខ្ញុំចាប់ផ្តើមម៉ាករបស់ខ្ញុំលើកដំបូង ខ្ញុំផ្តោតលើអតិថិជនថៃប៉ុណ្ណោះ។ ប៉ុន្តែ ខ្ញុំបានចាប់ផ្តើមនាំចេញផលិតផលរបស់ខ្ញុំទៅបរទេស។ បច្ចុប្បន្ន អតិថិជនរបស់ខ្ញុំមកពីប្រទេសជប៉ុន ហុងកុង ចិន តៃវ៉ាន់ ម៉ាឡេស៊ី សឹង្ហបូរី រុស្ស៊ី និងអឺរ៉ុប ដូចជាអ៊ីតាលី បារាំង និងអាល្លឺម៉ង់។
តើហេតុអ្វីបានជាអតិថិជនរបស់អ្នកចូលចិត្តម៉ាករបស់អ្នក?
ខ្ញុំគិតថាវាដោយសារសេវាកម្មបន្ទាប់ពីការលក់របស់ខ្ញុំ។ ខ្ញុំយកចិត្តទុកដាក់ជាមួយអតិថិជនរបស់ខ្ញុំ។ ខ្ញុំបន្តទំនាក់ទំនងជាមួយពួកគេនិងផ្តល់ឱ្យពួកគេនូវព័ត៌មានផលិតផលបន្ថែមទៀត ដូចជារបៀបបោកគក់ ឬរក្សាទុកកាបូបរបស់ពួកគេ។ នៅពេលកាបូមខូច ដូចជាខូចរ៉ូត ខ្ញុំផ្តល់ឱ្យពួកគេនូវការជួសជុលដោយមិនគិតប្រាក់។
តើអ្នកមានផែនការទៅអនាគតយ៉ាងដូចម្តេចដែរ?
ខ្ញុំចង់ពង្រីកទីផ្សាររបស់ខ្ញុំ។ ខ្ញុំគ្រោងដំណើរការផលិតផលរបស់ខ្ញុំនៅមជ្ឈិមបូព៌ា។ នៅពេលនេះ ខ្ញុំកំពុងសិក្សាទីផ្សារ របៀបរស់នៅ និងទំនោររបស់អតិថិជននៅក្នុងតំបន់។ ប្រសិនបើខ្ញុំដឹងកាន់តែច្រើនអំពីការរស់នៅរបស់ពួកគេ ខ្ញុំនឹងអាចច្រៀតចូលទីផ្សារនេះបាន ពីព្រោះខ្ញុំមានផលិតផលមានគុណភាពល្អ។
សម្រាប់ព័ត៌មានបន្ថែម សូមមើល visit:www.mazmoizelle.com
Issue 52
អ្នកនាង Kamonrat Atipalungkool, នាយកទីផ្សារ និងផ្នែកលក់របស់ក្រុមហ៊ុន Aroma Space, ផ្ដល់បទសម្ភាសន៍ដល់ Horizon អំពីផលិតផលដែលមានការរចនាដ៏វិចិត្រ ដែលទទួលបានការពេញនិយមជុំវិញពិភពលោក ព្រមទាំងទទួលបានពានរង្វាន់ DEmark ពីអគ្គនាយកដ្ឋាន DITP។
តើអ្នកអាចប្រាប់ខ្ញុំបន្តិចអំពីAroma Space បានទេ?
គ្រួសាររបស់យើងចាប់ផ្ដើមផលិតនូវផលិតផលធ្វើពីកុលភាជន៍ ដោយផ្ដោតតែទៅលើផលិតផលធំៗបម្រើឲ្យការនាំចេញ។ បើទោះជាបែបនេះក្ដី នៅក្នុងឆ្នាំ ២០១២ យើងបានណែនាំនូវបណ្ដាផលិតផលថ្មី ដែលមានឈ្មោះថា ទឹក្លិនកុលភាជន៍ Aroma Bird ហើយវាបានទទួលនូវរង្វាន់ DEmarkនៅក្នុងឆ្នាំនោះ។ វាគឺជាជំហានដំបូងក្នុងការកសាងយីហោរបស់យើង ហើយផ្ដោតទៅលើការផ្សព្វផ្សាយកាន់តែច្រើន ហើយដាក់ឲ្យដំណើរការផលិតផលរបស់យើងនៅក្នុងទីផ្សារក្នុងស្រុក។ យើងបានបន្តអភិវឌ្ឍផលិផលរបស់យើងដោយប្រើគោលគំនិតថ្មីៗ និងរស់រវើករហូតមកដល់ឥឡូវនេះ។
តើមតិប្រតិកម្មអ្វីខ្លះដែលលោកអ្នកទទួលបានពីអតិថិជនមកវិញនោះ?
វាពិសេសអស្ចារ្យណាស់។ យើងពិតជារីករាយចំពោះការឆ្លើយតបរបស់អតិថិជនរបស់យើងដែលជាអ្នកស្រលាញ់ការរចនា និងពណ៌របស់ផលិតផលគ្រឿងសម្អាង Aroma Space។ ខ្ញុំគិតថាគឺដោយសារតែការផ្លាស់ប្ដូរឥរិយាបថរស់នៅរបស់មនុស្ស។ ផលិតផលរបស់យើងគឺផ្ដោតទៅលើអតិថិជនច្រើនលំដាប់។ ពីមុន អតិថិជនចម្បងរបស់យើងគឺមានប្រសិទ្ធភាពតែទៅលើយុវវ័យតែប៉ុណ្ណោះ ក៏ប៉ុន្តែបច្ចុប្បន្ននេះ អតិថិជនរបស់យើង មានទាំងក្មេងជំទង់, សិស្សវិទ្យាល័យ និងនិស្សិតមហាវិទ្យាល័យទៀតផង។ ផលិតផលរបស់យើងគឺមានភាពទាក់ទាញ និងមានខ្នាតតូចដែលអាចឲ្យអតិថិជនរបស់យើង គាត់អាចយកទៅប្រើធ្វើជាអំណោយវត្ថុអនុស្សាវរីយ៍ ឬប្រើវាដើម្បីតុបតែងលំអរគេហដ្ឋានរបស់ពួកគាត់។
តើទីផ្សារអន្តរជាតិណាដែលអ្នកបានផ្គត់ផ្គង់ទៅកាន់?
ទំនិញរបស់ Aroma Spaceណ ត្រូវបាននាំចេញទៅកាន់ប្រទេសចិន, ជប៉ុន និងតៃវ៉ាន់ ក៏ដូចជាទៅកាន់អឺរ៉ុប រាប់បញ្ចូលទាំងប្រទេសនានាដូចជា ហុល្លង់, អាល្លឺម៉ង់ និងអ៊ីតាលី។ អតិថិជនជាប្រជាជនអឺរ៉ុប គឺពិតជាចូលចិត្តទៅលើផលិតផលធ្វើអំពីស្លឹកគ្រៃ និងផ្កាម្លិះ។ ពួកគាត់និយាយថា នៅពេលដែលពួកគាត់ហិតក្លិនគន្ធពិដោរទាំងនេះ គឺគាត់មានអារម្មណ៍ស្រស់ថ្លា បរិសុទ្ធ និងរីករាយ។ ពួកគាត់ស្រលាញ់ក្លិនក្រអូបទាំងនេះណាស់ ដោយសារតែនៅក្នុងតំបន់អឺរ៉ុប គឺគ្មានក្លិនក្រអូបប្រភេទនេះឡើយ។ នៅពេលខាងមុខ យើងនឹងអាចនាំយកនូវក្លិនក្រអូបទាំងនេះកាន់តែច្រើន ទៅកាន់បណ្ដាប្រទេសទាំងនោះ។
តើលោកអ្នកប្រើប្រាស់បណ្ដាញសង្គមរបៀបណាដើម្បីផ្ដល់ព័ត៌មានដល់អតិថិជនរបស់លោកអ្នក?
គុណសម្បត្តិក្នុងការក្លាយជាសហគ្រិនវ័យក្មេងគឺ ខ្ញុំដឹងអំពីរបៀបនៃការប្រើប្រាស់បច្ចេកវិទ្យាថ្មី ព្រមទាំងបណ្ដាញផ្សព្វផ្សាយក្នុងសង្គម ដើម្បីបង្ហាញនូវផលិតផលរបស់ខ្ញុំ។ ឧទាហរណ៍ Facebook និង Instagram ធ្វើឲ្យខ្ញុំកាន់តែមានភាពងាយស្រួលក្នុងការភ្ជាប់ការទាក់ទងទៅកាន់អតិថិជននៅជុំវិញពិភពលោក។ អតិថិជនអន្តរជាតិ ក៏អាចមើលផលិតផលរបស់ខ្ញុំតាមរយៈវេបសាយ ហើយទាក់ទងមកកាន់យើងខ្ញុំដើម្បីបញ្ជាទិញបន្ទាប់ពីការចូលមើលរួចហើយនោះ។ វាក៏ធ្វើឲ្យពួកគាត់កាន់តែមានភាពងាយស្រួលក្នុងការស្គាល់នូវយីហោផលិតផលថៃផងដែរ។
តើអ្វីទៅជាគម្រោងផែនការទៅអនាគតរបស់លោកអ្នក?
យើងរំពឹងថានឹងពង្រីកសង្វាក់ផលិតកម្មរបស់យើង។ ដំបូង យើងបានផលិតទឹកអប់ និងទឹកក្លិន, ក៏ប៉ុន្តែនៅពេលខាងមុខ យើងនឹងផលិតទៀន និងគ្រឿងក្រមួនដោយមានការរចនាប្លែកកម្រឃើញ។ យើងក៏ចង់បង្កើនសមត្ថភាពរបស់យើង ដើម្បីផលិតនូវផលិតផលថៃល្អឯក ដែលមានគុណភាពខ្ពស់ សម្រាប់អតិថិជនរបស់យើង ទាំងនៅក្នុងស្រុក និងនៅក្រៅប្រទេស។
សម្រាប់ព័ត៌មានបន្ថែម សូមចូលទៅកាន់៖ www.aromaspaceproducts.com
Issue 50
អនាគតនិយាយទៅកាន់ Paul Robilliard ឯកអគ្គរាជទូតអូស្រ្តាលីប្រចាំប្រទេសថៃ ក្នុងកំឡុងពេលស្រាវជ្រាវរបស់ប្រទេសអូស្រ្តាលី-ថៃ និងការច្នៃប្រឌិតនៃចក្ខុវិស័យដែលប្រារព្ធពិធី កាលពីថ្ងៃទីថ ២៧ ខែមេសា។
តើការស្រាវជ្រាវរបស់ប្រទេសអូស្រ្តាលី-ថៃនឹងមានការសហការគ្នាក្នុងជំនួញរវាងប្រទេសទាំងពីរដោយយ៉ាងណា?
ការច្នៃប្រឌិត គឺមានការពេញនិយមខ្លាំងតាមរបៀបវារៈរបស់រដ្ឋាភិបាលប្រទេសអូស្រ្តាលី និងថៃ។ ក្នុងប្រទេសអូស្រ្តាលី ការស្រាវជ្រាវរបស់រដ្ឋាភិបាល និងរបៀបវារៈនៃការច្នៃប្រឌិត គឺច្នៃបង្កើតនូវអ្វីដែលប្រធានាធិបតេយ្យ ម៉ាខុម ថើនបូលគាត់ត្រូវការជា "គ្រាប់បែកគំនិត" ការស្រាវជ្រាវទ្វេភាគីរបស់យើងនៃមិត្តភាពដែលផ្តោតសំខាន់ទៅលើការច្នៃប្រឌិត។ នៅមានអ្វីសំខាន់មួយទៀតគឺពួកយើងបានរៀនពីគ្នាទៅវិញទៅមក ពីច្នៃម៉ូត កេមឌីជីថលសំរាប់ក្មេង អ្នកច្នៃម៉ូតបានធ្វើការរួមគ្នា ការសហការគ្នាស្រាវជ្រាវការអាវកាស និងការសិក្សាពី STEM ចែកចាយពីបទពិសោធន៍នូវឆន្ទះក្នុងការធ្វើការងារវិទ្យាសាស្ត្រដល់អ្នកជំនាន់ក្រោយ។ ខ្ញុំសប្បាយចិត្តដែលឆ្នាំនេះការស្រាវជ្រាវរវាង អូស្រ្តាលី-ថៃ និងការច្នៃប្រឌិតជាសញ្ញាទៅដល់ពាណិជ្ជកម្មស្រាវជ្រាវឲ្យមកជាដៃគូររវាងប្រទេសថៃ និងអូស្រ្តាលី។ ការអប់រំជាង ១៩០ ប្រភេទ ទាំងផ្នែករដ្ឋាភិបាល និងផ្នែកឯកជន នឹងជាឪកាសល្អក្នុងការសហការនេះ។
តើអ្នកអាចផ្តល់ជាឧទាហរណ៍នៃជំនួញសហការរវាងប្រទេសទាំងពីរ?
ប្រទេសថៃ និងអូស្រ្តាលីបានជ្រើសរើសផ្តោតទៅលើវិស័យកសិកម្ម និងជីវៈចំរុះក្នុងការស្រាវជ្រាវ និងការច្នៃប្រឌិតក្នុងឆ្នាំនេះ។ វាជាអ្វីដែលល្អដ៏សំខាន់ដល់ចំណងសេដ្ឋកិច្ចប្រទេសទាំងពីរ ដែលយើងមើលឃើញថាមានការលូតលាស់ទាំងពីរផ្លូវរវាងជំនួញកសិកម្ម និងបន្តភាពជាដៃគូរនៅតែខ្លាំងសំខាន់។ គោលនយោបាយជំនួញដែលមានរៀបចំឡើង ដែលផ្អែកលើការសហការដើម្បីអភិវឌ្ឍន៍ក្នុងការពង្រឹងទីផ្សាររបស់ប្រទេសទាំងពីរ។
តើអ្វីជាចំនុចខ្លាំងរបស់ប្រទេសថៃក្នុងជំនួញភាពជាដៃគូរនេះ?
តាំងពីប្រទេសថៃ-អូស្រ្តាលី ធ្វើជំនួញអត់គិតពន្ធក្នុងកិច្ចសន្យា កាលពីឆ្នាំ២០១៥ ជំនួញនៃប្រទេសទាំងពីរមានចំនួនកើនឡើងទ្វេដង ក្នុងតំលៃទឹកប្រាក់ជា ១៩.៩ ពាន់លានដុល្លាអូស្រ្តាលី (១៤.៨ពាន់លានដុល្លា) និងប្រទេសថៃជាដៃគូរទី៨ក្នុងជំនួញភាពជាដៃគូរ។ អ្វីដែលល្អក្នុងតំបន់ប្រហែលជាកត្តាជំរុញក្នុងការទាក់ទាញអ្នកជំនួញជនជាតិអូរស្រ្តាលីជាច្រើនទៅកាន់ប្រទេសថៃ។
តើឯកអគ្គរាជទូតប្រទេសអូស្រ្តាលីមានការផ្សព្វផ្សាយយ៉ាងណាក្នុងការសហការរវាងប្រទេសទាំងពីរ?
ជាពិសេសក្នុងក្រុមមិត្តភាពសេដ្ឋកិច្ចរបស់យើង មួយក្នុងចំណោមអាទិភាពរបស់យើងគឺចង់បានការផ្សាភ្ជាប់ការនិយាយជំនួញ និងបង្កើតស្ថានភាពដ៏ល្អបំផុតមួយសំរាប់ថៃ និងអូស្រ្តាលីក្នុងការពង្រីកសក្តានុពល បង្កើតការងារ និងចែកចាយការលូតលាស់សេដ្ឋកិច្ច។ ស្របគ្នានេះផងដែរ ស្ថានទូតបានស្វែងរកឪកាសសំរាប់ការសហការផ្នែកកសិកម្ម ការអប់រំ អំណាចរបស់សេដ្ឋកិច្ចស្រ្តី និងសកម្មផ្សព្វផ្សាយការលូតលាស់ក្នុងតំបន់ និងភាពរីកចំរើន។
តើក្រុមហ៊ុនធំៗអូស្រ្តាលីណាខ្លះដែលមកបណា្តក់ទុន និងមានរោងចក្រនៅប្រទេសថៃ?
ក្នុងស្ថានភាពការបញ្ចូលសេដ្ឋកិច្ចសមាគមន៍អាស៊ានពាក់កណ្តាល ប្រទេសថៃផ្អែកខ្លាំងលើអ្នកបណ្តាក់ទុនអូស្រ្តាលីច្រើន។ ក្រុមហ៊ុន អូស្រ្តាលី ១៨០ ក្រុមហ៊ុនហើយដែលមាននៅប្រទេសថៃ។ ប៉ុន្តែភាគច្រើនជាក្រុមហ៊ុនខ្នាតតូច SME ហើយនៅមិនទាន់មានជាឧស្សាហកម្មរោងចក្រនៅឡើយ។ ផ្នែកសេវាកម្មកំពុងមានការកើនឡើងកាន់តែខ្លាំងអ្នកបណ្តាក់ទុនអូស្រ្តាលី។ ក្រុមហ៊ុនបានអធិប្បាយពីធនាគារ ក្រុមហ៊ុនដឹកជញ្ជូន ស្ថាបតេយ្យករ និងក្រុមហ៊ុនថ្មីៗផ្សេងៗទៀត។ វាមានសារៈសំខាន់ផងដែរក្នុងធ្វើការវិភាគទានខ្លីដែលវាមានសារៈសំខាន់ចំពោះអ្នកបណ្តាក់ទុនថៃទៅសេដ្ឋកិច្ចអូស្រ្តាលី។ ប្រទេសថៃជាប្រទេសធំទី១៦ នៃFDI ការបណ្តាក់ទុនស្តក់ក្នុងប្រទេសអូស្រ្តាលីក្នុងផ្នែកទេសចរណ៍ ពាណិជ្ជកសិកម្ម និងថាមពល។