Issue 66

អ្នកស្រី Malee Choklumlerd ដែលជាអគ្គនាយករបស់ DITP បានមានប្រសាសន៍កាលពីថ្ងៃទី 19 ខែឧសភា ថា អតិថិជនដែលយកចិត្តទុកដាក់ចំពោះសុខភាពនៅជុំវិញពិភពលោក ជាពិសេសនៅសហរដ្ឋអាមេរិក ចូលចិត្តទិញផលិតផលចំណីអាហារ និងផលិតផលដែលមិនមែនជាចំណីអាហារ ដែលមិនប៉ះពាល់ដល់បរិស្ថាន និងជួយពង្រឹងគុណភាពជីវិតរបស់ពួកគេ។

អ្នកស្រីបានមានប្រសាសន៍ថា "អតិថិជនពេញចិត្តផលិតផលដែលមានធាតុផ្សំពីធម្មជាតិ ដំណើរការផលិតដែលមិនប៉ះពាល់ដល់បរិស្ថាន និងល្អចំពោះសុខភាពរបស់ពួកគេ។ អាជីវកម្មត្រូវតែបង្ហាញអំពីរបៀបដែលពួកគេយកចិត្តទុកដាក់ចំពោះសង្គម និងបរិស្ថាន ដើម្បីលើកទឹកចិត្តអតិថិជនឲ្យទិញផលិតផល និងសេវានានា"។

សម្រាប់អតិថិជនដែលយកចិត្តទុកដាក់ចំពោះសុខភាព ផលិតផលចំណីអាហារជាសក្តានុពលរួមមាន​ប្រូតេអ៊ីនដែលបានមកពីសត្វល្អិត និងគ្រាប់ធញ្ញជាតិ ប្រូតេអ៊ីនចម្រាញ់/ប្រូតេអ៊ីនសំយោគ និងអាហារត្រៀមជាស្រេចសម្រាប់ការទទួលទានដែលមានប្រូតេអ៊ីនខ្ពស់។ ផលិតផលដែលមិនមែនជាចំណីអាហាររួមមានខ្នើយ និងពូកដែលធ្វើពីជ័រកៅស៊ូក្រាស់ (latex), ពូកធ្វើពីស្រកីដូង, គ្រឿងសង្ហារិម និងសម្ភារតុបតែងដែលធ្វើពីឈើធម្មជាតិ, សម្លៀកបំពាក់ និងផលិតផលថែទាំផ្ទាល់ខ្លួនផ្សេងទៀតដែលធ្វើពីធាតុផ្សំធម្មជាតិ។

Issue 66

DITP បានរៀបចំកម្មវិធីពិធីបុណ្យ T Mark ឆ្នាំ 2017 នៅផ្សារទំនើប EmQuartier នៅទីក្រុងបាងកក ចាប់ពីថ្ងៃទី 23 រហូតដល់ថ្ងៃទី 28 ខែឧសភា ដើម្បីបង្កើតការយល់ដឹងអំពីម៉ាកសញ្ញាគួរជាទីទុកចិត្ត (T Mark) របស់ប្រទេសថៃ ក្នុងចំណោមអតិថិជនថៃ និងអតិថិជនក្រៅប្រទេស និងពង្រឹងភាពប្រកួតប្រជែងនៃការ​នាំចេញផលិតផលថៃ។

អ្នកស្រី Malee Choklumlerd ដែលជាអគ្គនាយករបស់ DITP បានមានប្រសាសន៍ថា "T Mark គឺជាស្លាកសញ្ញានៃគុណភាពដ៏ល្អប្រសើរ គួរជាទីទុកចិត្ត បង្កើតឡើងដោយបេះដូង ដែលត្រូវបាន​បង្កើតឡើងដើម្បីបន្ថែមគុណតម្លៃដែលគួរឲ្យកត់សម្គាល់ទៅលើផលិតផល និងសេវានានាដែលនាំចេញពី​ប្រទេសថៃ។

នៅក្នុងពិធីនេះ ក្រុមហ៊ុនថៃជាច្រើនដែលទទួលបានស្លាកសញ្ញា T Mark បានធ្វើការបង្ហាញ និងចែកចាយផលិតផល និងសេវានានាទៅកាន់ដែលភ្ញៀវ។ សកម្មភាពផ្សេងទៀត ដែលរួមបញ្ចូលទាំងសិក្ខាសាលា ការបង្ហាញផលិតផល និងសេវា និងការជជែកវែកញែកដ៏ពិសេសពីសហគ្រិនថៃដែលទទួលបានជោគជ័យ ដែលផលិតផលរបស់ពួកគេទទួលបានស្លាកសញ្ញា T Mark ផងដែរ។

ផលិតផល T Mark ជាង 500 ប្រភេទ អាចស្វែងរកបាននៅផ្សារ Gourmet Market នៅក្នុងផ្សារទំនើប EmQuartier និង Emporium នៅទីក្រុងបាងកក ចាប់ពីថ្ងៃទី 23 ខែឧសភា រហូតដល់ថ្ងៃទី 30 ខែមិថុនា។

Issue 66

DITP បានរៀបចំសិក្ខាសាលាដែលមានចំណងជើងថា បញ្ហាគ្រឿងអលង្កា៖ សន្និសិទ្ធស្តីពីការច្នៃម៉ូដ និងការធ្វើម៉ាឃីធីងត្បូង និងគ្រឿងអលង្កានៅទីក្រុងបាងកក សម្រាប់ឆ្នាំ 2017 នៅថ្ងៃទី 22 ខែឧសភា ដើម្បីបង្ហាញអំពីនិន្នាការរបស់ម៉ូដគ្រឿងអលង្កាសម្រាប់ 2017-2018។

អ្នកជំនាញដែលជាជនជាតិថៃ និងជនបរទេសជាច្រើននាក់ត្រូវបានអញ្ជើញឲ្យចូលរួមនៅក្នុងកម្មវិធីនេះ​ដើម្បីធ្វើការចែករំលែកអំពីចំណេះដឹងរបស់ពួកគេស្តីពីយុទ្ធសាស្រ្តក្នុងការបង្កើតម៉ាកសញ្ញា និងការជ្រៀតចូលទីផ្សារគ្រឿងអលង្កាដែលជាគោលដៅថ្មីៗ ដូចជា metro men, spiritual power និងផលិតផលដែលប្រើប្រាស់សម្រាប់ការរស់នៅផ្សេងទៀត ដល់អ្នកចូលរួមទាំងឡាយ។

នៅក្នុងព្រឹត្តិការណ៍នោះ DITP បានអញ្ជើញក្រុមហ៊ុនដែលមានចំណាប់អារម្មណ៍ ឲ្យធ្វើការកត់ទុកនូវបញ្ជរ​នៅក្នុងកម្មវិធីតាំងពិពណ៌ត្បូង និងគ្រឿងអលង្កានៅបាងកក (BGJF) លើកទី 60 ដែលនឹងធ្វើឡើង ចាប់ពីថ្ងៃទី 6 ដល់ថ្ងៃទី 10 ខែកញ្ញានៅសាល Challenger, IMPACT Muang Thong Thani ទីក្រុងបាងកក។

សម្រាប់ព័ត៌មានបន្ថែមអំពី BGJF សូមទាក់ទង DITP តាមរយៈ អាសយដ្ឋាន​អ៊ីមែល​នេះ​ត្រូវ​បាន​ការពារ​ពី​បណ្ដា​យន្ត​ផ្ញើ​សារ​រំខាន ។ អ្នក​ត្រូវ​ការ​បើក​ប្រើ JavaScript ដើម្បី​មើល​វា ។ ឬចូលទៅកាន់ www.bkkgems.com។

Issue 66

ការិយាល័យ DITP នៅ Vancouver បានរៀបចំសប្តាហ៍ភ្លក់អង្ករ Riceberry របស់ប្រទេសថៃ នៅប្រទេស​កាណាដា ចាប់ពីថ្ងៃទី 15 ដល់ថ្ងៃទី 21 ខែឧសភា to promote riceberry rice in the country.

«

អ្នកជំនាញផ្នែកចំណីអាហារ និងប្រព័ន្ធផ្សព្វផ្សាយជាង ៣០ នាក់ បានចូលរួមក្នុងព្រឹត្តិការណ៍នេះ និងបានភ្លក់ចំណីអាហារ និងបង្អែមដែលធ្វើពីអង្ករ riceberry។ ព្រឹត្តិការណ៍នេះក៏បានទទួលការឆ្លើយតប​វិជ្ជមានពីអតិថិជននៅក្នុងប្រទេសកាណាដាផងដែរ។

អគ្គនាយក DITP អ្នកស្រី Malee Choklumlerd បានមានប្រសាសន៍ថា "កាណាដា គឺជាទីផ្សារដែលមាន​សក្តានុពលមួយសម្រាប់ផលិតផលចំណីអាហាររបស់ប្រទេសថៃ ពីព្រោះអតិថិជនមានថាមពលក្នុងការទិញខ្ពស់ និងមានប្រជាជនអាស៊ីជាច្រើនដែលរស់នៅក្នុងប្រទេសនេះ។ ប្រជាជនកាណាដាបានត្រៀមខ្លួនជាស្រេចសម្រាប់ការសាកល្បង និងចាប់យកនូវអ្វីៗដែលថ្មី។"

"បច្ចុប្បន្ន ប្រទេសកាណាដានាំចូលអង្ករពីប្រទេសជាច្រើន ហើយអតិថិជនមានការលំបាកគួរសមក្នុងការយល់ដឹងអំពីភាពខុសគ្នារវាងប្រភេទអង្ករនីមួយៗ។ ក្រុមហ៊ុនផលិតអង្ករ និងក្រុមហ៊ុននាំចេញអង្ករថៃគួរតែផ្តល់ចំណេះដឹងដល់អតិថិជនអំពីលក្ខណៈដែលអង្ករថៃមានភាពខុសប្លែកពីអង្ករដទៃទៀត និងផ្សព្វផ្សាយអំពីផលិតផលដែលបានបន្ថែមគុណតម្លៃនានានៅក្នុងទីផ្សារ ដូចជាអង្ករ riceberry ជាដើម"។

Riceberry គឺជាពូជអង្ករថ្មីមួយពីប្រទេសថៃ ដែលសម្បូរទៅដោយសារធាតុប្រឆាំងអុកស៊ីតកម្មជាច្រើនប្រភេទ ដែលជួយឲ្យអតិថិជនមានសុខភាពល្អ។

Issue 66

គណៈប្រតិភូថៃដែលដឹកនាំដោយឧបនាយករដ្ឋមន្រ្តី Somkid Jatusripitak ដោយបានអមដំណើរដោយ​រដ្ឋមន្រ្តីក្រសួងពាណិជ្ជកម្ម អ្នកស្រី Apiradi Tantraporn បានធ្វើដំណើរទស្សនកិច្ចជាផ្លូវការទៅកាន់ប្រទេសឡាវចាប់ពីថ្ងៃទី 23 រហូតដល់ថ្ងៃទី 25 ខែឧសភា។

ប្រទេសទាំងពីរបានពិភាក្សាអំពីភាពជាដៃគូផ្នែកយុទ្ធសាស្រ្ត និងការពង្រឹងកិច្ចសហប្រតិបត្តិការផ្នែកពាណិជ្ជកម្ម និងការវិនិយោគដើម្បីបង្កើនគុណតម្លៃនៃការធ្វើពាណិជ្ជកម្មរហូតដល់ជាង cooperation in order to boost trade value to over 10 ពាន់លានដុល្លារអាមេរិក នៅមុនឆ្នាំ 2021។

សហគ្រិនថៃប្រហែល 30 នាក់ដែលមកពីវិស័យខុសៗគ្នា ដែលរួមបញ្ចូលទាំងវិស័យផលិតផលឧបភោគបរិភោគ វិស័យជំនួញ ហេដ្ឋារចនាសម្ព័ន្ធ សំណង់ សេវាវេជ្ជសាស្រ្ត និងថាមពល បានរៀបចំកិច្ចប្រជុំមួយជាមួយតំណាងដែលមកពីវិស័យសាធារណៈ និងវិស័យឯកជននៃប្រទេសឡាវ ដើម្បីស្វែងរកកាលានុវត្តភាពក្នុងការធ្វើអាជីវកម្មប្រកបដោយសក្តានុពល។

អ្នកស្រី Tantraporn បានមានប្រសាសន៍ថា "យើងមានផែនការធ្វើការលើគម្រោងជាច្រើន ដូចជាការបើកផ្សារ Pracharat នៅព្រំដែន ដើម្បីបង្កើនការធ្វើជំនួញតាមព្រំដែន លើកកម្ពស់កិច្ចសហប្រតិបត្តិការ​លើវិស័យកសិកម្មសរីរាង និងបណ្តុះបណ្តាលបុគ្គលិកផ្នែកភ័ស្តុភារដែលជាជនជាតិឡាវនៅក្នុងប្រទេសថៃ"។

Issue 66

HRH ព្រះនាង Ubolratana Rajakanya Sirivadhana Barnavadi បានធ្វើជាអធិបតីភាពនៅក្នុងពិធីបើក​កម្មវិធី Thai Night 2017 នៅក្នុងពិធីបុណ្យខ្សែភាពយន្តនៅទីក្រុង Cannes នៅថ្ងៃទី 18 ខែឧសភា។

ដោយត្រូវបានរៀបចំដោយ DITP ក្រោមប្រធានបទ កន្លែងដែលខ្សែភាពយន្តមានភាពរស់រវើក (Where Films Come Alive) ព្រឹត្តិការណ៍នេះមានបំណងផ្សព្វផ្សាយអំពីឧស្សាហកម្មភាពយន្តរបស់ប្រទេសថៃ។ ការភ្ជាប់ទំនាក់ទំនងអាជីវកម្មត្រូវបានធ្វើឡើងចាប់ពីថ្ងៃទី 18 រហូតដល់ថ្ងៃទី 22 ខែឧសភា ដោយផ្តល់ឱកាសឲ្យសហគមខ្សែភាពយន្តអន្តរជាតិបានជួបជាមួយក្រុមហ៊ុនខ្សែភាពយន្តល្បីល្បាញនៃប្រទេសថៃ។