ការបង្កើនការយល់ដឹងអំពីម៉ាកសញ្ញាដែលគួរជាទីទុកចិត្តរបស់ប្រទេសថៃ

Issue 66

DITP បានរៀបចំកម្មវិធីពិធីបុណ្យ T Mark ឆ្នាំ 2017 នៅផ្សារទំនើប EmQuartier នៅទីក្រុងបាងកក ចាប់ពីថ្ងៃទី 23 រហូតដល់ថ្ងៃទី 28 ខែឧសភា ដើម្បីបង្កើតការយល់ដឹងអំពីម៉ាកសញ្ញាគួរជាទីទុកចិត្ត (T Mark) របស់ប្រទេសថៃ ក្នុងចំណោមអតិថិជនថៃ និងអតិថិជនក្រៅប្រទេស និងពង្រឹងភាពប្រកួតប្រជែងនៃការនាំចេញផលិតផលថៃ។

អ្នកស្រី Malee Choklumlerd ដែលជាអគ្គនាយករបស់ DITP បានមានប្រសាសន៍ថា "T Mark គឺជាស្លាកសញ្ញានៃគុណភាពដ៏ល្អប្រសើរ គួរជាទីទុកចិត្ត បង្កើតឡើងដោយបេះដូង ដែលត្រូវបានបង្កើតឡើងដើម្បីបន្ថែមគុណតម្លៃដែលគួរឲ្យកត់សម្គាល់ទៅលើផលិតផល និងសេវានានាដែលនាំចេញពីប្រទេសថៃ។

នៅក្នុងពិធីនេះ ក្រុមហ៊ុនថៃជាច្រើនដែលទទួលបានស្លាកសញ្ញា T Mark បានធ្វើការបង្ហាញ និងចែកចាយផលិតផល និងសេវានានាទៅកាន់ដែលភ្ញៀវ។ សកម្មភាពផ្សេងទៀត ដែលរួមបញ្ចូលទាំងសិក្ខាសាលា ការបង្ហាញផលិតផល និងសេវា និងការជជែកវែកញែកដ៏ពិសេសពីសហគ្រិនថៃដែលទទួលបានជោគជ័យ ដែលផលិតផលរបស់ពួកគេទទួលបានស្លាកសញ្ញា T Mark ផងដែរ។

ផលិតផល T Mark ជាង 500 ប្រភេទ អាចស្វែងរកបាននៅផ្សារ Gourmet Market នៅក្នុងផ្សារទំនើប EmQuartier និង Emporium នៅទីក្រុងបាងកក ចាប់ពីថ្ងៃទី 23 ខែឧសភា រហូតដល់ថ្ងៃទី 30 ខែមិថុនា។