Issue 64

សហគ្រិនថៃត្រូវបានលើកទឹកចិត្តឲ្យងាកទៅប្រទេសគុយបាសម្រាប់ឱកាសពាណិជ្ជកម្ម និងការវិនិយោគ អគ្គនាយក DITP Malee Choklumlerd បាននិយាយ នៅថ្ងៃទី 2 ខែមីនា ។

យោងតាមមជ្ឈមណ្ឌលពាណិជ្ជកម្មថៃក្នុងម៉ៃអាមី ប្រទេសគុយបាកំពុងស្វែងរកនាំចូលផលិតផលកសិកម្ម និង​ឧស្សាហកម្មច្រើនប្រភេទ ដើម្បីបំពេញតម្រូវការនៃការពង្រីកសេដ្ឋកិច្ចរបស់ខ្លួន ។ វាក៏តម្រូវឲ្យមានដើមទុន និងបច្ចេកវិទ្យា ដែលមានតម្លៃប្រហែល 3.5 ពាន់លានដុល្លាអាមេរិក ពីអ្នកវិនិយោគទុនបរទេស ដើម្បីគាំទ្រ​ការ​អភិវឌ្ឍប្រទេស ។

"មានឱកាសវិនិយោគជាច្រើនសម្រាប់សហគ្រិនថៃ ដូចជាផលិតផល និងសេវាកម្មទាក់ទងនឹងវិស័យ​ទេស​ចរណ៍ មន្ទីរពេទ្យ និងមជ្ឈមណ្ឌលស្តារនីតិសម្បទា" មជ្ឈមណ្ឌលពាណិជ្ជកម្មថៃ នាយកនៃម៉ៃអាមី Nithima Siriphokakij បាននិយាយ ។ "ផលិតផលដូចជាគ្រឿងសំណង់ និងកសិកម្ម សម្ភារៈសំណង់ និងគ្រឿងបន្លាស់​រថយន្តកំពុងត្រូវបានស្វែងរកក្នុងប្រទេសគុយបា ។"

Siriphokakij បានផ្តល់យោបល់ឲ្យសហគ្រិនថៃចូលរួមពិពណ៌ពាណិជ្ជកម្មធំៗក្នុងប្រទេសគុយបា ដូចជា Feria Internacional De La Habana (FIHAV) ដើម្បីផ្សព្វផ្សាយផលិតផលថៃ និងស្វែងរកដៃគូជំនួញ​។ ឆ្នាំនេះ FIHAV នឹងត្រូវបានប្រារព្វឡើងពីថ្ងៃទី 30 ខែតុលា ដល់ ថ្ងៃទី 2 ខែវិច្ឆិកា ក្នុង Havana ។

Issue 64

DITP និងទីភ្នាក់ងាររដ្ឋាភិបាលផ្សេងទៀត ព្រមទាំងក្រុមហ៊ុនឯកជនជាច្រើនទៀតបានរួមគ្នារៀបចំពិធីមាតិកា​ ឌីជីថលអន្តរជាតិទីក្រុងបាងកកឆ្នាំ 2017 (BIDC 2017) ដើម្បីបង្ហាញកិច្ចការនៃក្រុមហ៊ុនឌីជីថលនាំមុខ​របស់ថៃ​ ពីថ្ងៃទី 20 – 24 ខែមីនា នៅ Centara Grand នៅសណ្ឋាគារ Central World ទីក្រុងបាងកក ។

ព្រឹត្តិការណ៍រំលេចឡើង រួមមានសន្និសីទ, សិក្ខាសាលា, រង្វាន់ BIDC និងសកម្មភាពផ្គូផ្គងជំនួញ​សម្រាប់ជំនួញ ថៃ និងក្រុមហ៊ុនពីសហរដ្ឋអាមេរិក កាណាដា ចក្រភពអង់គ្លេស បារាំង ណូវែលហ្សេឡង់ ជប៉ុន កូរ៉េខាងត្បូង ចិន សិង្ហបុរី និងម៉ាឡេស៊ី ។

ព្រឹត្តិការណ៍ត្រូវបានរំពឹងទុកថាបង្កើតការព្រមព្រៀងជំនួញជាង 24 លានដុល្លារអាមេរិក (850 លានបាត) ។

Issue 64

ទិន្នន័យពីមជ្ឈមណ្ឌលជំនួយជំនួញ AEC របស់ DITP បង្ហាញថា សហគ្រិនថៃមានចំណាប់អារម្មណ៍ជាពិសេសក្នុងការពង្រីកជំនួញរបស់ពួកគេចូលប្រទេសអាស៊ាន អគ្គនាយក DITP Malee Choklumlerd បាននិយាយ នៅថ្ងៃទី 23 ខែមីនា ។

ក្នុងឆ្នាំ 2016 សហគ្រិនថៃចំនួន 6,611 នាក់ បានទាក់ទងមជ្ឈមណ្ឌលជំនួយជំនួញ AEC ផ្សេងៗ សម្រាប់ព័ត៌មានទាក់ទងនឹងឱកាសជំនួញ និងការវិនិយោគទុនក្នុងបណ្តាប្រទេសអាស៊ាន ។

បានបង្កើនឡើងក្នុងខែឧសភា ឆ្នាំ 2013 មជ្ឈមណ្ឌលជំនួយជំនួញ AEC មានសាខាចំនួនប្រាំបួនក្នុងប្រទេស​ថៃ និងមួយៗក្នុងបណ្តាប្រទេសអាស៊ាននីមួយៗ (លើកលែងប្រ៊ុយណេ) ។ បុគ្គលិកបានជួយសហគ្រិនថៃជិត30,000 នាក់ ដែលចំនួននេះត្រូវបានរំពឹងទុកនឹងកើនឡើងដល់ 35,000 នាក់ ត្រឹមចុងឆ្នាំ 2017 ។

មជ្ឈមណ្ឌលផ្តល់ព័ត៌មានស៊ីជម្រៅ ស្តីពី ពាណិជ្ជកម្ម និងការវិនិយោគ ផ្តល់សេវាកម្មប្រឹក្សា សម្របសម្រួលនិងរៀបចំសកម្មភាពផ្គូរផ្គងជំនួញ និងផ្តល់ជំនួយ និងការសម្របសម្រួលសម្រាប់អ្នកជំនួញថៃក្នុងប្រទេសអាស៊ាន ។

Issue 64

មជ្ឈមណ្ឌលពាណិជ្ជកម្មថៃក្នុងទីក្រុងសេអ៊ូលបានចុះហត្ថលេខាលើអនុស្សារណៈយោគយល់គ្នា (MoU) ជាមួយ Homeplus ផ្សារដ៏ធំលំដាប់ទីពីរក្នុងប្រទេសកូរ៉េខាងត្បូង ដើម្បីរៀបចំព្រឹត្តិការណ៍ផ្សព្វផ្សាយផលិតផលកសិកម្ម និងអាហារថៃក្នុងសាខា Homeplus ទាំង 142 ពីថ្ងៃទី 1 ដល់ 31 ខែមីនា ។

ផលិតផលរួមមានបង្គារត្រាំទឹកកក និងកក កូនមឹកពីងពាង និងស្វាយ Namdokmai ។

"ពួកយើងទទួលបានការឆ្លើយតបយ៉ាងច្រើនពីអតិថិជនកូរ៉េ" អគ្គនាយក DITP Malee Choklumlerd បាន​និយាយ ។ "ព្រឹត្តិការណ៍ត្រូវបានរំពឹងថាបង្កើតការលក់មានតម្លៃប្រហែល 540,000 ដុល្លារអាមេរិក (19 លានបាត) សម្រាប់បង្គារត្រាំទឹកកក និងកក, 210,000 ដុល្លារអាមេរិក (7.6 លានបាត) សម្រាប់កូនមឹកពីងពាង និង 171,000 ដុល្លារអាមេរិក (6 លានបាត) សម្រាប់ស្វាយ Namdokmai ។"

Issue 64

DITP បានប្រារព្វសន្និសីទ ស្តីពី ផ្សារភ្ជាប់កម្ពុជា ៖ ឱកាសជំនួញថ្មី 4.0 នៅសណ្ឋាគារ Chada ទីក្រុងបាងកក នៅថ្ងៃទី 20 ខែមីនា ។

គោលបំណងសន្និសីទ គឺដើម្បីពង្រឹងភាពប្រកួតប្រជែងនៃសហគ្រិនថៃ និងលើកទឹកចិត្តពួកគេពង្រីកចូលទី​ផ្សារដែលមានសក្តានុពលផ្តល់កម្រៃច្រើន CLMV (កម្ពុជា ឡាវ មីយ៉ាន់ម៉ា និងវៀតណាម) ។

"កម្ពុជាត្រូវការផលិតផលប្រើប្រាស់ប្រចាំថ្ងៃគ្រប់ប្រភេទ និងកំពុងអភិវឌ្ឍហេដ្ឋារចនាសម្ព័ន្ធមូលដ្ឋាន​របស់​ខ្លួន ដូច្ចេះវាជាឱកាសដ៏ប្រសើរសម្រាប់សហគ្រិនថៃ ដើម្បីពង្រីកជំនួញរបស់ពួកគេ និងវិនិយោគក្នុង​ទីក្រុង ដូចជាភ្នំពេញ សៀមរាប និងក្រុងព្រះសីហនុ" ជំនួយការអគ្គនាយក DITP Matyawongse Amatyakul បាននិយាយ។

Issue 64

DITP បាននាំគណប្រតិភូពីវិស័យឧស្សាហកម្មហ្គេម និងគំនូរជីវចលរបស់ប្រទេសថៃចូលរួមក្នុងព្រឹត្តិការណ៍ភាពជាដៃគូវិស័យឧស្សាហកម្មហ្គេមប្រទេសថៃ-កាណាដាលើកទីមួយ ដែលបានប្រារព្វឡើងក្នុងទីក្រុងវេនគូវឺ ប្រទេសកាណាដា នៅថ្ងៃទី 10 ខែមីនា ។

អ្នកជំនួញកាណាដាសាមសិបនាក់ពី British Columbia បានជួបជាមួយគណប្រតិភូថៃពីក្រុមហ៊ុនចំនួនបួន រួម​មាន Magic Box Asia, Infinity Levels Studio, Sanook Games និង Yggdrazil គ្រុប ។

"វិស័យឧស្សាហកម្មហ្គេមរបស់ប្រទេសថៃកំពុងលូតលាស់យ៉ាងរហ័ស និងកំពុងទាក់ទាញចំណាប់អារម្មណ៍​ពីអ្នកវិនិយោគបរទេស ។ ពួកយើងបានទទួលមតិយោបល់វិជ្ជមាននៅក្នុងព្រឹត្តិការណ៍ និងសង្ឃឹមថាវានឹងដឹក​នាំ​កំណើនជំនួញរវាងប្រទេសទាំងពីរពេលក្រោយ" អគ្គនាយក DITP Malee Choklumlerd បាននិយាយ ។

វិស័យឧស្សាហកម្មហ្គេមរបស់ប្រទេសថៃមានតម្លៃ 254 លានដុល្លារអាមេរិក (8.89 ពាន់លានបាត) ​ក្នុង​ឆ្នាំ 2015 និងត្រូវបានប៉ាន់ស្មានលូតលាស់ដល់ 13.5% ក្នុងឆ្នាំ 2016 និង 22.3% ក្នុងឆ្នាំ 2017 ។ តម្លៃ​នាំ​ចេញហ្គេម ​មានប្រមាណ 29 លានដុល្លារអាមេរិក (1.04 ពាន់លានបាត) ក្នុងឆ្នាំ 2015 ។