Issue 61

ထိုင်းနိုင်ငံအား အာဆီယံဒေသကြီးအတွက် ကျောက်မျက်နှင့်လက်ဝတ်ရတနာလုပ်ငန်း၏ အချက် အချာဖြစ်လာစေရန် ပံ့ပိုးကူညီပေးမည့် နောက်ထပ်ဘန်ကောက်ကျောက်မျက်နှင့် လက်ဝတ်ရတနာပြပွဲ ကြီး အတွက် DITP မှအသင့်ပြင်ဆင်နေပြီဖြစ်ပါသည်။

ကျောက်မျက်နှင့်လက်ဝတ်ရတနာလုပ်ငန်းကဏ္ဍကြီးသည် နှစ်စဉ် ပိုမိုခိုင်မာစွာတိုးတက်ဖွံ့ ဖြိုးလျက် ရှိပြီး ပို့ ကုန်လုပ်ငန်းကဏ္ဍကြီးတစ်ခုလုံး၏ တတိယနေရာတွင်ရှိနေပါသည်။ ၂၀၁၆ ခုနှစ်၊ ဇန်န၀ါရီလမှ အောက်တိုဘာလအတွင်း ကျောက်မျက်နှင့်လက်ဝတ်ရတနာများကို တင်ပို့ ရောင်းချခြင်းမှ ထိုင်းဘတ် ၄၃၅ ဘီလီယံ (ယူအက်စ်ဒေါ်လာ ၁၂ ဒသမ ၃ ဘီလီယံ) အားရရှိခဲ့ပြီး၊ ယမန်နှစ်ဖြစ်သည့် ၂၀၁၅ ခုနှစ်၊ ဇန်န၀ါရီလမှ အောက်တိုဘာလအတွင်း တင်ပို့ ရောင်းချရသည့်တန်ဖိုးနှင့် နှိုင်းယှဉ်ရပါလျှင် ၃၆ ဒသမ ၂ ရာခိုင်နှုန်းတိုးတက်လာပါသည်။

အစိုးရ၏ ရည်မှန်းချက်ပန်းတိုင်နှစ်ခုဖြစ်သည့် ထိုင်းနိုင်ငံအား ကမ္ဘာကြီး၏ ကျောက်မျက်နှင့်လက်ဝတ် ရတနာ ပစ္စည်းများထုတ်လုပ်ခြင်းနှင့် ကူးသန်းရောင်းဝယ်ဆိုင်ရာ ဗဟိုအချက်အချာဖြစ်လာစေရန် နှင့် ၂၀၁၈ ခုနှစ်တွင် ပြပွဲကြီးအား ကမ္ဘာ့အကြီးမားဆုံးကျောက်မျက်နှင့်လက်ဝတ်ရတနာပြပွဲကြီးသုံးပွဲ အနက် တစ်ခုဖြစ်လာစေရန် အတွက် လူသိများထင်ရှားသည့် ထိုင်းလက်ဝတ်ရတနာ အမှတ်တံဆိပ် များကိုသာမက၊ လူသိနည်းသည့် ထိုင်းလက်ဝတ်ရတနာအမှတ်တံဆိပ်များကိုပါ ကြော်ငြာရန်အတွက် DITP မှအလေးထားဆောင်ရွက်နေပါသည်။

ဖေဖော်ဝါရီလတွင် ကျင်းပမည့် ၅၉ ကြိမ်မြောက် ဘန်ကောက်နှင့်ကျောက်မျက်ရတနာ ပြပွဲ (BGJF) သည် အလတ်စားနှင့်အသေးစား ကျောက်မျက်နှင့်လက်ဝတ်ရတနာ လုပ်ငန်းများအား ထိုင်းနိုင်ငံနှင့် နိုင်ငံခြားတိုင်းပြည်များရှိ အရောင်းအ၀ယ်ပြုလုပ်သူများနှင့် ချိတ်ဆက်နိုင်စေမည့်အပြင်၊ ၄င်းတို့ ၏ ရောင်းအားကိုလည်းချဲ့ ထွင်နိုင်မည့် အခွင့်အရေးသစ်များကိုလည်းဖော်ဆောင်ပေးနိုင်မည် ဖြစ်ပါသည်။

DITP ၏ ညွှန်ကြားရေးမှူးချုပ် Malee Choklumlerd မှ "ဘန်ကောက်ကျောက်မျက်နဲ့ လက်ဝတ် ရတနာပြပွဲကြီးက ကမ္ဘာအနှံ့ က ၀ယ်ယူသူတွေအတွက် နာမည်ကြီး ထိပ်တန်းထုတ်လုပ်သူတွေ ဆီကနေ အရည်အသွေးကောင်းမွန်တဲ့ ကုန်ကြမ်း ပစ္စည်းတွေ၊ ကျောက်မျက်တွေနဲ့ လက်ဝတ်ရတနာ တွေကို ၀ယ်ယူရရှိနိုင်မယ့်၊ စီးပွားမိတ်ဖက်သစ်တွေနဲ့ လည်း ကွန်ယက်တွေကို ဖန်တီးဖော်ဆောင် နိုင်မယ့် အခွင့်အရေးကောင်းကြီးဖြစ်ပါတယ်။ ထိုင်းနိုင်ငံကို အာဆီယံနဲ့ အာရှရဲ့ ကျောက်မျက်နဲ့  လက်ဝတ်ရတနာလုပ်ငန်းကြီးအတွက် ရှေ့ ဆောင်ဖြစ်ဖို့ အတွက်၊ ကမ္ဘာ့ဈေးကွက်တွေမှာလည်း ထိုင်း လက်ဝတ်ရတနာအမှတ်တံဆိပ်ကို ပိုမိုအသိအမှတ်ပြုခြင်းခံရဖို့ အတွက် ကျွန်မတို့ ရည်မှန်းဆောင်ရွက် နေပါတယ်" ဟုပြောကြားပါသည်။

လုပ်ငန်း ကြီးမားကျယ်ပြန့် လာစေရန်အတွက် ထိုင်းအစိုးရမှလည်း အရောင်မတင်ရသေးသည့် စိန် နှင့် ကျောက်မျက်များအတွက် ရာသက်ပန် စည်းကြပ်ခွန် (VAT) အားကင်းလွတ်ခွင့်ပေးခြင်း၊ လက်ဝတ် ရတနာ ပစ္စည်းများထုတ်လုပ်ရာတွင် အသုံးပြုသည့် စက်များ၊ ကိရိယာပစ္စည်းများအတွက် တင်သွင်းခွန် များလျှော့ချပေးခြင်း စသည်ဖြင့် အခွန်နှင့်သက်ဆိုင်သည့် အကျိုးကျေးဇူးများကိုလည်းဖန်တီးပေးလျက် ရှိပါသည်။

ပြပွဲကြီးတွင် လူကြိုက်များထင်ရှားလာမည့် ထိုင်းလက်ဝတ်ရတနာအမှတ်တံဆိပ်များအပြင် အသက် အရွယ်ကြီးသူများအတွက် 50+Exhibition လက်ဝတ်ရတနာပြခန်း၊ အမျိုးသား များအတွက် Gemstlemen လက်ဝတ်ရတနာပြခန်း၊ တိရိစ္ဆာန်ချစ်သူများအတွက် Pet Parade လက်ဝတ်ရတနာ ပြခန်း၊ အထူးပွဲလမ်းသဘင်များအတွက် the Moments လက်ဝတ်ရတနာပြခန်း၊ အနုပညာနှင့် လက်မှု ပညာများကိုဖော်ညွှန်းမည့် Culture Club လက်ဝတ်ရတနာပြခန်း နှင့် ဘာသာ တရားသက်ဝင်ယုံ ကြည်မှု နှင့် ဆက်နွယ်သည့် Spiritual Power လက်ဝတ်ရတနာပြခန်း စသည်ဖြင့် အလားအလာ ကောင်းမွန်သော ဈေးကွက်များအတွက် ပြခန်းများပါဝင်မည်ဖြစ်ပါသည်။

ပြပွဲကြီး၏ လုံခြုံရေးအတွက် တော်ဝင်ထိုင်းရဲ (Royal Thai Police) နှင့် တော်ဝင်ထိုင်းစစ်တပ် (Royal Thai Army) တို့ မှတာဝန်ယူမည်ဖြစ်ကာ၊ ပွဲကျင်းပရာနေရာတွင်လည်း CCTV ကင်မရာများအပြင် အခြားလုံခြုံရေးစနစ်များကိုလည်း တပ်ဆင်အသုံးပြုသွားမည်ဖြစ်ကြောင်း DITP မှအခိုင်အမာပြောဆိုပါ သည်။

၂၀၁၆ ခုနှစ် စက်တင်ဘာလတွင် ပြုလုပ်ကျင်းပခဲ့သည့် ၅၈ ကြိမ်မြောက် ဘန်ကောက်ကျောက်မျက်နှင့် လက်ဝတ်ရတနာပြပွဲကြီးသို့ နိုင်ငံရပ်ခြားမှ ပရိသတ်အများအပြားလာရောက်လည်ပတ်ကြည့်ရှုခဲ့ကြ သည်။ အထူးသဖြင့် အိန္ဒိယ၊ တရုတ်၊ မြန်မာ၊ ယူအက်စ် နှင့် အီရန် နိုင်ငံများဖြစ်ကြပါသည်။ ပြပွဲကြီး တွင် ပစ္စည်းများကိုရောင်းချရခြင်းမှ ၀င်ငွေပေါင်း ယူအက်စ် ၄၇၆ ဒသမ ၈၅ သန်း (ထိုင်းဘတ် ၁၆ ဒသမ ၆၉ ဘီလီယံ) အားရရှိခဲ့ကြပါသည်။ လူကြိုက်များသည့် ကျောက်မျက်လက်ဝတ်ရတနာများမှာ စိန်၊ ငွေထည်လက်ဝတ်လက်စားများ၊ ရွှေထည်လက်ဝတ်ရတနာများ၊ တန်ဖိုးရှိကျောက်မျက်များနှင့် တန်ဖိုးသိပ်မကြီးသည့် ကျောက်မျက်များဖြစ်ကြသည်။

၅၉ ကြိမ်မြောက် ဘန်ကောက် ကျောက်မျက်နှင့် လက်ဝတ်ရတနာပြပွဲကြီးအား ဘန်ကောက်၊ IMPACT မွမ်ထုံထနီ၊ Challenger ခန်းမတွင် ၂၀၁၇ ခုနှစ်၊ ဖေဖော်ဝါရီလ ၂၂ ရက်မှ ၂၆ ရက်နေ့ အထိပြုလုပ် ကျင်းပသွားမည်ဖြစ်ပြီး ဧရိယာ စတုရန်းမီတာ ၅၈,၀၀၀ ကျယ်ဝန်းသည့်နေရာတွင် ထိုင်းနှင့် နိုင်ငံရပ် ခြားမှ ပြပွဲပြသသူများ၏ ဆိုင်ခန်းပေါင်း ၂,၅၀၀ ပါဝင်မည်ဖြစ်ပါသည်။

ပိုမိုသိရှိလိုပါက www.bkkgems.com အားဝင်ရောက်လေ့လာဖတ်ရှုနိုင်ပါသည်။
Pimsirinuch Borsub ရေးသားတင်ဆက်သည်။