Issue 59

ယခုနှစ်တွင် ကျင်းပသည့် Creative Thailand and BIG+BIH 2016 ပြပွဲကြီးတွင် ဒီဇိုင်နာများနှင့် စီးပွားရေး လုပ်ငန်းရှင်များမှ ပူးပေါင်းအားဖြည့်၍၄င်းတို့ ၏ ဖန်တီးတီထွင်မှုလက်ရာများကို ပြသခဲ့ကြပါသည်။

နောက်ဆုံးပေါ် gift နှင့် အိမ်သုံးပစ္စည်း ဖန်တီးမှု ဒီဇိုင်းလက်ရာများ ကို လေ့လာကြည့်ရှုနိုင်ရန်အတွက် ၄၂ ကြိမ်မြောက် Bangkok International Gift Fair 2016 နှင့် Bangkok International Houseware Fair 2016 (BIG+BIH) ပြပွဲကြီးသို့  ဧည့်ပရိသတ်ပေါင်း ထောင်ပေါင်းများစွာလာရောက်ခဲ့ကြပါသည်။ ၄င်း Creative Thailand ပြပွဲကြီးအား Bangna ရှိ BITEC ၌ အောက်တိုဘာလ ၁၉ ရက်နေ့ မှ ၂၃ ရက်နေ့ ထိ ပြုလုပ်ကျင်းပခဲ့ပါသည်။ ဆန်းသစ်ပြောင်းလဲဖန်တီးမှုများကို အားပေးသည့် Thailand 4.0 မော်ဒယ်အရ စီးပွားရေးလုပ်ငန်းအား မည်ကဲ့သို့ ဖွံ့ ဖြိုးတိုးတက်ရန်ဆောင်ရွက်ရမည်ဆိုသည့် နှီးနှောဖလှယ်စည်းဝေးပွဲသို့  တက်ရောက်သူများပြားကြောင်းသိရှိရပါသည်။

ဖွင့်ပွဲအခမ်းအနားတွင် စီးပွားရေး (ကုန်သွယ်ရေး) ဒုဝန်ကြီး Suvit Maesincee မှ "ကုမ္ပဏီတွေကို ရဲရင့်စွာ တွေးခေါ် ဆောင်ရွက် ဖန်တီးပြီး တိုင်းပြည်ကိုတည်ဆောက်ကြပါလို့ အားပေးဖို့ အတွက် Think Big ဆိုတဲ့ ခေါင်းစဉ်နဲ့ ဒီ Creative Thailand ဆိုတဲ့ပွဲကြီးကို ကျင်းပရတာပါ" ဟုဆိုသည်။

ကုန်စည်ပြပွဲကြီးသို့် ယူအက်စ်၊ ဂျပန်၊ တရုတ်၊ ဟောင်ကောင်၊ ထိုင်ဝမ်၊ အင်ဒိုနီးရှား၊ ဂျာမနီ နှင့် ယူကေ အစရှိသည့် နိုင်ငံများမှ ၀ယ်ယူသူများတက်ရောက်ခဲ့ကြသည်ဟု DITP မှထုတ်ဖော်ပြောဆိုပါသည်။

DITP ၏ညွှန်ကြားရေးမှူးချုပ် Malee Choklumlerd မှ "ကမ္ဘာစီးပွားရေးက ၂၀၁၇ ခုနှစ်မှာ တိုးတက် ကောင်းမွန် လာမယ်ဆိုတဲ့မျှော်လင့်ချက်ကြောင့် BIG+BIH 2016 ပြပွဲကြီးက နိုင်ငံပေါင်းစုံက ၀ယ်ယူသူတွေ ကို ပိုပြီးဆွဲဆောင်နိုင်ခဲ့ပါတယ်။ ပြပွဲကြီးရဲ့  purchase-sales (၀ယ်ယူ-ရောင်းချ) တန်ဖိုးက အရင်နှစ်ကထက် ၁ ဒသမ ၃ ဘီလီယံ ပိုများပြီး ထိုင်းဘတ် ၁ ဒသမ ၅ ဘီလီယံကျော်မယ်လို့ ခန့် မှန်းထားပါတယ်" ဟုဆိုပါသည်။

ပြပွဲကြီးတွင် သဘာဝကုန်ကြမ်း ပစ္စည်းများမှ ထုတ်လုပ်ရရှိသည့် ထိပ်တန်း OTOP (One Tambon One Product - ကျေးရွာတစ်ခု ထုတ်ကုန်တစ်ခု) ပစ္စည်းအမျိုးမျိုးပါဝင်ပြသသည့် Top of OTOP ပြပွဲမှသည် တိရိစ္ဆာန်လေး များအားချစ်ခင်နှစ်သက်ကြသူများ၏ လိုအပ်ချက်နှင့်ကိုက်ညီမည့် ဆန်းသစ်ဖန်တီးထားသည့် ပစ္စည်းများကို ပြသထားသည့် Pet Parade၊ ထိုင်းစတိုင် healthcare နှင့် အသက်အရွယ်ကြီးရင့်သူများ အတွက် ကျန်းမာရေး ဆိုင်ရာဝန်ဆောင်မှုများအား ပြသထားသည့် Thai Wellness နှင့် ကမ္ဘောဒီးယား၊ လာအို၊ မြန်မာ၊ ဗီယက်နမ် နှင့် ထိုင်းနိုင်ငံများမှ လက်မှုလက်ရာများကိုပြသထားသည့် CLMVT ပြပွဲများအား ပြသခဲ့ပါသည်။

Creative Thailand 2016 ခုနှစ်ပြပွဲတွင် အစိုးရမှအားပေးထောက်ပံ့ထားသည့် ထုတ်ကုန် ပစ္စည်းများအပြင်၊ DITP သည် Thailand 4.0 မူအရ Creative Thailand Symposium အားကြီးမှူးကျင်းပခြင်းဖြင့် စီးပွားရေး ဖွံ့  ဖြိုးတိုးတက်စေမည့် လမ်းကြောင်းသစ်အားရှာဖွေနိုင်မည့် ဆောင်ရွက်မှုများကိုလည်း လုပ်ဆောင်ခဲ့ပါသည်။ ငါးရက်တာ အလေးအနက်စဉ်းစားသုံးသပ်အဖြေရှာကြသည့် နှီးနှောဖလှယ်ဆွေးနွေးပွဲတွင် ကမ္ဘာတစ်လွှားရှိ creative လုပ်ငန်းကဏ္ဍမှ အထင်ကရ ပုဂ္ဂိုလ်များပါဝင်ခဲ့ကြပြီး၊ နယ်ပယ်အသီးသီးရှိ ဟောပြောသူများမှ တီထွင်ဖန်တီးခြင်းသည် စီးပွားရေးလုပ်ငန်းများကို မည်ကဲ့သို့ တိုးတက်စေနိုင်မည်ဆိုသည့် အကြောင်းအရာ များကိုဟောပြောမျှဝေခဲ့ပါသည်။ ဟောပြောခဲ့သည့်အကြောင်းအရာများတွင် စွန့် ဦးတီထွင်စီးပွားရေးလုပ်ငန်း အား စီမံခန့် ခွဲမှုမှ အန်နီမေးရှင်းနှင့် ဒစ်ဂျစ်တယ်လုပ်ငန်ငန်း၊ အသက်အရွယ်ရနေသည့် လူများအားပါဝင် ဆောင်ရွက်စေခြင်း နှင့် လူမှုရေးလုပ်ငန်းများ စသည်တို့ ပါဝင်သည်။

"လုပ်ငန်းတစ်ခုရဲ့ အောင်မြင်မှု သော့ချက်က တီထွင်ဖန်တီးမှုနဲ့ လုပ်ငန်းတို့ အကြားပူးတွဲဆောင်မှုပါ။ ကျွန်တော့်အမြင်မှာ ထိုင်းလူမျိုးတွေက အရမ်းကို တီထွင်ဖန်တီးနိုင်ကြတယ်။ နောက်ပြီး သူတို့ မှာ သူတို့ ရဲ့  ကိုယ်ပိုင် ထိုင်းစတိုင်လည်း ရှိတယ်" ဟု Anime!Anime! ၀က်ဘ်ဆိုက်အား တည်ထောင်သူ Tadashi Sudo မှ ဆွေးနွေးပွဲတွင် Cool Japan and the Japanese Animation Industry အကြောင်းအားဟောပြောနေစဉ် တွင် ထုတ်ဖော်ပြောဆိုခဲ့ပါသည်။

လူကြိုက်များထင်ရှားသည့် ပိုကီမွန် ဂိုး (Pokémon Go) ဂိမ်းအား ဖန်တီးသူ Visual and Interaction Design at Niantic ၏ ဒါရိုက်တာတစ်ဦးဖြစ်သူ Dennis Hwang မှလည်း ထိုင်းနိုင်ငံရှိ ဖန်တီးတီထွင်မှုအသိုက်အ၀န်း သည်၎င်း၏ကိုယ်ပိုင်စတိုင်ဖြင့် ဆက်လက်ဖွံ့ ဖြိုးကြီးထွားသင့်ကြောင်း ထောက်ခံပြောကြားခဲ့သည်။

၎င်းမှ "ထိုင်းနိုင်ငံက ဗုဒ္ဓဘာသာတရားကြောင့် အရမ်းကို အေးချမ်းတည်ငြိမ်တယ်လို့ ခံစားရပြီး ယဉ်ကျေးမှု တွေ ပေါများကြွယ်ဝတဲ့ တိုင်းပြည်တစ်ခုလို့ ကျွန်တော်ကအမြဲ ယုံကြည်တယ်။ ဖန်တီးတီထွင်မှုက ယဉ်ကျေးမှုကို ၀ါးမြိုသွားနိုင်ပါတယ်။ ဒါကြောင့် ထိုင်းနိုင်ငံမှာရှိတဲ့ ဖန်တီးတီထွင်တဲ့အသိုက်အ၀န်းကို ယဉ်ကျေးမှုရဲ့ ထူးခြားတဲ့ အကြောင်းအရာတစ်ခုခုကို အလေးထားပြီး ကမ္ဘာကမမြင်ဘူးတဲ့ ထူးခြားတဲ့ ဒီဇိုင်းနဲ့  စိတ်ကူးတွေကိုပေါင်းစပ်ထားတဲ့ အရာတွေကိုချပြပါလို့ တိုက်တွန်းပြောကြားချင်ပါတယ်" ဟုဆိုပါသည်။

ပိုမိုသိရှိလိုပါက www.ditp-design.com သို့ မဟုတ် oct2016.bigandbih.com အားဝင်ရောက်ဖတ်ရှုနိုင်ပါ သည်။

Pimsirinuch Borsub ရေးသားတင်ဆက်သည်။