Issue 53
ដោយខិតកាន់តែជិតទៅកាន់អាស៊ាន ប្រទេសឥណ្ឌាអាចក្លាយជាច្រកដ៏មានសក្ដានុពលសម្រាប់ក្រុមហ៊ុនថៃក្នុងការជ្រៀតចូលទៅក្នុងទីផ្សារអាស៊ីទក្សិណ។
"អ្នកប្រើប្រាស់ជនជាតិឥណ្ឌា ចូលចិត្តប្រជាជនថៃ និងចូលចិត្តប្រើផលិតផលថៃដោយសារតែពួកគេជឿជាក់លើគុណភាព"អគ្គនាយករងនៃអគ្គនាយកដ្ឋានពាណិជ្ជកម្មក្រៅប្រទេស (DFT) លោកAdulChotinisakornថ្លែងទៅកាន់សិក្ខាកាមនៅក្នុងសិក្ខាសាលInsight into Indiaដែលបានរៀបចំឡើយដោយ DFT នៅថ្ងៃទី១២ ខែឧសភា នៅក្នុងទីក្រុងបាងកក។ "ផលិតផលថៃសម្រាប់ទារក និងកុមារ និងគ្រឿងសម្រាប់បរិភោគអាហារ គឺត្រូវបានទទួលស្គាល់យ៉ាងល្បីល្បាញនៅក្នុងប្រទេសឥណ្ឌា ដោយសារតែកម្រិតសុវត្ថិភាព, ការរចនាបែបទាន់សម័យ និងគុណភាពលំដាប់ថ្នាក់លេខមួយរបស់ផលិតផលទាំងនោះ។"
ប្រទេសឥណ្ឌាគឺជាប្រទេសដែលមានចំនួនប្រជាជនច្រើនជាងគេលំដាប់ទីពីរនៅក្នុងពិភពលោក ដែលមានប្រជាជនប៉ាន់ស្មានប្រហែល ៣៥០-៤០០លាននាក់ដែលត្រូវបានចាត់ថ្នាក់ថាជាអ្នកប្រើប្រាស់ថ្នាក់កណ្ដាល។ ទិន្នន័យពីក្រសួងពាណិជ្ជកម្ម បង្ហាញឲ្យឃើញថា ឥណ្ឌាគឺជាប្រទេសជាដៃគូពាណិជ្ជកម្មធំជាងគេលំដាប់ថ្នាក់ទី ១៥របស់ប្រទេសថៃ។ ទំហំពាណិជ្ជកម្មទ្វេរភាគីមានចំនួនទឹកប្រាក់រហូតដល់ ៧,៩ពាន់លានដុល្លាសហរដ្ឋអាមេរិក នៅក្នុងឆ្នាំ ២០១៥។
ប្រទេសពីរដែលមានកិច្ចព្រមព្រៀងពាណិជ្ជកម្មសេរី (FTA), និងកិច្ចព្រមព្រៀងឥណ្ឌា-អាស៊ាន FTA ចូលជាធរមាននៅក្នុងឆ្នាំ ២០១០។ វាបានលុបបំបាត់របាំងពន្ធគយទៅលើផលិតផលជាច្រើនដូចជាគ្រឿងអេឡិចត្រូវនិច, គ្រឿងគីមី, គ្រឿងម៉ាស៊ីន និងវាយនភណ្ដ ឬប្រហែលជា៨០%នៃទំហំដទំនិញសរុបដែលបានជួញដូររវាង ឥណ្ឌា និងបណ្ដាប្រទេសអាស៊ាន។
Chotinisakorn លើកទឹកចិត្តអ្នកនាំចេញរបស់ថៃ ត្រូវចេះទាក់ទាញប្រជាជនឥណ្ឌាដែលជាអ្នកមានខ្លាំង ហើយដែលជាអ្នកចូលចិត្តគ្រឿងអលង្ការ, សម្ភារប្រើប្រាស់ក្នុងផ្ទះ និងការរចនាតុបតែងផ្ទះ។
គាត់មានប្រសាសន៍ថា "ដើម្បីយល់ច្បាស់អំពីទីផ្សារឥណ្ឌា, ការធ្វើឲ្យគេស្គាល់ពីយីហោ គឺជារឿងសំខាន់ ហើយវាជារឿងប្រសើរក្នុងការចូលទៅកាន់ទីផ្សារដោយលក់ដោយប្រើយីហោផ្ទាល់ខ្លួន។ ឥឡូវនេះ យីហោរបស់ថៃគឺស្ថិតនៅក្នុងចំណោមយីហោអន្តរជាតិល្បីៗដែលអ្នកប្រើប្រាស់ឥណ្ឌាមានទំនុកចិត្ត ហើយចង់ទិញខ្លាំង"។
វិនិយោគិនធំៗរបស់ថៃ រាប់ទាំងក្រុមហ៊ុន CP Group, ក្រុមហ៊ុន Delta Electronics, ក្រុមហ៊ុន Ital-Thai, ក្រុមហ៊ុនអចលនទ្រព្យ Pruksa Real Estate និងក្រុមហ៊ុនSrithai Superware, ស្របពេលដែលក្រុមហ៊ុនធំៗរបស់ឥណ្ឌានៅក្នុងប្រទេសថៃមានដូចជាក្រុមហ៊ុន Tata Group និងក្រុមហ៊ុនIndorama។
Piti Srisangnam, ជាសាស្ត្រាចារ្យមកពីសាកលវិទ្យាល័យ Chulalongkorn មានប្រសាសន៍ថា ឥណ្ឌាជានិមិត្តរូបទីផ្សារដ៏ធំមួយដែលមានអ្នកប្រើប្រាស់គ្រប់ជាន់ថ្នាក់ផ្សេងគ្នាមកពីគ្រប់វណ្ណៈអ្នកមាន,អ្នកមធ្យម និងអ្នកដែលមានចំណូលធន់ទាប។
គាត់មានប្រសាសន៍ថា "ប្រសិនបើលោកអ្នកចង់ចូលទៅកៀកនឹងអ្នកប្រើប្រាស់ឥណ្ឌា នោះលោកអ្នកត្រូវកែសម្រួលផលិតផលរបស់លោកអ្នក ទៅតាមតម្រូវការរសជាតិរបស់ប្រជាជនក្នុងស្រុកគេ"។ "ដូចលោកអ្នកឃើញហើយថា ឥណ្ឌាមានរដ្ឋចំនួន២៩ ខុសៗគ្នា ហើយវាមានច្បាប់ និងវិធានរៀងៗខ្លួន។ បន្ទាប់ពីនោះ សូមជ្រើសរើសរដ្ឋដែលមានសក្ដានុពលដែលលោកអ្នកចង់ស្វែងរកទីផ្សាររបស់លោកអ្នក។"
សាស្ត្រាចារ្យ Srisangnam ជឿថាគោលនយោបាយរបស់រដ្ឋាភិបាលឥណ្ឌា រួមទាំងកិច្ចព្រមព្រៀងខាងកើត និងធ្វើនៅប្រទេសឥណ្ឌា នឹងធ្វើឲ្យប្រទេសនេះទៅជាមជ្ឈមណ្ឌលផលិតកម្មសកលធំជាងគេមួយនៅពេលអនាគត ហើយតាមរយៈនេះ ប្រទេសថៃអាចសហការជាមួយប្រទេសឥណ្ឌាទៅលើសហគ្រាសមួយចំនួន ដូចជាផ្នែកខាងរថយន្តជាដើម។
លោកមានប្រសាសន៍ថា "នៅពេលដែលផ្លូវយន្តបថដែលសង់ឡើងភ្ជាប់បីប្រទេស ឥណ្ឌា-ភូមា-ថៃ ត្រូវបានសាងសង់រួចរាល់ហើយនៅពេលក្រោយឆ្នាំនេះ វានឹងជួយកាត់ចំណាយថ្លៃដើមការដឹកជញ្ជូន និងពេលវេលាដែលត្រូវចំណាយក្នុងការដឹកជញ្ជូនផលិតផលរវាងប្រទេសថៃ និងតំបន់ដែលបានព្រមព្រៀងនៅក្នុងឥណ្ឌា"។ ផ្លូវយន្តបថចម្ងាយ១៤០០គីឡូម៉ែត្រ នឹងលាតសន្ធឹងពីទីក្រុង Moreh ភាគខាងកើតឥណ្ឌា ដោយកាត់តាមប្រទេសភូមា ទៅកាន់Mae Sot នៅក្នុងខេត្ត Tak ប្រទេសថៃ។
អត្ថបទដោយ SomhataiMosika
Issue 52
សភាពាណិជ្ជកម្មបរទេសចម្រុះនៅក្នុងប្រទេសថៃ (JFCCT) ត្រូវបានបង្កើតឡើងនៅក្នុងឆ្នាំ ១៩៧០ គឺជាកន្លែងដែលប្រមូលផ្ដុំនូវសភាពាណិជ្ជកម្មចំនួន និងសមាគមពាណិជ្ជកម្ម ចំនួន ៣៣ រួបរួមកម្លាំងដើម្បីបង្កើននូវភាពងាយស្រួលក្នុងការធ្វើពាណិជ្ជកម្មនៅក្នុងប្រទេសថៃ។
ប្រធានសភាពាណិជ្ជកម្មបរទេសចម្រុះនៅក្នុងប្រទេសថៃ JFCCT លោក Stanley Kangមានប្រសាសន៍ថា "បេសកកម្មរបស់យើងគឺផ្សព្វផ្សាយលើកទឹកចិត្តការធ្វើពាណិជ្ជកម្ម និងការវិនិយោគនៅក្នុងប្រទេសថៃ"។ "យើងក៏ធ្វើការយ៉ាងជិតស្និតជាមួយនឹងផ្នែកឯកជន ដើម្បីជួយដល់វិស័យពាណិជ្ជកម្មថៃក្នុងការពង្រីកសកម្មភាពទៅកាន់ក្រៅប្រទេស។"
យោងតាមលោក Kang ខាង JFCCT ធ្វើការជាមួយនឹងរាជរដ្ឋាភិបាលថៃ និងភ្នាក់ងាររដ្ឋាភិបាលប្រទេសនានាពីក្រុមប្រឹក្សាពាណិជ្ជកម្ម, ក្រុមប្រឹក្សាវិនិយោគ រហូតដល់សហព័ន្ធនៃឧស្សាហកម្មថៃ ដើម្បីផ្ដល់យោបល់ និងផ្ដល់អនុសាសន៍ទៅកាន់រដ្ឋាភិបាលបរទេសស្ដីពីអត្ថប្រយោជន៍ដែលទទួលបានពីសេដ្ឋកិច្ចថៃ។
លោក Kang បានបន្ថែមថា "ប្រសិនបើសេដ្ឋកិច្ចថៃមានការរីកចម្រើន និងទទួលបានអត្ថប្រយោជន៍, នោះគ្រប់ប្រទេសដែលជាផ្នែកនៃវិស័យពាណិជ្ជកម្ម ក៏នឹងទទួលបានអត្ថប្រយោជន៍ដូចគ្នា"។
ជាមួយនឹងសមាជិកជាង ៩០០០នាក់ នោះ JFCCT រៀបចំកិច្ចប្រជុំសម្រាប់គណកម្មការចម្រុះ ដូចជា ផ្នែកអប់រំ &បំនិន, ផ្នែកការងារ, ICT, ពាណិជ្ជកម្មអន្តរជាតិ, សហគ្រាសធុនតូច និងមធ្យម និងផ្នែកទេសចរ ដើម្បីអភិវឌ្ឍការផ្ដើមគំនិតក្នុងការផ្សព្វផ្សាយផ្នែកពាណិជ្ជកម្ម។ គណកម្មការចម្រុះ ធ្វើការជាមួយសភាពាណិជ្ជកម្មផ្សេងៗ និងបណ្ដាស្ថានទូតនានាដើម្បីពិភក្សាអំពីកិច្ចព្រមព្រៀងពាណិជ្ជកម្មសេរី និងកិច្ចចរចារអំពីពាណិជ្ជកម្មផ្សេងទៀត ដើម្បីអភិវឌ្ឍជំនាញកម្លាំងការងារនៅក្នុងវិស័យបច្ចេកវិទ្យា, កម្មវិធីកុំព្យូទ័រ, គ្រឿងកុំព្យូទ័រ និង FinTech (បច្ចេកវិទ្យាផ្នែកហិរញ្ញវត្ថុ) ដើម្បីផ្ដល់ជាយោបល់ទៅលើគោលនយោបាយ សម្រាប់ផ្នែកទេសចរមកពីក្នុង និងមកពីក្រៅ, និងដើម្បីបន្តនូវការចាប់ផ្ដើមគំនិតក្នុងការបណ្ដុះបណ្ដាលនីតិសម្បទា។
លោក Kang មានប្រសាសន៍បន្តទៀតថា "បេសកកម្មចុងថ្មីបំផុតមួយសម្រាប់គណកម្មាធិការសហគ្រាសធុនតូច និងធុនមធ្យម គឺត្រូវភ្ជាប់រវាងការចាប់ផ្ដើមបណ្ដាញការងារនៅក្នុងប្រទេសតៃវ៉ាន់ និងនៅក្នុងប្រទេសថៃ"។ "នៅក្នុងប្រទេសថៃ ចំនួនច្រើនជាង ៩០% គឺជាប្រភេទសហគ្រាសធុនតូច និងធុនមធ្យម ហើយគណកម្មាធិការរបស់យើង ប្រឹងប្រែងដើម្បីធ្វើឲ្យប្រាកដថាភាពប្រកួតប្រជែងរបស់សហគ្រាសធុនតូច និងធន់មធ្យមទាំងនោះគឺមានចិរភាព។ យើងសង្ឃឹមនឹងមើលឃើញថាប្រទេសថៃនឹងក្លាយជាសង្គមបើកទូលាយកាន់តែខ្លាំង ហើយជឿជាក់ថាវានឹងអាចទាក់ទាញនូវឱកាសពាណិជ្ជកម្ម និងទេពកោសល្យកាន់តែច្រើនឡើង។."
ជាមួយនឹងការសម្ភោធសហគមសេដ្ឋកិច្ចអាស៊ាន (AEC), លោក Kang មើលឃើញនូវកាលានុវត្តភាពសម្រាប់ប្រទេសទាំងដប់ ដែលនឹងក្លាយជាដៃគូរឹងមាំជាមួយគ្នា ដោយបង្កើននូវអំណាចចរចារបន្ថែមនៅលើវេទិការ អន្តរជាតិ។ ជាកិច្ចបន្ថែមទៀត តំបន់នេះមានសក្ដានុពលនឹងក្លាយទៅជាគ្រឿងឆក់ទាញដ៏សំខាន់សម្រាប់ការវិនិយោគពីបរទេស។
លោក Kangបានបន្ថែមថា នៅក្នុងពេលដ៏ខ្លីខាងមុខនេះ នឹងមានការប្រកួតប្រជែងដ៏សម្បើមនៅក្នុងAEC នេះ។
លោកមានប្រសាសន៍ទៀតថា "នេះគឺជាឱកាសសម្រាប់ប្រទេសថៃក្នុងការបង្កើនមិត្តភាព ជួយដល់បណ្ដាប្រទេសជិតខាងខ្លួន ព្រមទាំងទទួលបាននូវអំណាចចរចារដែលជាផ្នែកមួយនៃ AEC" ។ "ប្រទេសថៃ ក៏មានអំណាចសក្ដានុពលទំនាក់ទំនងអន្តរជាតិ ដែលអានុភាព និងវប្បធម៌គឺសុទ្ធតែជាធាតុសំខាន់ទាំងពីរ។"
លោកជឿជាក់ថា វិស័យមួយចំនួនរបស់ប្រជាជនថៃ គឺមានឱកាសសម្រាប់ការរីកចម្រើនដោយចីរភាព។ លោកមានប្រសាសន៍ថា "ភាពខ្លាំងរបស់ប្រទេសថៃ គឺនៅត្រង់ថាគ្មានសហគ្រាសណាដែលលេចធ្លោរដាច់គេនោះឡើយ គឺពួកគេស្ថិតនៅប្រដំប្រសងគ្នាល្អណាស់។" "ប្រទេសថៃគឺជាប្រទេសមួយដែលពិសេស ហើយលោកអ្នកអាចវិនិយោគលើវិស័យអ្វីក៏បាន។"
នៅពីលើឆ្នាំដែលចូលមកដល់ JFCCT នឹងបន្តផ្ដល់យោបល់របស់ខ្លួនដល់រដ្ឋាភិបាលថៃបន្តទៀត។
លោក Kang មានប្រសាសន៍ថា"យើងប្ដេជ្ញាក្នុងការធ្វើខ្លួនជាផ្នែកមួយនៃប្រទេសថៃ ហើយយើងនឹងបន្តរក្សានូវវប្បធម៌សន្ទនាដោយចំហរជាមួយភ្នាក់ងាររដ្ឋាភិបាល ដោយធ្វើការជាមួយគ្នាដើម្បីធ្វើឲ្យមានអនាគតកាន់តែប្រសើរ"។
អត្ថបទដោយ PimsirinuchBorsub
Issue 51
អាស៊ានបានក្លាយជាគោលដៅទាក់ទាញមួយសម្រាប់អ្នកវិនិយោគបរទេសពីគ្រប់ទិសទីនៃពិភពលោកក្នុងបន្មានឆ្នាំថ្មីៗនេះ ដែលនេះជានិន្ននាការមួយរបស់សហគមន៍សេដ្ឋកិច្ចអាស៊ានកំណត់ឡើងដើម្បីបន្ត។
"ប្រទេសថៃគឺជាមជ្ឈមណ្ឌលសម្រាប់អាស៊ាន" នេះគឺជាអ្វីដែលលោក Kelly W. Hsieh, តំណាងការិយាល័យវប្បធម៌និងសេដ្ឋកិច្ចតៃប៉ិក្នុងប្រទេសថៃថ្លែងទៅកាន់អ្នកចូលរួមសិក្ខាសាលាសហប្រតិបត្តិការវិនិយោគតៃវ៉ាន់-ថៃឆ្នាំ 2016 ដែលបានប្រារព្ធនៅថ្ងៃទី 26 ខែមេសា នៅសណ្ឋាគារ Dusit Thani ទីក្រុងបាងកក។ "វាមានអត្ថប្រយោជន៍ជាច្រើនរួមមានផលិតផលល្អ ធនធានមនុស្សកម្រិតខ្ពស់ និងការលើកទឹកចិត្តការវិនិយោគពីរដ្ឋាភិបាល។"
តៃវ៉ាន់និងថៃបានសហការគ្នាជាច្រើនឆ្នាំទាំងវិស័យសាធារណៈនិងវិស័យឯកជន។ នៅឆ្នាំ 2016 រដ្ឋាភិបាលតៃវ៉ាន់នឹងពង្រឹងកិច្ចសហការរវាងតៃវ៉ាន់និងគ្រប់ប្រទេទាំងអស់សក្នុងអាស៊ាន។
យោងតាមរដ្ឋមន្ត្រីក្រសួងពាណិជ្ជកម្មរបស់ប្រទេសថៃឱ្យដឹងថា តៃវ៉ាន់គឺជាដៃគូពាណិជ្ជកម្មធំបំផុតទីបីរបស់ប្រទេសថៃក្នុងឆ្នាំ 2015 ដែលមានពាណិជ្ជកម្មទ្វេភាគីសរុបចំនួន 11 ពាន់លានដុល្លារ ដែលក្នុងនោះការនាំចូលមានចំនួន 7.5 ពាន់លានដុល្លារនិងការនាំចេញមានចំនួន 3.5 ពាន់លានដុល្លារ។
លោក Lien Yu Ping អគ្គនាយកនៃអគ្គនាយកដ្ឋានសេវាវិនិយោគ បន្ថែមថា "សម្រាប់ប្រទេសថៃ យើងនឹងមានកិច្ចសហការក្នុងវិស័យជាច្រើនដូចជាសិប្បកម្ម យានយន្ត ដឹកជញ្ជូន និងថាមពល។"
យោងតាមក្រុមប្រឹក្សាវិនិយោគថៃ (BOI) ឱ្យដឹងថា ការស្នើសុំវិនិយោគចំនួន 274 របស់តៃវ៉ាន់មានទឹកប្រាក់ចំនួន 1.39 ពាន់លានដុល្លាររវាងឆ្នាំ 2010 និង 2015។ វិស័យសំខាន់ទាំងបីគឺអគ្គិសនី លោហៈនិងគ្រឿងម៉ាស៊ីន និងផលិតផលកសិកម្ម។
Johnny Tam នាយកផ្នែកលក់និងទីផ្សារនៃការអភិវឌ្ឍអាជីវកម្មសម្រាប់ក្រុមហ៊ុន Delta Electronics (ថៃ) ពន្យល់ពីមូលហេតុដែលអ្នកផ្តល់ដំណោះស្រាយការគ្រប់គ្រងថាមពលកម្រិតថ្នាក់ពិភពលោកត្រូវបានជ្រើសយកប្រទេសថៃ គឺដោយសារមូលដ្ឋានផលិតផលរបស់ពួកគេនៅក្នុងតំបន់នេះតាំងពីឆ្នាំ 1988 មកម្លេះ។
គាត់និយាយថា "រដ្ឋាភិបាលថៃបានគាំទ្រពាណិជ្ជកម្មបរទេសនៅក្នុងប្រទេសដោយផ្តល់ការលើកទឹកចិត្តជាច្រើន។ ពាណិជ្ជករអាចប្រើប្រាស់ប្រទេសថៃជាមជ្ឈមណ្ឌលសម្រាប់ការផលិតតម្លៃបន្ថែម និងផលិតផលគុណភាពខ្ពស់ និងធ្វើការពង្រីកផលិតគុណភាពទាបទៅកាន់ប្រទេសជិតខាង។"
លោក Tam ស្នើថាមានកត្តាជាច្រើនដែលក្រុមហ៊ុនតៃវ៉ាន់គួរគិតពិចារណានៅពេលវិនិយោគក្នុងតំបន់អាស៊ានដែលរីកចម្រើនយ៉ាងឆាប់រហ័សនេះ។ "ដើម្បីទទួលបានជោគជ័យនៅបរទេស អ្នកត្រូវមានផែនការអាជីវកម្មវែងឆ្ងាយ ត្រូគោរពច្បាប់និងបទប្បញ្ញត្តិក្នុងប្រទេស យល់ដឹងអំពីប្រជាជននិងវប្បធម៌មូលដ្ឋាន និងសិក្សាស្វែងយល់ពីរបៀបធ្វើការជាមួយពួកគេ។"
លោកស្រី Nannatee Wiboonchutikula នាយកនៃការិយាល័យពាណិជ្ជកម្មថៃនៅទីក្រុងតៃប៉ិ លើកទឹកចិត្តនិងជំរុញឱ្យក្រុមហ៊ុនថៃចាប់យកឱកាសអាជីវកម្មដ៏អស្ចារ្យនេះនៅកោះតៃវ៉ាន់។
លោកស្រីនិយាយថា "ពាណិជ្ជករថៃអាចនាំចេញ ...ចំណីអាហារ ផលិតផលកៅស៊ូ ផលិតផលដំលូងមីនិងគ្រឿងសម្អាងទៅកាន់តៃវ៉ាន់ និងអាចវិនិយោគក្នុងវិស័យជាច្រើនរួមមានភោជនីយដ្ឋាន ម៉ាសាថៃ និងស្ប៉ា និងហាងលក់បន្តដើម្បីលក់ផលិតផលថៃ។"។
អត្ថបទដោយ Somhatai Mosika