Issue 59
នៅថ្ងៃទី 13 ខែតុលា រដ្ឋមន្រ្តីក្រសួងពាណិជ្ជកម្ម លោកស្រី Apiradi Tantraporn បានមានប្រសាសន៍ថា ក្រសួងពាណិជ្ជកម្ម និងវិស័យឯកជនកំពុងប្រឹងប្រែងធ្វើការដើម្បីជម្រុញការនាំចេញទៅកាន់ប្រទេសកម្ពុជា ប្រទេសឡាវ ប្រទេសមីយ៉ាន់ម៉ា និងប្រទេសវៀតណាម (CLMV)។
លោកស្រី Tantraporn បានមានប្រសាសន៍ថា "យើងបានជួបប្រជុំជាមួយវិស័យសាធារណៈ និងវិស័យឯកជនដែលមកពីប្រទេសថៃ និងប្រទេសជិតខាងដើម្បីពិភាក្សាអំពីការកាត់បន្ថយរនាំងនានា និងពង្រីកការធ្វើជំនួញ។ យើងក៏អាចរៀបចំសកម្មភាពផ្សេងៗទៀត ដូចជាពិព័រណ៌ពាណិជ្ជកម្ម សកម្មភាពផ្គូផ្គងអាជីវកម្ម និងសិក្ខាសាលានានាដើម្បីគាំទ្របេសកកម្មរបស់យើង"។
ក្នុងឆ្នាំ 2015 ចំនួនការធ្វើពាណិជ្ជកម្មសរុបរវាងប្រទេសថៃ និងប្រទេស CLMV មានការកើនឡើងចំនួន 5% លើសពីការធ្វើពាណិជ្ជកម្មនៅឆ្នាំមុន ដែលមានតម្លៃជាង 911 លានដុល្លារអាមេរិក (32 ពាន់លានបាត)។ ការធ្វើពាណិជ្ជកម្មនៅក្នុងរយៈពេលប្រាំបីខែដំបូងនៃឆ្នាំនេះ គឺមានការធ្លាក់ចុះចំនួន 4% ដែលមានតម្លៃត្រឹមតែជាង 569 លានដុល្លារអាមេរិក (20 ពាន់លានបាត) តែប៉ុណ្ណោះ។