Issue 55
ថៃគឺជាប្រទេសដែលនាំអង្ករធំបំផុតទៅកាន់ក្រុងហុងកុង ក្នុងរយៈពេលបួនខែដំបូងក្នុងឆ្នាំ 2016 នេះ ស្មើនឹង 59.5% នៃចំណែកទីផ្សារ បើយោងតាមរបាយការណ៍ពីអគ្គនាយកដ្ឋាន DITP នៃការិយាល័យក្នុងទីក្រុងហុងកុង។
ទោះបីជាយ៉ាងនេះក៏ដោយ លោកជំទាវរដ្ឋមន្ត្រីពាណិជ្ជកម្ម Apiradi Tantraporn បានណែនាំឱ្យក្រុមហ៊ុនថៃ ធ្វើពិពិធកម្មនូវផលិតផលរបស់ខ្លួន ដើម្បីឆ្លើយតបទៅនឹងការធ្លាក់ចុះជារួមក្នុងការប្រើប្រាស់។
លោកជំទាវលើកឡើងថា "ក្រុមហ៊ុនថៃគួរពង្រីកមូលដ្ឋានអតិថិជនរបស់ពួកគេ និងផ្តល់នូវផលិតផលអង្ករថ្មីដើម្បីបន្ថែមតម្លៃ ដើម្បីឆ្លើយតបទៅនឹងការធ្លាក់ចុះការប្រើប្រាស់អង្ករដោយមនុស្សជំនាន់ថ្មី។"
ក្នុងខែមេសា ឆ្នាំ 2016 ហុងកុងបាននាំចូលអង្ករចំនួន 30,497 តោន។ អង្ករក្រអូបនាំចូលចំនួន 29,065 តោន ដែលក្នុងនោះចំនួន 17,916 តោន ត្រូវបាននាំចូលពីប្រទេសថៃ។ ការនាំចូលអង្ករក្រអូបថៃចូលក្នុងក្រុងហុងកុងមានចំនួនស្មើនឹង 59.6% និងបន្ទាប់មកដោយប្រទេសវៀតណាមចំនួន 28.5%។
.jpg){kind=logo}
