Issue 55
ឧបរដ្ឋមន្ត្រីក្រសួងពាណិជ្ជកម្ម ឯកឧត្តម Suvit Maesincee បានបំពេញទស្សនកិច្ចជាផ្លូវការមួយទៅចក្រភពអង់គ្លេស ពីថ្ងៃទី 11ដល់ថ្ងៃទី 14 ខែកក្កដា ដើម្បីផ្សព្វផ្សាយពីការវិនិយោគនិងពាណិជ្ជកម្មរវាប្រទេសនិងបណ្តាប្រទេសសហគមន៍អឺរ៉ុប។
ក្នុងអំឡុងពេលនៃទស្សនកិច្ចនេះ ឯកឧត្តមឧបរដ្ឋមន្ត្រីនិងគណៈប្រតិភូបានជួបជាមួយតំណាងមកពីក្រសួងសម្រាប់ជំនាញនិងនវានុវត្តន៍ពាណិជ្ជកម្មរបស់ចក្រភពអង់គ្លេស ដើម្បីពិភាក្សាអំពីកិច្ចសហប្រតិបត្តិការក្នុងវិស័យជាច្រើន ដូចជា វប្បធម៌ ការបង្កើតថ្មី សេវាកម្មមានគុណភាពខ្ពស់ និងភាពជាដៃគូយុទ្ធសាស្ត្រ។
ឯកឧត្តម Maesincee បានជួបជាមួយតំណាងមកពីសមាគមន៍ពាណិជ្ជកម្មថៃក្នុងចក្រភពអង់គ្លេស ដែលបានរាយការណ៍អំពីកង្វះពលកម្មជំនាញថៃ ក្នុងវិស័យសេវាកម្ម ជាពិសេសផ្នែកចុងភៅ និងម៉ាស្សា។
ឯកឧត្តមឧបរដ្ឋមន្ត្រីពាណិជ្ជកម្មក៏មានវត្តមានក្នុងពិធីចុះហត្ថលេខា សម្រាប់ក្រុមប្រឹក្សាភាពជាអ្នកដឹកនាំពាណិជ្ជកម្មថៃ-អង់គ្លេស ដែលមានគោលបំណងដើម្បីជំរុញសហប្រតិបត្តិការរវាងប្រទេសទាំងពីរ និងផ្តល់យោបល់ដល់រដ្ឋាភិបាលនៃប្រទេសនីមួយៗ។ ក្រុមប្រឹក្សានេះមានផែនការរៀបចំកិច្ចប្រជុំប្រចាំឆ្នាំ ដែលសម្រាប់កិច្ចប្រជុំលើកដំបូងគ្រោងនឹងរៀបចំក្នុងប្រទេសថៃ នាខែកញ្ញា ឬខែតុលា ឆ្នាំ 2016 នេះ។
.jpg){kind=logo}
