Issue 55
អគ្គនាយកដ្ឋាន DITP បានដាក់បង្ហាញម៉ាកល្បីៗរបស់ថៃឆ្នាំ 2016 នៅទីក្រុងវៀងច័ន្ទ ពីថ្ងៃទី 29 ខែមិថុនា ដល់ថ្ងៃទី 3 ខែកក្កដា ដើម្បីផ្សព្វផ្សាយផលិតផលថៃក្នុងប្រទេសឡាវ។
ដោយមានអ្នកតាំងពិពរណ៍ចំនួន 212 នាក់មកពីប្រទេសថៃ ព្រឹត្តិការណ៍នេះបានទាក់ទាញអ្នកទស្សនាប្រមាណ 56,000 នាក់ ដែលបានមកមើលផលិតផលថៃ ដូចជាអាហារនិងភេសជ្ជៈ ទឹកជ្រលក់ ផ្លែឈើស្រស់ ផលិតផលសម្អាង សម្ភារៈតុបតែងផ្ទះ សម្ភារៈកីឡារ និងផលិតផលតាំងបង្ហាញ។ តាមការប៉ាន់ប្រមាណ ព្រឹត្តិការណ៍នេះបានបង្កើតចំណូលបញ្ជាទិញប្រមាណ 3.4 លានដុល្លារ (125 លានបាត)។
យោងតាមការលើកឡើងរបស់អគ្គនាយក DITP លោកជំទាវ Malee Choklumlerd មានប្រសាសន៍ថា ឡាវកំពុងកៀរគរការវិនិយោគថៃបន្ថែមទៀត ជាពិសេសវិស័យកសិកម្មសរីរាង្គ។
លោកជំទាវ Choklumlerd លើកឡើងថា "តំបន់សេដ្ឋកិច្ចពិសេស Ta Kaek ដែលស្ថិតនៅជិតស្ពានមិត្តភាពថៃ-ឡាវទីបី គឺជាតំបន់មួយក្នុងចំណោមតំបន់សេដ្ឋកិច្ចពិសេសទាំង 11 ដែលរដ្ឋាភិបាលឡាវអនុញ្ញាតសម្រាប់ការវិនិយោគបរទេស។"