គេហទំព័រ Thaitrade.com ទទួលប្រាក់ចំណូលដល់ 140 លានដុល្លារក្នុងរយៈពេលបីឆ្នាំ

Issue 51

រដ្ឋមន្ត្រីក្រសួងពាណិជ្ជកម្មរំពឹងថាគេហទំព័រ Thaitrade.com ដែលជាគេហទំព័រទីផ្សារអនឡាញសម្រាប់អាជីវកម្មទៅអាជីវកម្ម (B2B) របស់ប្រទេសថៃ នឹងបង្កើតប្រាក់ចំណូលយ៉ាងតិចណាស់ចំនួន 140 លានដុល្លារ (5 ពាន់លានបាត) តាមរយៈពាណិជ្ជកម្មតាមប្រព័ន្ធអេឡិកត្រូវនិក និងជួយបង្រៀនសហគ្រានខ្នាតតូចនិងមធ្យមថៃប្រមាណ 15,000 អំពីទីផ្សារតាមប្រព័ន្ធអេឡិកត្រូនិកក្នុងរយៈពេលបីឆ្នាំ។

កាលពីថ្ងៃទី 22 ខែឧសភា លោកជំទាវរដ្ឋមន្ត្រីក្រសួងពាណិជ្ជកម្ម មានប្រសាសន៍ថា "គេហទំព័រ Thaitrade.com បានធ្វើការជាមួយដៃគូក្នុងវិស័យពាណិជ្ជកម្មតាមប្រព័ន្ធអេឡិកត្រូនិក រួមមាន Alibaba Group, ក្រុមប្រឹក្សាអភិវឌ្ឍពាណិជ្ជកម្មហុងកុង និងសមាគមនពាណិជ្ជកម្មអន្តរជាតិកូរ៉េក្នុងការបង្កើតទិន្នន័យមូលដ្ឋានពាណិជ្ជកម្មសម្រាប់ធ្វើការវិភាគទិន្ននាការពាណិជ្ជកម្មសកល"។

គេហទំព័រ Thaitrade.com បានបង្កើតឡើងនៅឆ្នាំ 2011 និងរហូតមកដល់បច្ចុប្បន្ននេះមានសមាជិកចំនួន 116,034 សមាជិក ដែលក្នុងនោះមានអ្នកលក់ចំនួន 18,358 និងអ្នកទិញចំនួន 97,676 និងមានផលិតផលច្រើនជាង 240,000 ផលិតផល។ ការលក់ដាច់ច្រើនបំផុតរួមមានផលិតផលអាហារនិងភេសជ្ជៈ សម្លៀកបំពាក់ គ្រឿងសម្អាង ផលិតផលកសិកម្ម កាដូនិង សិប្បកម្ម និងគ្រឿងសង្ហារឹម។ ប្រទេសដែលធ្វើការជាវខ្ពស់ជាងគេមានប្រទេសឥណ្ឌា ចិន សហរដ្ឋអាមេរិក និងប្រទេសបាគីស្ថាន។