Issue 49
រដ្ឋមន្ត្រីពាណិជ្ជកម្ម លោកស្រី Apiradi Tantraporn និងអ្នកតំណាងពាណិជ្ជកម្មសហរដ្ឋអាមេរិក Michael B. Froman បានបង្កើតនូវកិច្ចពិភាក្សាស្តីពីការពង្រីកពាណិជ្ជកម្មនិងការវិនិយោគរវាងប្រទេសទាំងពីរ នៅក្រោមកិច្ចព្រមព្រៀងក្របខ័ណ្ឌពាណិជ្ជកម្មនិងវិនិយោគ (TIFA) នៅវ៉ាស៊ីនតោន ឌីស៊ី កាលពីថ្ងៃទី២២ ខែមេសា។
លោកស្រី Tantraporn បានមានប្រសាសន៍ថា "ប្រទេសថៃបានស្នើសុំដល់សហរដ្ឋអាមេរិកក្នុងការគាំទ្រ GSP (General Scheme of Preference) សម្រាប់ទំនិញថៃបន្ថែម រួមមានទំនិញសម្រាប់ធ្វើដំណើរនិងទឹកដូង ព្រោះតម្រូវការនេះមានការកើនឡើងនៅសហរដ្ឋអាមេរិក"។
កិច្ចពិភាក្សាដទៃទៀតរួមមាន សិទ្ធិកម្មសិទ្ធបញ្ញា ច្បាប់ស្តីពីសុវត្ថិចំណីអាហារថ្មីរបស់សហរដ្ឋអាមេរិក និងកិច្ចសហប្រតិបត្តិការទាក់ទងនឹងការបណ្តុះបណ្តាលពាក់ព័ន្ធនឹងបណ្ណប៉ាតង់សម្រាប់មន្ត្រីថៃ។
យោងតាមក្រសួងពាណិជ្ជកម្ម កាលពីឆ្នាំកន្លងទៅនេះ សហរដ្ឋអាមេរិកគឺជាដៃគូពាណិជ្ជកម្មទី៣ ធំជាងគេនៅប្រទេសថៃ ដែលពាណិជ្ជកម្មទ្វេភាគីកើនឡើងដល់ ៣៧.៩២ ពាន់លានដុល្លារអាមេរិក ក្នុងនោះការនាំចេញរបស់ប្រទេសថៃទៅសហរដ្ឋអាមេរិកមានចំនួន ២៤.០៥ពាន់លានដុល្លារអាមេរិក និងការនាំចូលមានចំនួន ១៣.៨៦ពាន់លានដុល្លារអាមេរិក។