Issue 55

លោក KK Chin នាយកផ្នែករចនាម៉ូដ​របស់ tête-à-tête ផ្តល់សម្ភាស​ទៅ Horizon អំពីគំនិតរបស់គាត់និង​របៀប​ដែលគាត់​បង្ហាញ​ប្រភេទផ្សេងៗ​នៃសេចក្តីស្រលាញ់​តាមរយៈ​កម្រងគ្រឿងអលង្ការរបស់គាត់។

តើលោកអាចប្រើយើង​អំពី​ tête-à-tête បានឬទេ?

ព័ត៌មានលម្អិតនីមួយៗ​នៃម៉ាករបស់យើង​មាន​រឿងរាវ​នៅពីក្រោយជានិច្ច មុនពេលវាត្រូវបាន​ចាប់ផ្តើម​ជាមួយ​នឹង​ម៉ាកឈ្មោះ 'tête-à-tête' ដែលមានន័យថា​ស្និទស្នាល ឬចិត្តនិងចិត្ត។ ការរចនាទាំងអស់​ត្រូវបានបង្កើត​ក្រោយ​ទស្សនស្នូលគឺ 'រសសម្រាប់ការស្រលាញ់' ដែលពួកគេ​និយាយអំពីរៀងរាវស្នេហា​ដែល​មិន​ត្រឹមតែ​បានកម្រិត​ចំពោះ​សេចក្តីស្រលាញ់រវាង​ប្តីប្រព័ន្ធ ប៉ុន្តែ​វា​ក៏រាប់បញ្ចូល​ប្រភេទនៃសេចក្តីស្រលាញ់ផ្សេងទៀតដូចជា សេចក្តីស្រលាញ់រវាឪពុកម្តាយនិងកូន និងសេចក្តីស្រលាញ់រវាង​មិត្តភ័ក្ក។ គំនិត​ច្នៃប្រឌិតភាគច្រើន​បានកើតចេញពី​ការសន្ទនាប្រចាំថ្ងៃរបស់ខ្ញុំជាមួយ​ប្រព័ន្ធរបស់ខ្ញុំ ដែល​ជា​អ្នករចនា​គ្រឿងអលង្ការផងដែរ។

តើគំរូណាមួយដែលលោកលក់ដាច់ច្រើនបំផុត?

គំរូ Dim Sum គឺត្រូវបានលក់ដាច់ច្រើនបំផុត​ ហើយវាក៏បានឈ្នះ​ពានរង្វាន់ការច្នៃម៉ូដ​ឥតខ្ចោះ (DEmark) នៅឆ្នាំ 2008 ផងដែរ។ គំរូនេះ​មាន​ត្បូងពេជ្យ​ទំហំធំនៅលើខ្សែដៃដ៏ស្រស់ស្អាត។ គំនិត​នៅពីក្រោយ​ការរចនា​នេះគឺត្រូវបានផ្សំគ្នាឡើងនៅពេល​ទទួលទានអាហារថ្ងៃត្រង់​ជាមួយប្រពន្ធរបស់ខ្ញុំ ហើយខ្ញុំបាន​ពិភាក្សា​​អំពីអត្ថន័យ​ជាភាសាចិន 'dim sum' ដែលមានន័យថា 'ប៉ះត្រូវបះដូង'។ ពីអតិតកាល​ ប្រពន្ធជនជាតិចិន​ត្រូវ​រៀបចំ​ dim sum ជាអាហារសម្រនសម្រាប់ស្វាមីពួកគេ ហើយ​វាជាវិធីមួយ​បង្ហាញ​ពី​ការស្រលាញ់និង​ការយកចិត្តទុកដាក់។

តើលោកលក់គ្រឿងអលង្ការរបស់លោកនៅទីណា និងសម្រាប់នរណាដែរ?

ដូចខ្ញុំបាន​រៀបរាប់ខាងដើមថា ទស្សនៈគន្លឹះ​របស់ tête-à-tête គឺ 'រសសម្រាប់សេចក្តីស្រលាញ់' ដូច្នេះ​អ្នកអាច​រកទិញ​គំរូ​គ្រឿងអលង្ការ​ tête-à-tête នៅតាមទីកន្លែងរ៉ូមែនទិក ដូចជា​នៅ ... សណ្ឌាគារ Rayavadee នៅ Krabi, សណ្ឋាគារ Six Senses Hotels & Resorts Maldives និង​នៅ​ទីកន្លែងនិងវិចិត្រសាលផ្សេងៗទៀត។ ប៉ុន្តែ​ ដោយពាណិជ្ជកម្ម​តាមប្រព័ន្ធអ៊ិនធឺណិត​កំពុង​ដើរតួ​យ៉ាងសំខាន់​ក្នុងសម័យឌីជីថលនេះ វាបាន​ក្លាយជា​ទម្រង់ល្អបំផុត​សម្រាប់ខ្ញុំ​ក្នុងការ​បញ្ជូន​សារ​របស់ខ្ញុំទៅ​អតិថិជន​នៅជុំវិញពិភពលោក ដែល​ជាបុគ្គល​មាន​បេះដូងរ៉ូមែនទិក និងកំពុងស្វែងរក​គ្រឿងអលង្ការ​ឯកនិង​មានភាពច្នៃប្រឌិត​សម្រាប់​ពួកគេ​និង​អ្នកជាទីស្រលាញ់របស់ពួកគេ។

តើលោកអាច​បង្កើតការរចនា​ដែលឆ្លុះបញ្ចាំង​ពីគំនិត​របស់ និងដែលចាប់យក​បេះដូងរបស់អតិថិជនយ៉ាងដូចម្តេច?

ដូចជា​ម៉ាក​គ្រឿងអលង្ការតូចៗដែរ tête-à-tête ត្រូវតែ​មានតែមួយ និង​មានគំនិតច្បាស់លាស់​អំពីអ្វី​ដែល​យើង​ធ្វើ រួមទាំង​បញ្ជាក់អំពីអត្តសញ្ញាម៉ាករបស់យើង អតិថិជនគោលដៅនិងការរចនារបស់យើង។ ខ្ញុំ​អនុវត្ត​នូវ​យុទ្ធសាស្ត្រ 'ខាងក្នុងបច្ចេញក្រៅ' សម្រាប់​ការរចនារបស់ខ្ញុំ និងអាជីវកម្មរបស់ខ្ញុំ។ ជាដំបូង ខ្ញុំដឹងអំពី​ភាពខ្លាំងនិងដែនកំណត់របស់ខ្ញុំ ជំនាញ និងអ្វីដែលខ្ញុំចង់​លក់​ទៅឱ្យ​អតិថិជន​របស់ខ្ញុំ។ ជាងនេះ ខ្ញុំ​សិក្សាអំពី​តម្រូវការ​របស់អតិថិជន​គោលដៅរបស់ខ្ញុំ។ ដើម្បីទទួលបាននូវ​ព័ត៌មាននេះ ដូចជា​ចំណង់ចំណូលចិត្តអាហារ របៀបរស់នៅ និង​ហេតុផលនៃការទិញ​គ្រឿងអលង្ការ ខ្ញុំចូលចិត្ត​និយាយលេងជាមួយ​អតិថិជន​គោលដៅរបស់ខ្ញុំ និងស្តាប់​មតិត្រឡប់របស់ពួកគេនៅ​ពិធី​ពាណិជ្ជកម្មផ្សេងៗ នៅ​កន្លែងតាំងបង្ហាញ​របស់ខ្ញុំ និង​តាមរយៈបណ្តាញ​ចែកចាយ​នានា។

តើលោកគិតថា​អនាគតរបស់ tête-à-tête នឹងទៅជាយ៉ាងណាដែរ?

ខ្ញុំចង់ឃើញ​ tête-à-tête ក្លាយជា​ម៉ាក​របស់ថៃ​មួយដែល​ត្រូវបានទទួលស្គាល់​ជាសកល​នៅក្នុងទីផ្សារ​អន្តរជាតិ​។ ប្រជាជនថៃ​រួសរាយរាក់ទាក់​ ហើយខ្ញុំ​នឹងបន្ត​ផ្សព្វផ្សាយ​តម្លៃនេះ​តាមរយៈគ្រឿងអលង្ការ​របស់ខ្ញុំ​ និង​ចង់​ធ្វើនូវការងារ​ល្អប្រសើរមួយ។ ខ្ញុំចង់​បង្កើត​គ្រឿងអលង្ការ​ច្រើនផ្សេងទៀត​ និងដែលផ្តោត​លIង​ទីផ្សារ​ពាណិជ្ជកម្មទៅអតិថិជន​ (B2C) ច្រើនជាង។

សម្រាប់ព័ត៌មាន​បន្ថែម សូម​ចូលមើល www.tetejewellers.com ឬមើលទំព័រហ្វេសបុក FB:tete-a-tete និង twitter: teteatetedesign