Issue 51

សម្រាប់​ពិភពអាជីវកម្ម​បច្ចុប្បន្ននេះ ក្រុមហ៊ុន​មានភាពប្រាស្រ័យកើតឡើងយ៉ាងខ្លាំងក្លាតាម​ដំណោះស្រាយ​កម្មវិធីសូហ្វវែរត្រឹមត្រូវ។

ជាមួយនឹង​ការរីកចម្រើន​យ៉ាងខ្លាំងក្លា​វិស័យ​សហគ្រាស​ខ្នាតតូចនិងមធ្យម​របស់ប្រទេសថៃ ការ​អភិវឌ្ឍកម្មវិធីសូហ្វវែរ​ឆ្លាតវៃ​និង​ឆ្លើយតប​ដើម្បីគាំទ្រ​ប្រព័ន្ធក្រោយការិយាល័យ​កំពុងមាន​សារសំខាន់​ខ្លាំងឡើងជាលំដាប់។ នេះគឺជា​កន្លែងដែល​ EWORKS ចូលមក។

EWORK ដែលបានបង្កើតនៅឆ្នាំ 2010 បានចាប់ផ្តើម​ជាក្រុមហ៊ុន​អភិវឌ្ឍកម្មវិធីសូហ្វវែរ​តូចមួយក្នុងទីក្រុងបាងកក។ ក្រុមហ៊ុន​នេះ​បាន​អភិវឌ្ឍដំណោះស្រាយ​គ្រប់គ្រងអាជីវកម្ម​សម្រាប់​សហគ្រាសខ្នាតតូច​និងមធ្យម។

Gautam Ganguly នាយកគ្រប់គ្រង​នៃក្រុមហ៊ុនប្រឹក្សា​ EWORK និយាយថា "អ្នកជំនាញ​របស់​យើង​ធ្វើការផ្តល់​ឱ្យ​នូវ​ការបញ្ចូល​ប្រព័ន្ធសូហ្វវែរ​ពេញលេញ​គ្រប់វិស័យទាំងអស់។" ផ្នែកមួយ​គឺ​កំពុងអភិវឌ្ឍប្រព័ន្ធគ្រប់គ្រង​ ដូចជា​ Tour Plus សម្រាប់​ឧទ្យានកំសាន្ត។

គាត់បាននិយាយថា "កម្មវិធី Tour Plus គឺជាដំណោះស្រាយ​សម្រាប់បញ្ហាប្រឈម​នៃការគ្រប់គ្រង​ឧទ្យានកំសាន្ត"។ "វាបានចាប់ផ្តើមពី​ឧបករណ៍​គ្រប់គ្រង​ភ្ញៀវ​ ហើយ​ពេល​នេះ​រួមមាន​ប្រព័ន្ធកក់បន្ទប់ គ្រប់គ្រង​ភ្ញៀវ គ្រប់គ្រង​កិច្ចសន្យា​លក់ B2B ជាមួយ​ភ្នាក់ងារទេសចរណ៍ ដំណោះស្រាយការិយាល័យ និងគ្រប់គ្រង​ F&B។ វាក៏បញ្ចូល​ឧបករណ៍​បញ្ជាទិញ​ផងដែរ​ ដូចជា​កម្មវិធីអានបារកូដ និង​កម្មវិធីស្កែន បោះពុម្ពបង្កាន់ដៃនិងច្រើនផ្សេងទៀត។" គាត់បន្ថែមថា​សូហ្វវែរ​អាច​ត្រូវបានកែសម្រួល​សម្រាប់​មជ្ឈមណ្ឌលពហុកំសាន ការបង្រៀន​កូនហ្គោល ស្ប៉ា​ ប៉ូលីង ឬមជ្ឈមណ្ឌកំសាន្តតូចៗ។

Ganguly ជឿថាថៃមាន​គំនិត​ជាសហគ្រិនភាពខ្ពស់ណាស់។ "ពួកគេ​ចង់បាន​សេរីភាព​ផ្នែកហិរញ្ញវត្ថុ​និង​ហាក់ដូចជាមិនការភ័យខ្លាចចំពោះគ្រោះថ្នាក់​នៅពេលដែលពួកគេ​មើលឃើញ​ឱកាស​ បើទោះបីជាវាជាអាជីវកម្មតូចមួយក្តី​ ដូចជា​ហាងកាហ្វេ ឬ​អាជីវកម្មធំៗ​ដូចជា​ក្រុមហ៊ុន​នាំចេញនាំចូល​ ឬមជ្ឈមណ្ឌលកំសាន្ត​"។ ផលិតផលរបស់ EWORKS ភ្ជាប់សហគ្រិន​ថៃឱ្យ​ទទួល​បានជោគជ័យ។

ផលិតផលមួយទៀតរបស់ EWORKS គឺ Billing Lite ដែលជាកម្មវិធី​រចនាឡើងសម្រាប់​សហគ្រាន​ខ្នាតតូចនិងមធ្យម។ គាត់និយាយថា "វាគឺជា​កម្មវិធី​ផែនការធនធានសហគ្រាស​ភ្ជាប់នឹង​គេហទំព័រ ... ដែលបានរចនា​ដើម្បីបញ្ចូលជាមួយ​​ការជាវ ការលក់ សន្ធិធិ គណនេយ្យ​និងដំណើរការទូទាត់​ទៅក្នុង​លំហូរការងារអាជីវកម្មដែលមានស្រាប់​​ និង​អនុញ្ញាតសម្រាប់​ការបញ្ចូលលៃតម្រូវបន្ថែមទៀត​"។

ក្រុមហ៊ុន​មាន​អតិថិជន​ទាំង​ពីវិស័យ​សាធារណៈនិងឯកជន រួមាន​ពិភពសុបិន្ត (Dream World) និង​ស្យាម Niramitre ក្នុងប្រទេសថៃនិង​ Ancol Dreamland ក្នុងប្រទេសឥណ្ឌូនេស៊ី។

Ganguly ជឿថាប្រភេទនៃ​ឧស្សាហកម្ម​ព័ត៌មានវិទ្យា​គឺកំពុង​ផ្លាស់ប្តូរ​យ៉ាងឆាប់រហ័ស ដូច្នេះ​មនុស្សម្នា​ត្រូវ​បន្តរៀនសូត្រ​និង​អភិវឌ្ឍខ្លួនឯងជានិច្ច។

គាត់និយាយថា "ការអភិវឌ្ឍបុគ្គល​គឺ​សំខាន់ជាង​ការច្នៃប្រឌិតឬ​បច្ចេកវិទ្យាខ្លាំងណាស់។" "បើទោះបី​ជា​អ្នកមាន​កម្មវិធីសូហ្វវែរ​លំដាប់ផ្កាយប្រាំ​ ប៉ុន្តែ​អ្នក​មិនយល់​ពីរបៀប​ប្រើ ឬ​ផ្តល់​ផលិតផល​ឱ្យ​ត្រូវតាម​តម្រូវការ​របស់អតិថិជន​ទេ ការចរចាអាជីវកម្មរបស់អ្នក​នឹង​មិន​អាចទទួលជោគជ័យឡើយ។"

សម្រាប់ព័ត៌មានបន្ថែម​ សូមមើលគេហទំព័រ www.eworkscorp.net

អត្ថបទដោយ Natthinee Ratanaprasidhi